ពានរង្វាន់ណូបែលសន្តិភាពប្រគល់ដល់នារីអ្នកទោសអ៊ីរ៉ង់
ពានរង្វាន់ណូបែលសន្តិភាព ៖ ពានរង្វាន់ណូបែលសន្តិភាពឆ្នាំ២០២៣ត្រូវប្រគល់នាថ្ងៃទី១០ធ្នូ ដល់
ពានរង្វាន់ណូបែលសន្តិភាព ៖ ពានរង្វាន់ណូបែលសន្តិភាពឆ្នាំ២០២៣ត្រូវប្រគល់នាថ្ងៃទី១០ធ្នូ ដល់នារីជាសកម្មជនអីុរ៉ង់ លោកស្រីNARGES MOHAMMADI ដែលកំពុងជាប់ឃុំឃាំងក្នុងប្រទេស តែលោកស្រីអវត្តមានក្នុងពិធីប្រគល់នោះនៅទីក្រុងអូស្លូ។ កូនៗរបស់លោកស្រីជាតំណាងក្នុងការទទួលពាននោះ។
ជាអ្នកប្រឆាំងខ្លាំងក្លាបំផុតចំពោះការតម្រូវឲ្យនារីទទូរស្បៃអ៊ិស្លាមនិងប្រឆាំងទោសប្រហារជីវិតនៅអ៊ីរ៉ង់ លោកស្រីNARGES MOHAMMADI ត្រូវចាប់ខ្លួននិងជាប់ឃុំឃាំងជាច្រើនលើក រយៈពេលប៉ុន្មានទសវត្សចុងក្រោយនេះ ហើយគាត់ជាប់ឃុំឃាំងតាំងពីឆ្នាំ២០២១មក នៅពន្ធនាគារEVINក្រុងតេហេរ៉ង់។
លោកស្រីត្រូវបានគណៈកម្មាធិការពានរង្វាន់ណូបែលសន្តិភាព សម្រេចផ្ដល់ជូនពាននោះកាលពីខែតុលាដោយសារការប្រយុទ្ធប្រឆាំងការគាបសង្កត់លើនារីនៅអីុរ៉ង់ និងការតស៊ូដើម្បីលើកកម្ពស់សិទ្ធិមនុស្សនិងសេរីភាពសម្រាប់មនុស្សគ្រប់រូប។ ដោយសារលោកស្រីកំពុងជាប់ក្នុងពន្ធនាគារទើបអវត្តមានក្នុងពិធីទទួលពាននេះនៅសណ្ឋាគារមួយនៃក្រុងអូស្លូ ៕
ចែករំលែកព័តមាននេះ