- ភ្នំពេញ
សមាជិកគណៈកម្មាធិការកណ្តាល និងគណៈកម្មាធិការអចិន្ត្រៃយ៍ របស់គណបក្សកាន់អំណាច ដែលភាគច្រើនមានវ័យចំណាស់ៗលើកលែងតែសមាជិកថ្មីៗដែលទើបតែទទួលការគាំទ្រកាលពីប៉ុន្មានឆ្នាំមុន ត្រូវបានពង្រីកបន្ថែមទៀត តាមគោលការណ៍
សមាជិកគណៈកម្មាធិការកណ្តាល និងគណៈកម្មាធិការអចិន្ត្រៃយ៍ របស់គណបក្សកាន់អំណាច ដែលភាគច្រើនមានវ័យចំណាស់ៗលើកលែងតែសមាជិកថ្មីៗដែលទើបតែទទួលការគាំទ្រកាលពីប៉ុន្មានឆ្នាំមុន ត្រូវបានពង្រីកបន្ថែមទៀត តាមគោលការណ៍ រក្សាចាស់ បង្កើតថ្មី។
គណបក្សប្រជាជនកម្ពុជា បានសម្រេចបន្ថែមសមាជិកគណៈកម្មាធិការកណ្តាលគណបក្ស ៤៩៦ នាក់ ដែលជាហេតុនាំអោយសមាជិកក្បាលម៉ាស៊ីនដឹកនាំអំណាចកណ្តាលនេះ ឡើងដល់ចំនួន១.៣១២រូប ដើម្បីពង្រឹងការគ្រប់គ្រង និងដឹកនាំប្រទេសឲ្យកាន់តែមានប្រសិទ្ធភាព។ ហើយក៏ត្រូវបានគេដឹងថា បានប្រជុំពិភាក្សា និងបញ្ចូលសមាជិកគណៈកម្មាធិការអចិន្ត្រៃយ៍ ក៏ដូចជាជ្រើសតាំងអនុប្រធានគណបក្សថ្មីផងដែរ ។
ឥស្សរជនចំនួន ២៣រូប របស់គណបក្សប្រជាជនកម្ពុជា ត្រូវបានអង្គសន្និបាតគណៈកម្មាធិការ កណ្តាល លើកទី៤៤ អាណត្តិទី៥ បោះឆ្នោតសម្រេចជ្រើសតាំងជាគណៈអចិន្ត្រៃយ៍នៃគណៈកម្មាធិការកណ្តាល គណបក្សប្រជាជនកម្ពុជា។
ឥស្សរជនចំនួន ២៣រូបនោះ រួមមាន ៖ លោក វង សូត, លោក ស៊ុន ចាន់ថុល, បណ្ឌិតសភាចារ្យ ហង់ជួន ណារ៉ុន, បណ្ឌិត សាយ សំអាល់, អភិសន្តិបណ្ឌិត ស សុខា, លោក ទៀ សីហា, លោក កើត រិទ្ធ, លោក សុខ ចិន្តាសោភា, លោក វង្សី វិស្សុត, កិត្តិនីតិកោសលបណ្ឌិត ឱម យ៉ិនទៀង, លោក ជីវ កេង, លោក អ៊ុច បូររិទ្ធ, លោក អូស្មាន ហាស្សាន់, កិត្តិបណ្ឌិត ហ៊ីង ប៊ុនហៀង, លោក ម៉ៅ សុផាន់, លោក ទៀ វិញ, លោក សឹង សំណាង, លោក ស ថេត, អ្នកឧកញ៉ា លី យ៉ុងផាត់, លោកស្រី ជា សិរី, លោក សោម សឿន, លោក ហ៊ុន ម៉ានី និងលោក ប៉េង ពោធិ៍នា។
ការសម្រេចបន្ថែមសមាជិកគណៈកម្មាធិការកណ្តាលរបស់គណបក្សកាន់អំណាចនេះ បានធ្វើឡើងកាលពីល្ងាចថ្ងៃទី០៩ ខែធ្នូ ឆ្នាំ២០២៣ នៅវិមាន៧មករា ក្រោមអធិបតិភាពសម្តេចពញាចក្រី ហេង សំរិន ប្រធានកិត្តិយស និងសម្តេចតេជោ ហ៊ុន សែន ជាប្រធានគណបក្សប្រជាជនកម្ពុជា។
សមាសភាពគណៈកម្មាធិការកណ្តាលថ្មី ភាគច្រើនជាមន្ត្រីវ័យក្មេងៗ និងអ្នកមានសមត្ថភាព ដែលទើបតែចូលកាន់ដំណែងនៅក្នុងការដឹកនាំនៃរាជរដ្ឋាភិបាលអណត្តិទី៧ កាលពីចុងខែសីហា ឆ្នាំ២០២៣។
មកដល់ពេលនេះ គេដឹងថា សមាជិកគណៈកម្មាធិការកណ្តាល ដែលមានស្រាប់ចំនួនជាង ៨០០ នាក់ និងគណៈកម្មាធិការអចិន្ត្រៃយ៍ ៣៦ នាក់ ក៏ដូចជា ថ្នាក់ដឹកនាំគណបក្ស ដែលមាន ប្រធាន និងអនុប្រធាន ៦នាក់ គឺភាគច្រើនសុទ្ធតែមានវ័យចំណាយអាយុ៧០ឆ្នាំឡើង ហើយអ្នកខ្លះក៏មានជំងឺប្រចាំកាយ ហើយអ្នកខ្លះទៀតក៏អាចនឹងបាត់បង់សមត្ថភាពបំពេញការងារ។ ដូច្នេះការការបន្ថែមសមាជិកថ្មី គឺជាការសមគួរបំផុត ដើម្បីធានានិរន្តភាព ។
ការត្រៀមខ្លួន និងបញ្ជ្រាប សមាជិក សមាជិកាវ័យក្មេង ដែលជាឈា.មថ្មីៗទៅក្នុងអង្គការចាត់តាំងរបស់គណបក្ស ដើម្បីធានានិរន្តរភាពរបស់គណបក្ស។
មកដល់ពេលនេះ គណៈកម្មាធិការកណ្តាល និងគណៈកម្មាធិការអចិន្ត្រៃយ៍ គឺជាអង្គការចាត់តាំងអំណាចកណ្តាល នៃស្ថាប័នរដ្ឋបាលអចិន្ត្រៃយ៍របស់គណបក្ស ។ សមាជិកគណៈកម្មាធិការ របស់គណបក្សជាធម្មតា ត្រូវបានបោះឆ្នោតឡើងគាំទ្រពីគណៈប្រតិភូដែលត្រូវបានជ្រើសរើសនៅក្នុងជួរសមាជិកសកម្មរបស់គណបក្ស ដែលគេដឹងថា ភាគច្រើនបំផុតជាមន្ត្រីដែលកំពុងតែដឹកនាំស្ថាប័នរដ្ឋ ដែលមានតំណែងចាប់ពីថានៈអគ្គនាយកឡើងទៅ ។ ដោយឡែក សមាជិកគណៈកម្មាធិការអចិន្ត្រៃយ៍ គឺសុទ្ធតែជាអតីតអ្នកដែលមានបទពិសោធន៍ខាងការងារដឹកនាំ ទាំងនយោបាយ យោធា សេដ្ឋកិច្ច និងការទូត វ័យចំណាស់ គឺដើម្បីធានាការសម្រេចចិត្តការងារ និងកម្មវិធីនយោបាយរបស់គណបក្សដាក់ចេញមានប្រសិទ្ធភាព។
ការសម្រេចបន្ថែមគណៈកម្មាធិការកណ្តាល និងសមាជិកគណៈកម្មាធិការអចិន្ត្រៃយ៍របស់គណបក្សនៅពេលនេះ ត្រូវបានអ្នកវិភាគអះអាងថា ជាការពង្រីក និងពង្រឹងការដឹកនាំរបស់គណបក្សផង និងជាការត្រៀមខ្លួនរបស់គណបក្សទៅថ្ងៃអនាគត ដោយអ្នកចាស់ផ្ទេរបទពិសោធន៍ដល់អ្នកថ្មី ។
ការដាក់អ្នកបន្តវេនដែលជាឈា.មថ្មីចូល ខណៈដែលសមាជិកទាំងគណៈកម្មាធិការកណ្តាល និងសមាជិកគណៈកម្មាធិការអចិន្ត្រៃយ៍ គឺដើម្បីបន្សាំ និងបណ្តុះគំនិត ក៏ដូចជាឆន្ទៈ នយោបាយដល់អ្នកបន្តវេន ដើម្បីរួមចំណែងដឹកនាំការងារគណបក្ស និងការពារសមិទ្ធផល គណបក្ស និងផលប្រយោជនរបស់ប្រជាជនកម្ពុជា ។
អត្ថបទដោយ ៖ ហេង ចេស្តារ
ចែករំលែកព័តមាននេះ