រាជធានីភ្នំពេញ ៖ ជនជាតិខ្មែររស់នៅក្នុងប្រទេសវៀតណាមភាគច្រើន ប្រមូលផ្តុំគ្នានៅក្នុងខេត្ត វីងឡុង អានយ៉ាង ក្រុងកាន់ធ័រ និងតំបន់ជុំវិញមួយចំនួនទៀត ដែលបានឆ្លងកាត់ជាច្រើនជំនាន់មកជនជាតិខ្មែរ តែងតែនៅផ្សារភ្ជាប់ជាមួយស្រុកកំណើតរបស់ខ្លួន…
រាជធានីភ្នំពេញ ៖ ជនជាតិខ្មែររស់នៅក្នុងប្រទេសវៀតណាមភាគច្រើន ប្រមូលផ្តុំគ្នានៅក្នុងខេត្ត វីងឡុង អានយ៉ាង ក្រុងកាន់ធ័រ និងតំបន់ជុំវិញមួយចំនួនទៀត ដែលបានឆ្លងកាត់ជាច្រើនជំនាន់មកជនជាតិខ្មែរ តែងតែនៅផ្សារភ្ជាប់ជាមួយស្រុកកំណើតរបស់ខ្លួន ដោយរួមរស់ជាមួយនឹងជនជាតិដទៃ ដើម្បីកសាងជីវភាពថ្មី អភិវឌ្ឍន៍សេដ្ឋកិច្ច និងរក្សាអត្តសញ្ញាណវប្បធម៌ប្រពៃណី ទំនៀមទម្លាប់របស់ខ្លួន។ រដ្ឋ និងអាជ្ញាធរមូលដ្ឋានវៀតណាម បានដាក់ចេញកម្មវិធីគោលដៅជាតិជាច្រើន ដើម្បីគាំទ្រដល់ការ អភិវឌ្ឍហេដ្ឋារចនាសម្ព័ន្ធ ការអប់រំ និងការថែទាំសុខភាព សំដៅរួមចំណែកក្នុងការលើកកម្ពស់ ជីវភាពរស់នៅ ទាំងខាងសម្ភារៈ និងស្មារតី ដល់ជនជាតិខ្មែរ រហូតកសាងបានមុខមាត់ថ្មីនៅទីជនបទ ដែលពួកគាត់កំពុងរស់នៅ ។
ចំពោះការអភិវឌ្ឍន៍ភូមិស្រុក លើកកម្ពស់ជីវភាពជនជាតិខ្មែរ គឺជាកម្មវិធីគោលដៅ ជាតិស្តីពីការកាត់បន្ថយភាពក្រីក្រប្រកបដោយនិរន្តរភាព ការកសាងទីជនបទថ្មី ការអភិវឌ្ឍសេដ្ឋកិច្ច-សង្គម នៅតំបន់ជនជាតិ ភាគតិច និងតំបន់ភ្នំ សម្រាប់ឆ្នាំ២០២១-២០៣០ ត្រូវបានអនុវត្តន៍យ៉ាងទូលំទូលាយ ។
គ្រួសារខ្មែររាប់ពាន់គ្រួសារ បានទទួលការឧបត្ថម្ភគាំទ្រ ដោយផ្តល់ដីលំនៅឋាន ដីផលិតកម្ម កម្ចីអនុគ្រោះពន្ធ ការបណ្តុះបណ្តាលវិជ្ជាជីវៈ និងការអភិវឌ្ឍជីវភាពរស់នៅ។ ប្រព័ន្ធហេដ្ឋារចនាសម្ព័ន្ធក្នុងខេត្ត ដែលមានជានជាតិខ្មែររស់នៅ ដូចជាក្នុងខេត្ត វីងឡុង អានយ៉ាង និងក្រុងកាន់ធ័រ ត្រូវបានវិនិយោគព្រមគ្នា សំដៅរួមចំណែកដល់ការផ្លាស់ប្តូរមុខមាត់ថ្មីនៅទីជនបទ ហើយគ្រប់ភូមិ និងស្រុក ក្នុងតំបន់ដែលជនជាតិខ្មែររស់នៅ កាន់តែមានការអភិវឌ្ឍយ៉ាងស្រស់ស្អាត។ ជាពិសេស ដោយប្រើប្រភពថវិកាអភិវឌ្ឍន៍ ដំណាក់កាលឆ្នាំ ២០១៩-២០២៥ អាជ្ញាធរមូលដ្ឋានបានសាងសង់ និងជួសជុលលំនៅឋានរាប់ពាន់ខ្នងជូនគ្រួសារជនជាតិខ្មែរក្រីក្រ ដែលជួបការលំបាក ហើយជា រួមបានបញ្ចប់ទាំងស្រុង នូវកម្មវិធីលុបបំបាត់ផ្ទះបណ្តោះអាសន្ន និងផ្ទះដែលទ្រុឌទ្រោមនៅតំបន់ជនជាតិខ្មែររស់នៅក្នុងប្រទេសវៀតណាម ។
យោងតាមព្រះតេជគុណ សឺន ភឿក ឡឺយ ព្រះចៅអធិការវត្តអូរជុំ (ឃុំង៉ាក់ណាំ ក្រុងកាន់ធ័រ) មានសង្ឃដីកាថា ដោយទទួលបានការយកចិត្តទុកដាក់ពីសំណាកបក្ស និងរដ្ឋវៀតណាម ជីវភាពរស់នៅរបស់បងប្អូនជនជាតិខ្មែរក្នុងមូលដ្ឋាន មានភាពប្រសើរឡើងយ៉ាងច្បាស់។ រដ្ឋាភិបាលបានអនុវត្តភ្លាមៗ នូវគោលនយោបាយគាំទ្រផលិតកម្ម ជួយបងប្អូនជនជាតិខ្មែរឱ្យបង្កើនផលិតកម្ម និងបង្កើនប្រាក់ចំណូល បានជួយគ្រួសារជាច្រើនឱ្យរួចចាកផុតពីភាពក្រីក្រ ហើយជីវភាពរស់នៅរបស់ពួកគាត់កាន់តែមានស្ថិរភាព និងវិបុលភាព លុបបំបាត់បានទាំងស្រុង នូវផ្ទះបណ្ដោះអាសន្ន ឬទ្រុឌទ្រោម។ កុមារទទួលបានការរៀនសូត្រពេញលេញ។ ចំណែកការងារអភិរក្សទំនៀមទម្លាប់ និងវប្បធម៌ របស់ជនជាតិខ្មែរវិញ ដោយទទួលស្គាល់ពីតួនាទី នៃភាសា អក្សរ និងសាសនា នៅក្នុងវិស័យវប្បធម៌ និងស្មារតីរបស់ជនជាតិខ្មែរ បក្ស និងរដ្ឋវៀតណាម តែងតែយកចិត្តទុកដាក់ដឹកនាំការងារអភិរក្ស និងលើកកម្ពស់តម្លៃវប្បធម៌របស់ជនជាតិខ្មែរនៅតំបន់ដីសណ្តទន្លេមេគង្គ រួមទាំងការអភិរក្សភាសា អក្សរ និងគាំទ្រព្រះសង្ឃ និងវត្តអារាមរបស់ជនជាតិខ្មែរ ។
សូមជម្រាបថា ចាប់តាំងពីការចេញសេចក្តីណែនាំលេខ១៩ ស្តីពីការពង្រឹងការងារនៅតំបន់ជនជាតិខ្មែរក្នុងបរិបទថ្មី ប្រព័ន្ធបណ្ណាល័យសាធារណៈ នៅតាមទីវត្តអារាមខ្មែរ ត្រូវបានលើកកម្ពស់ និងរក្សាបាននូវប្រតិបត្តិការជាប្រចាំ។ វត្តភាគច្រើន ត្រូវបានបំពាក់ដោយឧបករណ៍សោតទស្សន៍ ដែលក្នុងនោះ គ្រប់វត្តមានបំពាក់ទូរទស្សន៍ ដែលជាមូលដ្ឋានសម្រាប់បំពេញតម្រូវការក្នុងការលើកកម្ពស់ជីវភាពវប្បធម៌ និងស្មារតីរបស់ប្រជាជននៅទីជនបទ ជាពិសេសនៅតំបន់ដាច់ស្រយាលតាមព្រំដែន។ ជារៀងរាល់ឆ្នាំ ក្នុងឱកាសបុណ្យចូលឆ្នាំថ្មីប្រពៃណីជាតិខ្មែររបស់ប្រជាជនខ្មែរ និងពិធីបុណ្យសែនដូនតារបស់បងប្អូនជនជាតិខ្មែរនៅតំបន់ដីសណ្តទន្លេមេគង្គ គណៈកម្មាធិការបក្ស និងអាជ្ញាធរមូលដ្ឋានគ្រប់លំដាប់ថ្នាក់ បានរៀបចំសកម្មភាពជាក់ស្តែង និងប្រកបដោយអត្ថន័យជាច្រើន ដូចជា៖ ពិធីសំណេះសំណាល សាកសួរសុខទុក្ខ ជូនពរ និងជូនអំណោយ ដល់អង្គការសមាគម ព្រះសង្ឃស្នេហាជាតិ វត្តព្រះពុទ្ធសាសនាថេរវាទខ្មែរ ឥស្សរជន ជនរួមជាតិ គ្រួសារ គោលនយោបាយគំរូ គ្រួសារសហគមន៍ជនជាតិខ្មែរក្រីក្រ ជាដើម ។
ព្រះចៅអធិការវត្តតាង៉ាវ (ឃុំ អានភូ ខេត្ត អានយ៉ាង) មានសង្ឃដីកាថា ជារៀងរាល់ឆ្នាំ ក្នុងឱកាសបុណ្យចូលឆ្នាំថ្មីប្រពៃណីជនជាតិខ្មែរ វត្តអារាម និងបងប្អូនជនជាតិខ្មែរ មានភាពរំជួលចិត្តយ៉ាងខ្លាំង ដែលទទួលបានការយកចិត្តទុកដាក់ យ៉ាងកក់ក្តៅពីគណៈកម្មាធិការបក្ស រដ្ឋាភិបាល រណសិរ្សមាតុភូមិ និងមន្ទីរអង្គភាពនានា ដែលបានបង្កលក្ខខណ្ឌអំណោយផល ទាំងផ្លូវសម្ភារៈ និងស្មារតីដល់វត្ត ក្នុងការប្រារព ពិធីបុណ្យ ចូលឆ្នាំថ្មី ទៅតាមប្រពៃណីរបស់បងប្អូនជនជាតិខ្មែរ។ ការអភិវឌ្ឍនៅតំបន់ជនជាតិខ្មែរនាពេលបច្ចុប្បន្ននេះ គឺជាសក្ខីភាពបញ្ជាក់អំពីស្មារតីសាមគ្គីភាព ការ ខិតខំប្រឹងប្រែងស្ទុះងើបឡើង និងការយកចិត្តទុកដាក់ខ្ពស់ពីសំណាក់បក្ស និងរដ្ឋវៀតណាម។ នោះហើយ គឺជាមូលដ្ឋានគ្រឹះដ៏រឹងមាំសម្រាប់តំបន់ដែលមានជនជាតិខ្មែររស់នៅសំដៅបង្កើនការច្នៃប្រឌិត ធ្វើសមាហរ ណកម្ម និងអភិវឌ្ឍន៍ប្រកបដោយនិរន្តរភាព ក្នុងស្មារតីមហាសាមគ្គីភាពដ៏អស្ចារ្យរបស់ប្រជាជាតិ វៀតណាម ទាំងមូល៕
ចែករំលែកព័តមាននេះ