ខេត្តបន្ទាយមានជ័យ ៖ ភ្លើងបានឆាបឆេះផ្ទះមួយខ្នងទំហំ៥ម៉ែត្រគុណ៧ម៉ែត្រ ប្រក់ស័ង្កសីជញ្ជាំងស្លឹក កាលពីវេលាម៉ោង៥ និង៣០នាទីល្ងាច ថ្ងៃទី២២ ខែឧសភា ឆ្នាំ២០១១ នៅភូមិសាយសាម៉ន ឃុំចំណោម ស្រុកមង្គលបុរី ។ លោកវរសេនីយ៍ត្រី ផុន សាលីម អធិការនគរបាលស្រុកឱ្យដឹងថា
ខេត្តបន្ទាយមានជ័យ ៖ ភ្លើងបានឆាបឆេះផ្ទះមួយខ្នងទំហំ៥ម៉ែត្រគុណ៧ម៉ែត្រ ប្រក់ស័ង្កសីជញ្ជាំងស្លឹក កាលពីវេលាម៉ោង៥ និង៣០នាទីល្ងាច ថ្ងៃទី២២ ខែឧសភា ឆ្នាំ២០១១ នៅភូមិសាយសាម៉ន ឃុំចំណោម ស្រុកមង្គលបុរី ។
លោកវរសេនីយ៍ត្រី ផុន សាលីម អធិការនគរបាលស្រុកឱ្យដឹងថា ស្ត្រីជាម្ចាស់ផ្ទះឈ្មោះរឹម ប៉ូយ អាយុ៤៧ឆ្នាំ ជាអ្នកលក់គ្រឿងទេសបានប្រាប់សមត្ថកិច្ចថា គាត់បានយកចង្កៀងប្រេងកាតដាក់ក្បែរដបសាំង រួចហើយយកសាំងចាក់សម្លាប់ស្រមោចបណ្តាលឆាបឆេះដល់ផ្ទះតែម្តង។
ភ្លើងបានឆេះផ្ទះទាំងស្រុង និងសម្ភារប្រើប្រាស់ រួមមានម៉ូតូហុងដាសេ១០០មួយគ្រឿង កង់៤គ្រឿង ធុងបាស់២ ទូរទស្សន៍ស-ខ្មៅ១គ្រឿង ក្បាលវីស៊ីឌី ១គ្រឿង អង្ករ៦ការុង ធុងក្លាស្សេចំណុះ១០០លីត្រ២ អាគុយ២ ប្រាក់ចំនួន៧០ម៉ឺនរៀល និងអីវ៉ាន់ដាក់លក់សរុបជាទឹកប្រាក់ប្រមាណ២ម៉ឺនបាត ៕
ចែករំលែកព័តមាននេះ