ខេត្តបាត់ដំបង ៖ អាជីវករផ្សារណាត់ប្រមាណ២០០នាក់ក្នុងក្រុងបាត់ដំបង នៅព្រឹកថ្ងៃទី២៤ ឧសភា ២០១១ នេះ បានប្រមូលផ្តុំគ្នាតវ៉ានៅមុខសាលាខេត្តបាត់ដំបង ប្រយោជន៍ដើម្បីទាមទារឱ្យអាជ្ញាធររក្សាតម្លៃតូបចាស់ ឱ្យនៅដដែល។ ការតវ៉ានេះ ធ្វើឡើងបន្ទាប់ពីអាជ្ញាធរសុំដំឡើងថ្លៃតូប១០ភាគរយបន្ថែមទៀត
ខេត្តបាត់ដំបង ៖ អាជីវករផ្សារណាត់ប្រមាណ២០០នាក់ក្នុងក្រុងបាត់ដំបង នៅព្រឹកថ្ងៃទី២៤ ឧសភា ២០១១ នេះ បានប្រមូលផ្តុំគ្នាតវ៉ានៅមុខសាលាខេត្តបាត់ដំបង ប្រយោជន៍ដើម្បីទាមទារឱ្យអាជ្ញាធររក្សាតម្លៃតូបចាស់ ឱ្យនៅដដែល។ ការតវ៉ានេះ ធ្វើឡើងបន្ទាប់ពីអាជ្ញាធរសុំដំឡើងថ្លៃតូប១០ភាគរយបន្ថែមទៀត លើតម្លៃ៥០ភាគរយ ដែលអាជ្ញាធរធ្លាប់បានដំឡើងកាលពីឆ្នាំ២០០៧ រហូតដល់ឆ្នាំ២០១០ ។
ក្រុមអាជីវករបានឱ្យដឹងថា ការដំឡើងថ្លៃតូប៥០ភាគរយ កាលពីឆ្នាំ២០០៧ រហូតដល់២០១០ កន្លងមក នោះ គឺអាជ្ញាធរបានសន្យាចំពោះមុខក្រុមអាជីវករថា មិនដំឡើងថ្លៃតូបជាបន្តទៀតនោះទេ ប៉ុន្តែស្រាប់តែឆ្នាំ២០១១នេះ អាជ្ញាធរបានសុំដំឡើង១០ភាគរយបន្ថែមទៀត ដែលធ្វើឱ្យពួកគេមិនអាចទទួលយកបាន ហើយសូមទាមទាររក្សាតម្លៃចាស់ដដែល ។ មកដល់វេលាម៉ោង៩និង១៥នាទីនេះអាជ្ញាធរខេត្ត និងតំណាងអាជីវករកំពុងធ្វើការចរចារកដំណោះស្រាយ ។
គួរបញ្ជាក់ថា កាលពីថ្ងៃទី៤ ឧសភា ២០១១ កន្លងមក នេះ ក្រុមអាជីវករផ្សារណាត់បានធ្វើការតវ៉ាម្តងហើយ ប៉ុន្តែដោយគ្មានការសម្របសម្រួល និងដោះស្រាយ ទើបក្រុមអាជីវករបានតវ៉ានៅសាលាខេត្តជាបន្តទៀតនៅព្រឹកថ្ងៃអង្គារនេះ ៕
ចែករំលែកព័តមាននេះ