មានករណីខ្លាឃ្មុំមួយក្បាលបានខាំក្មេងប្រុសម្នាក់ បណ្ដាលឲ្យរងរបួសយ៉ាងធ្ងន់ ខណៈពេលចូលព្រៃជាមួយឪពុកដើររកគមក្រវាញយកមកលក់ ដើម្បីដោះស្រាយជីវភាពគ្រួសារប្រចាំថ្ងៃ
ខេត្តពោធិ៍សាត់ ៖ មានករណីខ្លាឃ្មុំមួយក្បាលបានខាំក្មេងប្រុសម្នាក់ បណ្ដាលឲ្យរងរបួសយ៉ាងធ្ងន់ ខណៈពេលចូលព្រៃជាមួយឪពុកដើររកគមក្រវាញយកមកលក់ ដើម្បីដោះស្រាយជីវភាពគ្រួសារប្រចាំថ្ងៃ ។
ហេតុការណ៍ខាងលើនេះ កើតឡើងកាលពីវេលាម៉ោងប្រមាណ១និង៤៥នាទីរសៀល ថ្ងៃទី៦ ខែវិច្ឆិកា ឆ្នាំ២០២៣កន្លងទៅ នៅចំណុចដំណាក់ត្រឡាច ជាប់ជើងភ្នំខ្មោច ស្ថិតក្នុងភូមិឈើទាលជ្រំ ឃុំប្រមោយ ស្រុកវាលវែង ។
បើតាមសមត្ថកិច្ច បានប្រាប់ឲ្យដឹងថា ក្មេងប្រុសដែលត្រូវខ្លាឃ្មុំខាំនោះ មានឈ្មោះ រឹម រ៉ាន់ អាយុ១៥ឆ្នាំ រស់នៅក្នុងភូមិ-ឃុំខាងលើ រងរងរបួសជើងស្ដាំ និងក្បាលយ៉ាងធ្ងន់ធ្ងរ ។ ហើយមុនពេលកើតហេតុ ក្មេងប្រុស និងឪពុក បានចេញពីផ្ទះទៅដកគមក្រវាញនៅម្ដុំជើងភ្នំខ្មោច ដែលមានចម្ងាយពីផ្ទះប្រមាណជាង៣គីឡូម៉ែត្រ ។ នៅទីនោះ គឺជាព្រៃស្រោង ដែលមានដើមក្រវាញដុះល្បាយគ្នាក្រោមដើម
ឈើតូចធំចម្រុះ ។
សមត្ថកិច្ចបន្តថា ខណៈកំពុងដកគមក្រវាញក្បែរគ្នានោះ ស្រាប់តែមានខ្លាឃ្មុំ១ក្បាលចេញពីព្រៃម្ខាងទៀត ស្ទុះមកខាំកូនប្រុសទាំងកំរោលតែម្ដង ។ នៅពេលឃើញហេតុការណ៍ដូច្នេះ ឪពុកក៏បានកា.ប់ដើមឈើមួយកំណាត់ យកមកសំព.ងខ្លាឃ្មុំនោះពេញទំហឹង ។ ខណៈពេលនោះ សត្វខ្លាឃ្មុំក៏បានដកខ្លួនចេញពីក្មេងប្រុសរងគ្រោះ មកប្រយុទ្ធជាមួយឪពុកទៀត ប៉ុន្តែដោយសារ ត្រូវបីបួនដំបងទំនងជាឈឺខ្លាំង សត្វខ្លាឃ្មុំដ៏កំណា.ច១ក្បាលនោះ ក៏បោលចូលព្រៃវិញបាត់ទៅ ។
សមត្ថកិច្ចបន្តទៀតថា នៅក្នុងហេតុការណ៍ខាងលើនេះ ក្មេងប្រុសរងគ្រោះបានរងរបួសក្បាល និងជើងហូរឈា.មសស្រាក់។ លុះពេលឪពុកនាំកូនយកមកដល់ផ្ទះ ក៏បានដឹងដល់សមត្ថកិច្ច បន្ទាប់មកក៏ជួយបញ្ជូនក្មេងប្រុសរងគ្រោះទៅសង្គ្រោះនៅមន្ទីរពេទ្យបង្អែកខេត្តភ្លាមៗផងដែរ ៕
ចែករំលែកព័តមាននេះ