អ៊ុយក្រែនថាស្ទាក់កម្ទេចមីស៊ីលរុស្ស៊ី៨គ្រាប់បា.ញ់សំដៅក្រុងគៀវ
សង្គ្រាមអ៊ុយក្រែន ៖ កងទ័ពអ៊ុយក្រែនគូសបញ្ជាក់កាលពីព្រឹកថ្ងៃទី១១ ធ្នូ នេះថា បានស្ទាក់កម្ទេចមី
សង្គ្រាមអ៊ុយក្រែន ៖ កងទ័ពអ៊ុយក្រែនគូសបញ្ជាក់កាលពីព្រឹកថ្ងៃទី១១ ធ្នូ នេះថា បានស្ទាក់កម្ទេចមីស៊ីលរុស្ស៊ី៨គ្រាប់ដែលហោះសំដៅក្រុងគៀវ។ នោះជាការវាយប្រហារថ្មីរបស់រុស្ស៊ីលើរដ្ឋធានីអ៊ុយក្រែន ខណៈប្រធានាធិបតីអ៊ុយក្រែនលោកវ៉ូឡូឌីមៀរ ហ្សេឡេនស្គី ធ្វើដំណើរទៅកាន់ក្រុងវ៉ាស៊ីនតោនជួបលោកចូ បៃដិន នាថ្ងៃទី១២ ធ្នូ និយាយផ្ដោតពីរឿងជំនួយ។
ម្យ៉ាងវិញទៀតដ្រូនវាយប្រហាររុស្ស៊ី១៨គ្រឿង ត្រូវបានបញ្ជូនទៅវាយប្រហារនាពេលយប់ចេញពីតំបន់គ្រីមេ មុនពេលត្រូវបាញ់ទម្លាក់ដោយកងកម្លាំងការពារអាកាសអ៊ុយក្រែន ភាគច្រើនក្នុងតំបន់មីកូឡៃអ៊ីវ។ កងទ័ពអាកាសអ៊ុយក្រែនឲ្យដឹងតាមតេឡេក្រាមថា តាមព័ត៌មានដំបូងៗ នាវេលាម៉ោង៤ទៀបភ្លឺម៉ោងក្នុងស្រុក រុស្ស៊ីចាប់ផ្ដើមវាយប្រហារដោយមីស៊ីលប្រឆាំងតំបន់ក្រុងគៀវ។
សរុបកងកម្លាំងការពារអាកាសអ៊ុយក្រែនបានបាញ់ទម្លាក់មីស៊ីល៨គ្រាប់ ដែលហោះសំដៅរដ្ឋធានី។ បណ្ដាបំណែកមីស៊ីលបានធា្លក់លើស្រុកដានីតស្គីអ៊ីភាគអាគ្នេយ៍រដ្ឋធានី។ មនុស្ស៤នាក់បានត្រូវជួយដោយពួកអ្នកជួយសង្គ្រោះ។ បណ្ដាហេដ្ឋារចនាសម្ព័ន្ធសំខាន់ៗមិនរងការប៉ះពាល់ឡើយ៕
ចែករំលែកព័តមាននេះ