ADផ្ទាំងផ្សព្វផ្សាយពាណិជ្ជកម្ម

Picture

ផ្លូវ​បេតុង​១​ខ្សែ ក្លាយជា​ទីផ្សារ​លក់ដូរ បង្ក​ការ​លំបាក​ដល់​អ្នក​ធ្វើ​ដំណើរ (​វី​ដេ​អូ​)

2 ខែ មុន
  • កណ្តាល

ផ្លូវ​បេតុង​១​ខ្សែ តាម​ខ្នង​ទំនប់​ខាងជើង​ព្រែក​ថ្មី ជាប់​ផ្សារ​គគីរ​ធំ ហៅ​ផ្សារ​ព្រែក​ថ្មី ស្ថិត​ក្នុងភូមិ​គគីរ​ធំ ឃុំ​គគីរ​ធំ ស្រុក​កៀនស្វាយ ខេត្តកណ្តាល ដែល​ជា​គម្រោង​ថវិកា​មូលនិធិ​របស់​ឃុំ មាន​ប្រវែង​ប្រហែល​១០០​ម៉ែត្រ បាន​ក្លាយ​ទៅ​កន្លែង

ខេត្តកណ្តាល ៖ ផ្លូវ​បេតុង​១​ខ្សែ តាម​ខ្នង​ទំនប់​ខាងជើង​ព្រែក​ថ្មី ជាប់​ផ្សារ​គគីរ​ធំ ហៅ​ផ្សារ​ព្រែក​ថ្មី ស្ថិត​ក្នុងភូមិ​គគីរ​ធំ ឃុំ​គគីរ​ធំ ស្រុក​កៀនស្វាយ ខេត្តកណ្តាល ដែល​ជា​គម្រោង​ថវិកា​មូលនិធិ​របស់​ឃុំ មាន​ប្រវែង​ប្រហែល​១០០​ម៉ែត្រ បាន​ក្លាយ​ទៅ​កន្លែង​ដាក់​ទំនិញ​ចាប់ហួយ​, ខោអាវ​,​បន្លែ ត្រី និង​សាច់​យ៉ាង​ណែន​តាន់តាប់​អនាធិបតេយ្យ បង្ក​ការ​លំបាក​ដល់​អ្នក​ធ្វើ​ដំណើរ​រាប់​ឆ្នាំ​មក​ហើយ តែ​អាជ្ញាធរ​ដោះស្រាយ​គ្មាន​ប្រសិទ្ធភាព​។

យោង​តាម​ប្រភព​មួយ​បាន​និយាយ​ប្រាប់​ឱ្យ​ដឹង​ថា ផ្លូវ​បេតុង​១​ខ្សែ​នេះ គឺជា​គម្រោង​ថវិកា​មូលនិធិ​របស់​ឃុំ​គគីរ​ធំ ត​.​ភ្ជាប់​ពី​ព្រំប្រទល់​ឃុំ​សំរោង​ធំ ឆ្លងកាត់​តាម​ភូមិ​ខ្នង​ព្រែក​ខាងជើង ចេញ​មក​ថ្នល់ជាតិ​លេខ​១ ដែល​មាន​ទទឹង​ប្រវែង​៥​ម៉ែត្រ​។ ប៉ុន្តែ​ផ្លូវ​១​ខ្សែ​នេះ ត្រូវ​បាន​បងប្អូន​មួយ​ចំនួន​តូច​ដែល​រស់នៅ​លើ​ដី​ចំណី​ព្រែក និង​ដី​ចំណី​ផ្លូវ​សាធារណៈ នាំ​គ្នា​ត​.​យ៉ាក ដាក់​គ្រែ ឬ​តុ ឆ័​ត្រ៊ ហើយ​រៀបចំ​ដាក់​ទំនិញ​ចាប់ហួយ​, នំចំណី​ម្ហូបអាហារ​, ខោអាវ​, បន្លែ​, ត្រី និង​សាច់​គ្រប់មុខ លក់ដូរ​យ៉ាង​អនាធិប​តេយ្យ​ណែន​តាន់តាប់​ពាសពេញ​ផ្លូវ​សាធារណៈ​រាប់​ឆ្នាំ​មក​ហើយ តាំងពី​នៅ​ផ្លូវលំ​ដី​មិន​ទាន់​ចាក់​បេតុង​មក​ម្ល៉េះ បង្ក​ឱ្យ​មានការ​លំបាក​ដល់​អ្នក​ធ្វើ​ដំណើរ​នាំ​គ្នា​រអ៊ូរទាំ​គ្រប់​ៗ​គ្នា​តែ​ម្ដង​។

ប្រភព​ដដែល​បន្ត​ទៀត​ថា ទោះបីជា គេ​បង្កើត​ផ្សារ​ថ្មី មាន​សោ​ភ័​ណ្ឌ​ភាព អានា​ម័​យ​ល្អ ហើយ​ធំ​ទូលាយ ដំបូល​ត្រជាក់​រហឹម និង​តម្លៃ​ថោក​សមរម្យ​ក៏​ដោយ ក៏​ពួក​គាត់​មិន​ព្រមទៅ​លក់​ដែរ គឺ​សុខចិត្ត​ត្រាំត្រែង​តស៊ូ​អ​ង្អុ​យ​លក់​ធ្វើ​ឱ្យ​ប៉ះពាល់​ដល់​លើ​ផ្លូវ​សាធារណៈ ព្រមទាំង​បង្ក​ការ​លំបាក​ដល់​អ្នកដំណើរ និង​ផ្លូវ​កៅស៊ូ​ថ្នល់ជាតិ​លេខ​១ ដែល​អាច​ប្រឈម​នឹង​ហានិភ័យ​ខ្ពស់​ចំពោះ​ករណី​គ្រោះថ្នាក់​ចរាចរណ៍​ដោ​យថាហេតុ​ទៀត​ផង​។

ប្រភព​បញ្ជាក់​បន្ថែម​ថា ក្រុម​អាជីវករ​លក់ដូរ​នៅ​លើ​ផ្លូវ​សាធារណៈ​នេះ គឺ​ចាប់ពី​ម៉ោង​៣ ឬ​ម៉ោង​៤​ទៀប​ភ្លឺ រហូត​ដល់​ម៉ោង​១១​ព្រឹក និង​ពេល​ល្ងាច ចាប់ពី​ម៉ោង​៣​រសៀល ឬ​ម៉ោង​៤ រហូត​ដល់​ម៉ោង​៥ ឬ​ម៉ោង​៦​ល្ងាច គឺ​ពួក​គាត់​បាន​បង់លុយ​អោយ​ម្ចាស់​ដី​តាម​មុខ​ផ្ទះ​ប្រចាំ​ថ្ងៃ ដោយ​ក្នុង​ម្នាក់​ៗ១​ម៉ឺន​រៀល ហើយ​អ្នកខ្លះ​បង់​ជា​ប្រចាំខែ ក្នុង​១​ខែ​ចាប់ពី​១០​ម៉ឺន​រៀល​រហូត​ដល់​២០​ម៉ឺន​រៀល​ក៏​មាន​ដែរ​។

ប្រភព​ដដែល​បន្ថែម​ទៀត​ថា ក្រៅពី​នោះ ចំណាយ​បង់ថ្លៃ​ភាស៊ី​មួយ​ថ្ងៃ​៥០០​រៀល​ទៅ​១០០០​រៀល​ថែម​ទៀត​ផង​។ ទន្ទឹម​នឹង​នោះ អ្នក​យក​ភាស៊ី​ដឹង​តែ​យក​លុយ​ទេ រីឯ​សំរាម​វិញ យក​ទៅ​បោះចោល​ក្នុង​ទឹក​ព្រែក​ថ្មី រហូត​ឡើងរ​លួ​.​យ ក្លាយជា​ទឹកខ្មៅ​កខ្វក់ និង​ជះក្លិន​ស្អុយ​អសោច នាំ​ឱ្យ​ប៉ះពាល់​ដល់​បរិស្ថាន​យ៉ាងធ្ងន់ធ្ងរ ដោយ​គ្មាន​អាជ្ញាធរ ឬ​មន្ត្រី​ជំនាញ​ស្ថាប័ន​ណាមួយ​អើពើ​ឡើយ​។

ជុំវិញ​បញ្ហា​ខាងលើ​នេះ​ដែរ មន្ត្រី​ភូមិ​-​ឃុំ ក៏​ធ្លាប់​បាន​ប្រាប់​អ្នក​សារព័ត៌មាន​យើង​ឱ្យ​ដឹង​ថា អាជ្ញាធរ​សមត្ថកិច្ច​ធ្លាប់​ចុះ​ធ្វើការ​ណែនាំ​ច្រើន​លើក​ច្រើន​សារ​មក​ហើយ តែ​បងប្អូន​អាជីវករ​គាត់​នៅ​តែ​មិន​ស្តាប់​។ ហើយ​ចំពោះ​ការ​លក់ដូរ​លើ​ផ្លូវ​សាធារណៈ​នេះ ពួក​គាត់​ថា គ្មាន​លទ្ធិ​ភាព​ទៅ​ទិញ​កន្លែង​លក់​នៅ​ផ្សារ​ថ្មី​នោះ​ទេ​៕

អត្ថបទសរសេរ ដោយ

កែសម្រួលដោយ