Santos ធ្លាក់ទៅលីគទី២លើកដំបូងក្នុងប្រវត្តិសាស្ត្រ អ្នកគាំទ្រផ្ទុះកំហឹងអុកឡុកទីក្រុង
ប្រេស៊ីល ៖ អ្នកគាំទ្រក្លិបបាល់ទាត់ Santos FC បានផ្ទុះការអុកឡុកដោយមានទាំងការដុតបំផ្លាញ
ប្រេស៊ីល ៖ អ្នកគាំទ្រក្លិបបាល់ទាត់ Santos FC បានផ្ទុះការអុកឡុកដោយមានទាំងការដុតបំផ្លាញរថយន្ត និងឡានក្រុងនៅតាមដងផ្លូវ បន្ទាប់ពីក្លិបដ៏ល្បីរបស់ប្រទេសប្រេស៊ីលមួយនេះ ធ្លាក់ទៅលេងនៅលីគលំដាប់ទី២ជាលើកដំបូងនៅក្នុងប្រវត្តិសាស្ត្ររយៈពេល១១១ឆ្នាំ។ នេះបើយោងតាមប្រភពពី BBC និង Daily Mail ចេញផ្សាយកាលពីថ្ងៃទី៧ ខែធ្នូ ឆ្នាំ២០២៣។
ក្រុមដ៏ល្បីល្បាញបំផុត ដែលមានស្តេចបាល់ទាត់ប្រេស៊ីលលោក Pele ជាវីរបុរសមួយនេះ បានចាញ់នៅក្នុងទឹកដីខ្លួនឯងលទ្ធផល ២-១ ក្រោមថ្វីជើងក្រុម Fortaleza នៅក្នុងការប្រកួតជុំចុងក្រោយនៃក្របខ័ណ្ឌលីគកំពូលប្រេស៊ីល Serie A កាលពីយប់ថ្ងៃពុធកន្លងទៅ ហើយជាមួយការបរាជ័យនេះ Santos បញ្ចប់រដូវកាលនៅចំណាត់ថ្នាក់លេខ ១៧ ដោយមាន៤៣ពិន្ទុប៉ុណ្ណោះ ខណៈលីគកំពូលប្រេស៊ីលដែលមាន២០ក្រុមប្រកួតប្រជែង ៤ក្រុមឈរនៅចំណាត់ថ្នាក់ចុងក្រោយត្រូវកាត់ចោលទៅលេងនៅលីគលំដាប់ទី២ Serie B ។
ចាត់ទុកជារឿងដ៏អាម៉ាស់ និងស្ទើរតែមិនជឿថាកើតឡើង ខណៈដែល Santos គឺជាក្រុមមួយនៅក្នុងចំណោមក្រុមតែ៣ប៉ុណ្ណោះ ដែលមិនធ្លាប់ត្រូវបានកាត់ចោលពីលីគកំពូលប្រេស៊ីលរួមជាមួយនឹង Sao Paulo និង Flamengo ។
អ្នកគាំទ្រក្លិបបានប្រតិកម្មដោយកំហឹងនៅឯកីឡដ្ឋាន Vila Belmiro ដោយវីដេអូបានបង្ហាញពីហ្វូងអ្នកគាំទ្រក្រុមម្ចាស់ជើងឯកលីគកំពូលប្រេស៊ីល៨សម័យកាលមួយនេះ នាំគ្នាដុតបំផ្លាញរថយន្ត និងឡានក្រុងនៅតាមដងផ្លូវជុំវិញកីឡដ្ឋាន។ របាយការណ៍ប្រព័ន្ធផ្សព្វផ្សាយប្រេស៊ីលបានអះអាងថា រថយន្តរបស់ខ្សែប្រយុទ្ធ Stiven Mendoza របស់ក្រុម Santos ក៏រងការដុតបំផ្លាញពីអ្នកគាំទ្រផងដែរ។ បដាជាច្រើនក្នុងកីឡដ្ឋានក៏បានឆ្លុះបញ្ចាំងពីការខឹងសម្បាររបស់អ្នកគាំទ្រមិនអាចគណនាបាន លាយឡំជាមួយនឹងអ្នកគាំទ្រជាច្រើននាក់ អង្គុយយំនៅកៅអីកីឡដ្ឋានជាមួយអារម្មណ៍សោកស្តាយជាទីបំផុត ដែលក្រុមម្ចាស់ជើងឯកពានរង្វាន់ Copa Libertadores ៣សម័យកាលមួយនេះ ត្រូវធ្លាក់ទៅលេងនៅលីគទី២។
សូមជម្រាបថា Santos បានក្លាយជាក្លិបដ៏ល្បីបំផុតមួយនៅក្នុងពិភពបាល់ទាត់ ដោយសារតែវត្តមានរបស់ស្តេចបាល់ទាត់ប្រេស៊ីល Pele ។ លោក Pele ដែលបានស្លាប់កាលពីឆ្នាំមុននៅក្នុងអាយុ៨២ឆ្នាំ បានរួមចំណែកយ៉ាងសំខាន់ជួយក្លិបឈ្នះពានរង្វាន់យ៉ាងច្រើន អំឡុងអាជីពលោកចាប់ពីឆ្នាំ ១៩៥៦ ដល់ ១៩៧៤។ កំពូលខ្សែប្រយុទ្ធ Neymar ក៏ស្ថិតក្នុងចំណោមកំពូលកីឡាករប្រេស៊ីល ដែលបានចាប់ផ្ដើមអាជីពនៅក្លិប Santos ផងដែរ ខណៈដែលខ្សែបម្រើប្រយុទ្ធ Rodrygo របស់ក្លិប Real Madrid ក៏ស្ថិតក្នុងចំណោមកីឡាករវ័យដ៏មានទេពកោសល្យ ដែលប្រសូតចេញពីក្លិប Santos ផងដែរ៕
Santos were relegated from the Brazilian Serie A today for the first time in their 111-year history. The fans haven't taken it well…
— Football on TNT Sports (@footballontnt) December 7, 2023
(via @tntsportsbr) pic.twitter.com/An04P4QZ9e
Santos FC — made famous by the late Pelé — were relegated from Brazilian Serie A today for the first time in their 111-year history. The fans have not taken it especially well pic.twitter.com/KNQDwGCYKw
— Tears at La Bombonera (@BomboneraTears) December 7, 2023
Absolute despair as Santos are relegated to the Brasileirão Série B for the first time in club history. 😢 pic.twitter.com/vDZzZ4fOQK
— CBS Sports Golazo ⚽️ (@CBSSportsGolazo) December 7, 2023
ចែករំលែកព័តមាននេះ