ខេត្តកំពង់ចាម ៖ កងកម្លាំងវីរយុទ្ធជនជួរមុខចំនួន៦នាក់ ដែលមានជំងឺចូលមកសម្រាកជាបន្តបន្ទាប់នៅមន្ទីរពេទ្យបង្អែក ស្រុកបាធាយ ត្រូវបានក្រុមគ្រូពេទ្យយកចិត្តទុកដាក់ព្យាបាលធ្វើឲ្យស្ថានភាពជំងឺបានធូរស្រាលច្រើន ក្នុងរយៈពេល២ទៅ៣ថ្ងៃខាងមុខទៀតពួកគាត់នឹងចាកចេញពីមន្ទីរពេទ្យ ។ នេះបើតាមការឲ្យដឹងពីលោកវេជ្ជបណ្ឌិតទូច ហួត…
ខេត្តកំពង់ចាម ៖ កងកម្លាំងវីរយុទ្ធជនជួរមុខចំនួន៦នាក់ ដែលមានជំងឺចូលមកសម្រាកជាបន្តបន្ទាប់នៅមន្ទីរពេទ្យបង្អែក ស្រុកបាធាយ ត្រូវបានក្រុមគ្រូពេទ្យយកចិត្តទុកដាក់ព្យាបាលធ្វើឲ្យស្ថានភាពជំងឺបានធូរស្រាលច្រើន ក្នុងរយៈពេល២ទៅ៣ថ្ងៃខាងមុខទៀតពួកគាត់នឹងចាកចេញពីមន្ទីរពេទ្យ ។ នេះបើតាមការឲ្យដឹងពីលោកវេជ្ជបណ្ឌិតទូច ហួត ប្រធានមន្ទីរពេទ្យបង្អែកស្រុកបាធាយ មានប្រសាសន៍ឱ្យដឹង នៅព្រឹកថ្ងៃទី ២២ ធ្នូ ឆ្នាំ២០២៥ ។ ជាមួយនោះ ពួកគាត់នឹងអញ្ជើញត្រឡប់ទៅអង្គភាពជួរមុខព្រំដែនកម្ពុជា-ថៃដើម្បីការពារបូរណភាពទឹកដីជាតិយើង ។
គួររំលឹកថា នៅថ្ងៃទី២១ ខែធ្នូ ឯកឧត្តម អ៊ុន ចាន់ដា អភិបាលខេត្តបានដឹកនាំក្រុមការងារខេត្ត អាជ្ញាធរមូលដ្ឋានអញ្ជើញចុះសួរសុខទុក្ខ និងនាំអំណោយផ្ដល់ជូនវីរកងទ័ព៦រូប ដែលកំពុងសម្រាកព្យាបាលជំងឺនៅមន្ទីរពេទ្យបង្អែកស្រុកបាធាយរួមមាន ៖
១-ឈ្មោះឈាង អូន ភេទប្រុស អាយុ៥៤ឆ្នាំ
២-ឈ្មោះញ៉ុក វិន ភេទប្រុស អាយុ៥៤ឆ្នាំ
៣-ឈ្មោះណៃ នាង ភេទប្រុស អាយុ៥៦ឆ្នាំ
៤-ឈ្មោះចិន ថន ភេទប្រុស អាយុ៥៤ឆ្នាំ
៥-ឈ្មោះឈឿន គីម ភេទប្រុស អាយុ៣១ឆ្នាំ
៦-ឈ្មោះកំសត់ កូប ភេទប្រុស អាយុ៣៥ឆ្នាំ
សូមបញ្ជាក់ថា វីរកងទ័ពទាំង៦រូបខាងលើ បម្រើការនៅអង្គភាពយុទ្ធភូមិភាគទី២ ប្រចាំការនៅទិសប្រាសាទខ្នារ និងប្រាសាទតាក្របី ខេត្តឧត្តរមានជ័យ ។ ពេលអញ្ជើញជួបជាមួយនឹងបងៗវីរកងទ័ព ត្រូវបានឯកឧត្តម អ៊ុន ចាន់ដា អភិបាលខេត្ត ពាំនាំនូវការផ្តាំផ្ញើសាកសួរសុខទុក្ខពីសម្តេចតេជោ ហ៊ុន សែន ប្រធានព្រឹទ្ធសភា សម្តេចកិត្តិព្រឹទ្ធបណ្ឌិតប៊ុន រ៉ានី ហ៊ុន សែន និងសម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា លោកបណ្ឌិត ពេជ្រ ចន្ទមុន្នី ហ៊ុនម៉ាណែត ដែលជានិច្ចកាល ប្រមុខថ្នាក់ដឹកនាំ តែងគិតគូរខ្វល់ខ្វាយអំពីសុខទុក្ខរបស់វីរកងទ័ពយើង និងបងប្អូនប្រជាពលរដ្ឋណាម្នាក់នៅឯកានោះឡើយ ។
ឯកឧត្តមអភិបាលខេត្តថ្លែងការកោតសរសើរដល់វីរភាពដ៏អង់អាចក្លាហានរបស់វីរកងទ័ពរបស់យើង និងស្នើឲ្យបងៗខិតខំថែទាំសុខភាព ស្តាប់តាមការណែនាំរបស់វេជ្ជបញ្ជា ដើម្បីឆាប់បានជាសះស្បើយ នឹងអាលបានទៅបម្រើជាតិមាតុភូមិឡើងវិញ ។ ទន្ទឹមនោះ ឯកឧត្តម អភិបាលខេត្តក៏បានផ្ដាំផ្ញើដល់ក្រុមគ្រូពេទ្យសូមយកចិត្តទុកដាក់ថែទាំ និងព្យាបាលដល់វីរកងទ័ពរបស់យើងឲ្យបានល្អប្រសើរ ដោយការចំណាយជាបន្ទុករបស់រដ្ឋបាលខេត្ត ។
សូមបញ្ជាក់ថា កាលពីលើកមុនមានវីរកងទ័ពពីរនាក់បានមកសម្រាកព្យាបាលនៅមន្ទីរពេទ្យនេះដែរ ដោយសារតែមានបញ្ហាតម្រង់នោម គ្រាហ៍នោះទ័ពសៀមបានបាញ់គ្រាប់ស្រោចដូចទឹកភ្លៀងតែទឹកដោះម្ដាយថ្លៃ សូម្បីតែមួយគ្រាប់ក៏មិនត្រូវផងដែរ ។
ចែករំលែកព័តមាននេះ