រាជធានីភ្នំពេញ ៖ ការថែរក្សាឆ្អឹងឱ្យមានសុខភាពល្អ គឺជាការប្តេជ្ញាចិត្តពេញមួយជីវិត ហើយអាចសម្រេចទៅបានតាមរយៈរបបអាហារ និងលំហាត់ប្រាណត្រឹមត្រូវ ។ ឪពុកម្តាយអាចអនុវត្តតាមការណែនាំទាំងនេះ ដើម្បីថែរក្សាសុខភាពឆ្អឹងរបស់អ្នក និងកូនអ្នកកាន់តែប្រសើរ…
រាជធានីភ្នំពេញ ៖ ការថែរក្សាឆ្អឹងឱ្យមានសុខភាពល្អ គឺជាការប្តេជ្ញាចិត្តពេញមួយជីវិត ហើយអាចសម្រេចទៅបានតាមរយៈរបបអាហារ និងលំហាត់ប្រាណត្រឹមត្រូវ ។ ឪពុកម្តាយអាចអនុវត្តតាមការណែនាំទាំងនេះ ដើម្បីថែរក្សាសុខភាពឆ្អឹងរបស់អ្នក និងកូនអ្នកកាន់តែប្រសើរ ។
១. ធ្វើលំហាត់ប្រាណ ដែលជំរុញឱ្យឆ្អឹងរឹងមាំ និងតុល្យភាព ៖ ហានិភ័យធ្ងន់ធ្ងរក្នុងការវិវត្តទៅជាជំងឺពុកឆ្អឹង គឺភាពអសកម្ម ។ ជាសំណាងល្អ អ្នកអាចបង្កើនកម្លាំងឆ្អឹងរបស់អ្នកដោយការធ្វើលំហាត់ប្រាណដូចជា ការរត់ ការលើកទម្ងន់ កីឡាវាយកូនបាល់ ឬការឡើងជណ្តើរ ។ ទាំងនេះធ្វើឱ្យប្រសើរឡើងនូវកម្លាំង និងតុល្យភាព ដែលអាចការពារការដួល និងការបាក់ឆ្អឹងជាបន្តបន្ទាប់ដែលអាចកើតមាន ។
២. ញ៉ាំអាហារសម្បូរជាតិកាល់ស្យូម ៖ មនុស្សជាច្រើនស្គាល់កាល់ស្យូមថា ជាសារធាតុសម្រាប់ឆ្អឹងដែលមានសុខភាពល្អ ។ ត្រូវហើយ ! សារធាតុរ៉ែនេះមានសារៈសំខាន់សម្រាប់ធ្មេញមានសុខភាពល្អ និងការលូតលាស់ឆ្អឹងរបស់ក្មេងៗ ។ វាជារឿងសំខាន់ក្នុងការបញ្ចូលអាហារសម្បូរជាតិកាល់ស្យូមទៅក្នុងរបបអាហាររបស់កូនអ្នក ជាពិសេសក្នុងអំឡុងពេលនៃការបង្កើតឆ្អឹងដ៏សំខាន់រវាងអាយុ ៩ ទៅ ១៨ ឆ្នាំ។ ផលិតផលទឹកដោះគោដូចជា ទឹកដោះគោជូរ ឈីស និងទឹកដោះគោមានជាតិកាល់ស្យូមខ្ពស់ ។
៣. កុំភ្លេចអំពីវីតាមីន និងសារធាតុរ៉ែផ្សេងៗ ៖ តើអ្នកដឹងទេថា វីតាមីន D, វីតាមីន K និងប៉ូតាស្យូមមានប្រសិទ្ធភាពក្នុងការស្តារឆ្អឹងឱ្យមានសុខភាពល្អឡើងវិញនៅពេលផ្សំជាមួយកាល់ស្យូម ? វីតាមីន D ជួយដល់សមត្ថភាពរាងកាយក្នុងការស្រូបយកជាតិកាល់ស្យូម ។ ពងមាន់ ត្រីធូណា និងបង្គា គឺជាប្រភពដ៏ល្អនៃវីតាមីន D ។ រាងកាយរបស់អ្នកនឹងបង្កើតវីតាមីន D តាមធម្មជាតិ បន្ទាប់ពីត្រូវពន្លឺព្រះអាទិត្យបន្តិចផងដែរ ។ វីតាមីន K ជួយឱ្យរាងកាយបង្កើតប្រូតេអ៊ីនសម្រាប់ឆ្អឹងដែលមានសុខភាពល្អ ហើយវាក៏អាចកាត់បន្ថយអត្រាដែលកាល់ស្យូមត្រូវបានបញ្ចេញដោយរាងកាយរបស់ក្មេងៗផងដែរ ។ បន្លែស្លឹកខ្មៅដូចជា ប្រូខូលី ស្ពៃណាច និងខាត់ណា គឺជាប្រភពដ៏អស្ចារ្យនៃវីតាមីន K ។ ប៉ូតាស្យូម ត្រូវបានគេជឿថា អាចជួយបន្សាបអាស៊ីដ ដែលបើមិនដូច្នេះទេ កាល់ស្យូមរំលាយយឺតៗពីរាងកាយរបស់ក្មេងៗ ។ បរិភោគអាហារដែលមានជាតិប៉ូតាស្យូមខ្ពស់ដូចជាចេក ដំឡូងបារាំងពណ៌ស ឬដំឡូងជ្វាជាមួយស្បែក និងប៉េងប៉ោះ ។
៤. កាត់បន្ថយបារី គ្រឿងស្រវឹង និងភេសជ្ជៈដែលមានជាតិកាហ្វេអ៊ីន ៖ សមាសធាតុគីមីមួយចំនួននៅក្នុងបារី និងភេសជ្ជៈមានជាតិអាល់កុល និងកាហ្វេអ៊ីនត្រូវបានបង្ហាញថា រារាំងសមត្ថភាពរបស់រាងកាយក្នុងការស្រូបយកជាតិកាល់ស្យូម ជាពិសេសចំពោះក្មេងៗ ៕
អត្ថបទនេះផលិតឡើងក្រោមកិច្ចសហប្រតិបត្តិការជាមួយសាលារៀនវ៉េស្ទឡាញន៍ និង សាលារៀនណត្សឡាញន៍ ។ សាលារៀនផ្តល់ជូនកម្មវិធីមត្តេយ្យភាសាខ្មែរ និងអង់គ្លេស កម្មវិធីភាសាអង់គ្លេសសម្រាប់កុមារ កម្មវិធីភាសាអង់គ្លេសសិស្សធំ កម្មវិធីចំណេះទូទៅខ្មែរ ពីថ្នាក់ទី ១ ដល់ទី ១២ និងកម្មវិធីភាសាចិន ។ សាលារៀនបន្តទទួលចុះឈ្មោះចូលរៀនរៀងរាល់ថ្ងៃ ។
សាលារៀនផ្តល់ជូននូវវេទិកា និងមធ្យោបាយសិក្សាយ៉ាងសម្បូរបែបជាមួយនឹងប្រព័ន្ធគ្រប់គ្រងសាលារៀន ប្រព័ន្ធគ្រប់គ្រង់ការសិក្សា និងអេបសាលារៀនជូនដល់មាតាបិតាសិស្ស និងសិស្សានុសិស្សក្នុងការគ្រប់គ្រងការសិក្សា និងតាមដានព័ត៌មានសិក្សារបស់បុត្រធីតាផងដែរ ។ សម្រាប់ព័ត៌មានបន្ថែម សូមទំនាក់ទំនងទូរស័ព្ទលេខ ៖ ០៩២ ៨៨៨ ៤៩៩ / ០១៥ ៨០៥ ១២៣ ៕
ចែករំលែកព័តមាននេះ