ខេត្តកំពង់ឆ្នាំង ៖ មន្ត្រីប៉ូលិសប៉ុស្តិ៍គោកបន្ទាយម្នាក់បានពុលត្រីក្រពតស្លា.ប់កាលពីវេលាម៉ោង២រសៀល ថ្ងៃទី២២ ខែមេសា ។ ហេតុការណ៍កើតឡើងនៅផ្ទះរបស់លោកស្ថិតក្នុងភូមិកន្លែងភេ ឃុំគោកបន្ទាយ ស្រុករលាប្អៀរ។ លោកសឺង ពិសិដ្ឋ អធិការស្រុករលាប្អៀរឱ្យដឹងថា មន្ត្រីប៉ូលិសរងគ្រោះឈ្មោះប៉ុម ត្រេន អាយុ៤៨ឆ្នាំ មានឋានៈព្រិន្ទបាលទោ
ខេត្តកំពង់ឆ្នាំង ៖ មន្ត្រីប៉ូលិសប៉ុស្តិ៍គោកបន្ទាយម្នាក់បានពុលត្រីក្រពតស្លាប់កាលពីវេលាម៉ោង២រសៀល ថ្ងៃទី២២ ខែមេសា ។ ហេតុការណ៍កើតឡើងនៅផ្ទះរបស់លោកស្ថិតក្នុងភូមិកន្លែងភេ ឃុំគោកបន្ទាយ ស្រុករលាប្អៀរ។ លោកសឺង ពិសិដ្ឋ អធិការស្រុករលាប្អៀរឱ្យដឹងថា មន្ត្រីប៉ូលិសរងគ្រោះឈ្មោះប៉ុម ត្រេន អាយុ៤៨ឆ្នាំ មានឋានៈព្រិន្ទបាលទោ ។
លោកអធិការស្រុកបានស្រង់សំដីរបស់ស្ត្រីជាប្រពន្ធថា នៅម៉ោង៨ព្រឹកកូនប្រុសគាត់ត្រឡប់ពីសាមងវិញបានត្រីប្រហែល២គីឡូក្រាម ក្នុងនោះក៏មានត្រីក្រពត៣ក្បាលដែរ ។ ប្តីគាត់បានយកត្រីក្រពត៣ក្បាលនោះដាក់អាំង ហើយបានហូបជាមួយបាយកក។ ក្រោយពីហូបរួចប្តីគាត់បានទៅចូលរួមពិធីជប់លៀងក្នុងពិធីភ្ជាប់ពាក្យអ្នកស្រុក។ លុះម៉ោងប្រហែល១២ថ្ងៃត្រង់ ប្តីគាត់មានអាការថប់ៗតឹងដើមទ្រូង ក៏ត្រឡប់មកឱ្យរូបគាត់កោសខ្យល់។ ក្រោយពីរូបគាត់កោសខ្យល់ឱ្យរួចហើយស្មានតែប្តីដេកលក់ ស្រាប់តែស្ទាបទៅទើបដឹងថា ប្តីគាត់ស្លាប់បាត់ទៅហើយ។
លោកអធិការបញ្ជាក់ថា តាមការត្រួតពិនិត្យរបស់ប៉ូលិស គឺលោកប៉ុល ត្រេន ពិតជាស្លាប់ដោយសារហូបត្រីក្រពតមែន។ ត្រីក្រពតដែលពុល គឺជាប្រភេទត្រីបឹងមានទំហំខ្លួនតូចៗប៉ុនមេជើង គឺមិនធំដូចត្រីក្រពតទន្លេដែលមានទំហំធំៗប៉ុនកំភួនដៃមនុស្សចាស់ឡើយ ។ ត្រីក្រពតបឹងមានភ្នែកក្រហម និងសំបុរលឿង ភាគច្រើន មានជាតិពុលនៅខែវស្សា ៕
ចែករំលែកព័តមាននេះ