ជនសង្ស័យម្នាក់ ត្រូវបាននគរបាលឃាត់ខ្លួនភ្លាមៗ ក្រោយពីធ្វើសកម្មភាពលួ.ចម៉ូតូរបស់ប្រជាពលរដ្ឋម្នាក់បានសម្រេច ហើយព្យាយាមរត់គេចខ្លួន ។ ជនសង្ស័យរូបនេះ ត្រូវបាន
ខេត្តកំពង់ស្ពឺ ៖ ជនសង្ស័យម្នាក់ ត្រូវបាននគរបាលឃាត់ខ្លួនភ្លាមៗ ក្រោយពីធ្វើសកម្មភាពលួ.ចម៉ូតូរបស់ប្រជាពលរដ្ឋម្នាក់បានសម្រេច ហើយព្យាយាមរត់គេចខ្លួន ។ ជនសង្ស័យរូបនេះ ត្រូវបានឃាត់ខ្លួនបាន កាលពីវេលាម៉ោងប្រមាណ១និង៣០នាទីរសៀល ថ្ងៃទី៦ ខែធ្នូ ឆ្នាំ២០២៣កន្លងទៅ ស្ថិតនៅក្នុងឃុំសំបូរ ស្រុកសំរោងទង ។
នគរបាលស្រុកសំរោងទង បានប្រាប់ឱ្យដឹងថា កម្លាំងនគរបាលព្រហ្មទណ្ឌស្រុក សហការជាមួយនគរបាលប៉ុស្ដិ៍ឃុំសំបូរ បានឃាត់ខ្លួនជនសង្ស័យម្នាក់មានឈ្មោះ ជា សារ័ត្ន ភេទប្រុស អាយុ២៣ឆ្នាំ មាន
ស្រុកកំណើតនៅភូមិដូនស ឃុំដូនស ស្រុកស្វាយជ្រំ ខេត្តស្វាយរៀង បច្ចុប្បន្នស្នាក់នៅបន្ទប់ជួល ស្ថិតក្នុងភូមិទួលពង្រ សង្កាត់ចោមចៅទី១ ខណ្ឌពោធិ៍សែនជ័យ រាជធានីភ្នំពេញ ។
នគរបាលស្រុកសំរោងទង បានប្រាប់ឱ្យដឹងបន្តថា ជនសង្ស័យរូបនេះ ពាក់ព័ន្ធនឹងករណីលួ.ចកាច់សោ.កយកម៉ូតូ១គ្រឿង ម៉ាកហុងដា សេ១២៥ ស៊េរីឆ្នាំ២០២២ ពណ៌ខ្មៅ ពាក់ផ្លាកលេខ ភ្នំពេញ១IY-៦៤១៧ ខណៈពេលម្ចាស់ជិះម៉ូតូទៅរកត្រី ។ ចំណែកម្ចាស់ម៉ូតូមានឈ្មោះ ឡុង មករា ភេទប្រុស អាយុ៤៣ឆ្នាំ ជាកម្មករសំណង់ ស្នាក់នៅក្នុងបុរីសៀងហុង ស្ថិតក្នុងភូមិព្រៃគុយ ឃុំត្រពាំងគង ស្រុកសំរោងទង ខេត្តកំពង់ស្ពឺ នៅចំណុចវាលខាងត្បូងភូមិកប់ចិន ឃុំសំបូរ ស្រុកសំរោងទង ។
ប្រភពដដែលឲ្យដឹងទៀតថា នៅចំពោះមុខសមត្ថកិច្ច ជនសង្ស័យខាងលើនេះបានឆ្លើយថា «ខ្លួនពិតជាបានកាច់សោ.កយកម៉ូតូខាងលើមែន ជាមួយឈ្មោះ ថុល ភេទប្រុស អាយុប្រហែល២៩ឆ្នាំ មិនស្គាល់ទីលំនៅ ដែលពេលនេះកំពុងរត់គេចខ្លួន»។
ក្រោយពេលឃាត់ខ្លួនជនសង្ស័យ នគរបាលបានដកហូតម៉ូតូជនរងគ្រោះមកវិញ និងទូរស័ព្ទ១គ្រឿង ព្រមទាំងបានកសាងសំណុំរឿងចាត់ការតាមផ្លូវច្បាប់ ៕
ចែករំលែកព័តមាននេះ