កាលពីពេលថ្មីៗនេះផ្ទុះការភ្ញាក់ផ្អើលយ៉ាងខ្លាំងចំពោះអតីតបេក្ខភាពតារាចម្រៀងមួយរូប ដែលមានឈ្មោះថា «ឡាច ណុច» ត្រូវបានអាវុធហត្ថរាជធានីភ្នំពេញ ឃាត់ខ្លួនបញ្ជូនទៅកាន់តុលាការ ដោយសារមូលហេតុ
រាជធានីភ្នំពេញ ៖ កាលពីពេលថ្មីៗនេះផ្ទុះការភ្ញាក់ផ្អើលយ៉ាងខ្លាំងចំពោះអតីតបេក្ខភាពតារាចម្រៀងមួយរូប ដែលមានឈ្មោះថា «ឡាច ណុច» ត្រូវបានអាវុធហត្ថរាជធានីភ្នំពេញ ឃាត់ខ្លួនបញ្ជូនទៅកាន់តុលាការ ដោយសារមូលហេតុឆ.ក់ខ្សែ.ក។
យោងតាមប្រភពព័ត៌មានពីកងរាជអាវុធហត្ថ បានប្រាប់អោយដឹងថា កាលពីវេលាម៉ោង២០និង១៥នាទីយប់ ថ្ងៃទី០៤ ខែធ្នូ ឆ្នាំ២០២៣កន្លងទៅ មានករណីលួ.ចដោយហិ.ង្សា និងមានស្ថានទម្ងន់ទោស (ឆ.ក់ខ្សែ.ក) មួយករណីកើតឡើង នៅចំណុចផ្លូវលេខ១៩៩ កែង៣៣៨ ស្ថិតក្នុងសង្កាត់ទួលស្វាយព្រៃទី១ ខណ្ឌបឹងកេងកង ។ ខណៈពេលដែលជនរងគ្រោះកំពុងតែធ្វើដំណើរតាមផ្លូវ ស្រាប់តែត្រូវជនសង្ស័យជិះមកជិត រួចធ្វើសកម្មភាពឆ.ក់យកខ្សែ.ក និងបម្រុងជិះរត់គេចខ្លួន តែបែរជាទៅបុ.កនឹងម៉ូតូមួយគ្រឿងទៀត បណ្ដាលឲ្យដួល បង្កឱ្យមានការភ្ញាក់ផ្អើលដល់ប្រជាពលរដ្ឋ និងកម្លាំងមូលដ្ឋានអាវុធហត្ថខណ្ឌបឹងកេងកង ចុះអន្តរាគមន៍ និងឃាត់ខ្លួនជនសង្ស័យភ្លាមៗតែម្តង ព្រមទាំងចាប់យកវត្ថុតាងខ្សែ.ក០១ខ្សែ ប្រគល់ជូនជនរងគ្រោះវិញផងដែរ។
កងរាជអាវុធហត្ថ បានប្រាប់អោយដឹងបន្តថា ជនសង្ស័យខាងលើនេះមានឈ្មោះ ឡាច ណុច ភេទប្រុស អាយុ២១ឆ្នាំ មុខរបរជាអ្នកចម្រៀងតាមភោជនីយដ្ឋាន។ ក្រោយពេលចាប់ខ្លួនបាន ជនសង្ស័យដែលជាអ្នកចម្រៀងរូបនេះបានសារភាពថា «ខ្លួនពិតជាបានធ្វើសកម្មភាពឆ.ក់ខ្សែ.កពីជនរងគ្រោះនៅចំណុចខាងលើពិតប្រាកដមែន»។
បច្ចុប្បន្ន ជនសង្ស័យខាងលើត្រូវបានកម្លាំងជំនាញការិយាល័យប្រឆាំងបទល្មើសព្រហ្មទណ្ឌ នៃកងរាជអាវុធហត្ថរាជធានីភ្នំពេញ បានកសាងសំណុំរឿងបញ្ជូនទៅកាន់តុលាការ ដើម្បីចាត់ការតាមនីតិវិធីច្បាប់។
ប្រាកដណាស់ នេះពិតជារឿងមួយដែលពុំគួរឱ្យជឿ ខណៈពេលដែលបេក្ខភាពរូបនេះ ហ៊ានធ្វើដូច្នេះ ព្រោះកាលពីកន្លងទៅ បេក្ខភាពដែលមានឈ្មោះថា «ឡាច ណុច» រូបនេះ តែងតែបំពេរអារម្មណ៍ពុកម៉ែបងប្អូនតាមរយៈសម្លេងដ៏ផ្អែមរបស់ខ្លួន។ ហើយបេក្ខភាពរូបនេះ ក៏ទទួលបាននូវការគាំទ្រខ្លាំងផងដែរ ក្នុងការប្រកួតចម្រៀងកាលពីកន្លងទៅនោះ។
តាមរយៈការប្រព្រឹត្តិទង្វើបែបនេះ ក៏បានធ្វើអោយមហាជនជាច្រើននាក់ សម្តែងការមិនពេញចិត្តនោះឡើយ ដោយសារទង្វើមួយនេះ គឺជាទង្វើដែលសង្គមមិនទទួលស្គាល់ និងមិនអោយតម្លៃផងដែរ៕ ដោយ ៖ លីហួ គីមឆាយ
ចែករំលែកព័តមាននេះ