រាជធានីភ្នំពេញ ៖ ថ្លែងចេញពីទឹកដីខេត្តសៀមរាប សម្តេចធិបតី នាយករដ្ឋមន្ត្រី បានគូសបញ្ជាក់ថា រាជរដ្ឋាភិបាលប្តេជ្ញាថែរក្សាប្រាសាទអង្គរវត្ត ដែលជាកេរ្តិ៍ដំណែលរបស់ដូនតាជាង១ពាន់ឆ្នាំ ឲ្យបានរាប់ពាន់ឆ្នាំ តទៅមុខទៀត…
រាជធានីភ្នំពេញ ៖ ថ្លែងចេញពីទឹកដីខេត្តសៀមរាប សម្តេចធិបតី នាយករដ្ឋមន្ត្រី បានគូសបញ្ជាក់ថា រាជរដ្ឋាភិបាលប្តេជ្ញាថែរក្សាប្រាសាទអង្គរវត្ត ដែលជាកេរ្តិ៍ដំណែលរបស់ដូនតាជាង១ពាន់ឆ្នាំ ឲ្យបានរាប់ពាន់ឆ្នាំ តទៅមុខទៀត ។
សម្តេចធិបតី នាយករដ្ឋមន្ត្រី បានថ្លែងក្នុងពិធីជួបសំណេះសំណាលជាមួយប្រជាពលរដ្ឋ នៅតំបន់១ និងតំបន់២ នៃរមណីយដ្ឋានអង្គរ ដែលបានស្ម័គ្រចិត្តមករស់នៅភូមិតា នីឃុំរុន តាឯក ស្រុកបន្ទាយស្រី ខេត្តសៀមរាប នាព្រឹកថ្ងៃទី៨ ខែធ្នូ ឆ្នាំ២០២៣ យ៉ាងដូច្នេះថា ៖ « ប្រាសាទបុព្វបុរសខ្មែរ បានកសាងជាង៤០០ឆ្នាំមកហើយ តាមរដ្ជកាលព្រះបាទជ័យវរ្ម័នទី២ រហូតដល់រដ្ជកាលព្រះបាទជ័យវរ្ម័នទី៧ ហើយនៅតំបន់សៀមរាបនេះ ពីដើម គឺជាតំបន់ហានិភ័យ ដែលព្រះបាទព្រះបរមរតនកោដ្ឋ សម្តេចនរោត្តមសីហនុ កាលពីឆ្នាំ១៩៩១ បានសុំឲ្យអន្តរជាតិ ជួយសង្គ្រោះ នូវហានិភ័យ រហូតដល់ដាក់ក្នុងបញ្ជីបេតិកភណ្ឌពិភពលោក មកដល់បច្ចុប្បន្ន» ។
សម្តេចធិបតី នាយករដ្ឋមន្ត្រី បានបន្តថា ប្រាសាទដែលមានការខូចខាត អាចជួសជុលបាន ប៉ុន្តែប្រាសាទ ដែលសាងសង់ជាង១,២០០ឆ្នាំមុន មិនអាចត្រឡប់ថយក្រោយវិញបាននោះទេ។ ចង់បានប្រាសាទដូចមុន យើងមិនអាចយកបច្ចេកវិទ្យាបាននោះទេចំណុចនេះមិនអាចកាត់ថ្លៃបាន នូវតម្លៃសម្បត្តិវប្បធម៌ ដែលយើងបានដាក់ចូលក្នុងបេតិកណ្ឌពិភពលោក ។
សម្តេចនាយករដ្ឋមន្ត្រី បានគូសបញ្ជាក់ថា ស្របតាមគោលនយោបាយចំហជើងមេឃរបស់សម្តេចតេជោ ខេត្តសៀមរាប ពិសេសតំបន់ប្រាសាទអង្គរ ទៅជាដៃឆក់សម្រាប់ទាក់ទាញការចាប់អារម្មណ៍ភ្ញៀវទេសចរណ៍ឲ្យបានច្រើនរាប់លាន់នាក់ ឲ្យទៅជាខេត្តសៀមរាប ដែលជាខេត្តធ្លាប់ស្ងាត់ជ្រងំ ទៅជាខេត្តដែលរីក និងជាប៉ូលសេដ្ឋកិច្ច ។
ជាមួយគ្នានោះដែរ សម្តេចធិបតី នាយករដ្ឋមន្ត្រី បានបន្ថែមថា នៅពេលដាក់តំបន់ប្រាទអង្គរវត្ត ទៅអង្កការយូណេស្កូរ យើងត្រូវគោរពតាមលក្ខខណ្ឌ ក្នុងនោះគឺប្រាសាទត្រូវជាប្រាសាទ បេតិពិភពលោក ជាសម្បត្តិមនុស្សជាតិ។ ត្រូវមានអ្នកថែទាំងប្រាសាទឲ្យបាន រាប់ពាន់ឆ្នាំបន្តទៀត ។
សម្តេចធិបតី បានគូសបញ្ជាក់យ៉ាងដូច្នេះថា ៖ «ប្រាសាទយើងក៏សាងជាង១,២០០ឆ្នាំមកហើយ យើងត្រូវធានាថែរក្សាឲ្យបានរាប់រយពាន់ឆ្នាំបន្តទៀត។ មានលោកយាយលោកតា មិញឲ្យពរខ្ញុំឲ្យមានអាយុ១២០ឆ្នាំ ខ្ញុំថាមនុស្សបានអាយុ១៥០ឆ្នាំបានហើយ តែព្រលឹងជាតិ របស់យើង ត្រូវនៅរាប់ពាន់ឆ្នាំ ប្រាសាទដែលជាកេរ្តិ័តំណែលរបស់ដូនតាយើង ត្រូវនៅរាប់ពាន់ឆ្នាំបន្តទៀត នេះជាអ្វីដែលយើងត្រូវថែរក្សា» ។
ក្នុងឱកាសនោះដែរ សម្តេចធិបតី បានបន្ថែមថា បើសិន កម្ពុជាមិនទទួល និងអនុវត្តតាមលក្ខខណ្ឌរបស់អង្កការយូណេស្កូនោះប្រាសាទ និងតំបន់មួយចំនួន នឹងអាចដកចេញពីបញ្ជីបេតិក ភណ្ឌពិភពលោក។ កន្លងមក មានប្រទេសមួយចំនួន ត្រូវបានដកចេញពីបញ្ជីបេតិកភណ្ឌពិភពលោក ដោយសារមិនបានគោរពតាមលក្ខខណ្ឌរបស់អង្កការយូណេស្កូរផងដែរ ៕
ចែករំលែកព័តមាននេះ