ខេត្តកំពង់ស្ពឺ៖ ស្រូវវស្សារបស់ប្រជាកសិករនៅក្នុងក្រុង~ស្រុកទាំង៩ នៃខេត្តកំពង់ស្ពឺទាំងមូលបានព្រោះ ដក ស្ទូង លើផ្ទៃដីប្រមាណ១១៨.៣៣៣ហិកតា រួចរាល់អស់ហើយ។រំពឹងថានឹងទទួលបានទិនផលល្អប្រសើរសម្រាប់ឆ្នាំ២០២៥នេះ បើទោះបីជាជួបផលលំបាកបន្តិចបន្តួចក៏ដោយ។ បើតាមការឱ្យដឹងពីលោក យឹម…
ខេត្តកំពង់ស្ពឺ៖ ស្រូវវស្សារបស់ប្រជាកសិករនៅក្នុងក្រុង~ស្រុកទាំង៩ នៃខេត្តកំពង់ស្ពឺទាំងមូលបានព្រោះ ដក ស្ទូង លើផ្ទៃដីប្រមាណ១១៨.៣៣៣ហិកតា រួចរាល់អស់ហើយ។រំពឹងថានឹងទទួលបានទិនផលល្អប្រសើរសម្រាប់ឆ្នាំ២០២៥នេះ បើទោះបីជាជួបផលលំបាកបន្តិចបន្តួចក៏ដោយ។
បើតាមការឱ្យដឹងពីលោក យឹម ណន ប្រធានមន្ទីរកសិកម្មរុក្ខាប្រមាញ់ និងនេសាទខេត្តកំពង់ស្ពឺថា÷ ស្ថានភាពការបង្កបង្កើនផលស្រូវរដូវវស្សារបស់កសិករនៅក្នុងខេត្តកំពង់ស្ពឺឆ្នាំនេះ គិតជារួមបញ្ចប់ការព្រោះដាំដកស្ទូងតាំងពីខែកញ្ញាមកម្ល៉េះ។ ចំពោះស្រូវឆ្នាំនេះគឺល្អ មិនមានជួបប្រទះសត្វល្អិត ឬដង្កូវហ្វូងបំផ្លាញស្រូវនោះទេ ករណីរាំងស្ងួតបានប៉ះពាល់បន្តិចបន្តួចកាលពីចុងខែកក្កដាកន្លងទៅ នៅក្នុងឃុំមួយចំនួននៅក្នុងស្រុកសំរោងទង។ រហូតមកដល់ពេលនេះស្រូវដំណើរការលូតលាស់ល្អ មិនមានការព្រឈម និងមិនមានការយាយីពីសត្វល្អិតបំផ្លាញនោះទេ។ ដោយឡែកការប្រមូលផលស្រូវស្រាល ឬស្រូវកណ្តាលនោះមិនទាន់បានប្រមូលផលនោះទេ។
បើតាមការព្យាករណ៍របស់ជំនាញនៃមន្ទីរកសិកម្ម គឺនៅដើមខែវិច្ឆិកាខាងមុខ ទើបស្រូវស្រាលទុំ។បច្ចុប្បន្ន នេះស្រូវស្រាលមានប្រភេទដូចជាស្រូវផ្ការំដួល(ស្រូវក្រអូប) ស្រូវប្រពៃណីរបស់ប្រជាកសិករមានច្រើនប្រភេទប៉ុន្តែគាត់ធ្វើចំនួនតិចតួចនោះទេ! ភាគច្រើនគឺជាស្រូវផ្ការំដួល ដែលជាស្រូវមានទីផ្សារខ្ពស់។
លោក យឹម ណន ប្រធានមន្ទីរកសិកម្មរុក្ខាប្រមាញ់ និងនេសាទខេត្តកំពង់ស្ពឺបានបញ្ជាក់ថា÷ ដោយឡែកស្រូវកណ្តាល ឬស្រូវធ្ងន់ ដែលជាស្រូវប្រពៃណី ហើយប្រជាកសិករតែងដាំ ព្រោះ ដក ស្ទូងតិចតួចទុកហូបនោះ មានប្រភេទស្រូវចង្វាយផ្តៅ ផ្កាដូង ស្រូវសរ។ល។ ស្រូវដែលសម្រាប់សេដ្ឋកិច្ចកសិកម្មគឺស្រូវប្រភេទផ្ការំដួល ឬហៅថា(ស្រូវក្រអូប)។
សូមបញ្ជាក់ផងដែរថាដំណាំស្រូវនៅក្នុងខេត្តកំពង់ស្ពឺផែនការសរុបចំនួន១១៨.៣៣៣ហិកតា។
ផ្ទៃដីអនុវត្តបាន (បញ្ចប់វគ្គ)គិតត្រឹមថ្ងៃទី ៤៨/៩/២០២៥ សម្រេចបាន៖
-ភ្ជួរសរុបចំនួន ១២០.៥២៧ហិកតា ក្នុងនោះភ្ជួរដោយគ្រឿងយន្តកសិកម្មចំនួន ១២០.២៨២ហិកតា។
-សាបចំនួន ៨៩៥ហិតា ទាបជាងឆ្នាំ២០២៤ ចំនួន ២៤០ហិកតា
ព្រោះចំនួន ១២០,៥២៧ហិកតា ស្មើនឹង ១០១,៨៥% ទាបជាងឆ្នាំ២០២៤ ចំនួន ១.១២៥ហិកតា
-ដំណាំរួមផ្សំអនុវត្តបានចំនួន ៣.៣៣២ហិកតា ក្នុងនោះមាន៖សណ្ដែកបាយចំនួន ២០៥ហិកតា សណ្តែក ដីចំនួន ៨៧ហិកតា ពោតចំនួន ១៩៤ហិកតា អំពៅចំនួន ២៨០ហិកតា ដំឡូងមីចំនួន ៧០២ហិកតា ដំឡូងជ្វាចំនួន ៤១ហិកតា ត្រាវ ចំនួន ២៦ហិកតាល្ងចំនួន ១៨ហិកតា បន្លែគ្រប់មុខ ចំនួន១,៥៦៥ ហិកតា និងឪឡឹកចំនួន ២១៤ហិកតាផងដែរ៕
ចែករំលែកព័តមាននេះ