ADផ្ទាំងផ្សព្វផ្សាយពាណិជ្ជកម្ម

Picture

ប៉ូលីសថៃ ថានឹងកោះហៅទេសចរចិនម្នាក់ ជា TikToker ក្រោយបង្ហោះវីដេអូនិយាយមិនល្អពីប្រទេសខ្លួន

2 ខែ មុន

(បាងកក)៖ ប៉ូលីសថៃ បានគំរាមចាត់វិធានការផ្លូវច្បាប់លើតារាបណ្ដាញសង្គមចិនមួយរូបដែលចេញវីដេអូ vlog និយាយថាតំបន់​កម្សាន្ត​​ដ៏​ល្បី​នា​ពេល​រាត្រីមួយក្នុងទីក្រុងបាងកកមិនមានសុវត្ថិភាព។ នេះបើយោងតាមការចុះផ្សាយរបស់សារព័ត៌មាន The Nation Thailand នៅថ្ងៃទី០៧​…

(បាងកក)៖ ប៉ូលីសថៃ បានគំរាមចាត់វិធានការផ្លូវច្បាប់លើតារាបណ្ដាញសង្គមចិនមួយរូបដែលចេញវីដេអូ vlog និយាយថាតំបន់​កម្សាន្ត​​ដ៏​ល្បី​នា​ពេល​រាត្រីមួយក្នុងទីក្រុងបាងកកមិនមានសុវត្ថិភាព។ នេះបើយោងតាមការចុះផ្សាយរបស់សារព័ត៌មាន The Nation Thailand នៅថ្ងៃទី០៧​ ខែធ្នូ ឆ្នាំ២០២៣។

នាយឧត្តមសេនីយ៍ Phanthana Nutchanart ស្នងការរងនៃការិយាល័យអន្តោប្រវេសន៍ បាននិយាយថា ពេលនេះប៉ូលីសដឹងពីព័ត៌មានរបស់ស្ត្រីជនជាតិចិន ដែលបានបង្ហោះឃ្លីបអវិជ្ជមានអំពី តំបន់ Soi Nana នៅលើផ្លូវ Sukhumvit នៃទីក្រុងបាងកក ។

ទោះយ៉ាងណាប៉ូលិស​មិនទាន់​គិតគូពី​ទិដ្ឋភាព​ផ្លូវច្បាប់​ក្នុងការ​ចាត់វិធានការ​លើ​ស្ត្រីចិនខាងលើនៅឡើយ​ទេ​។ នាយឧត្តមសេនីយ៍រូបនេះនិយាយថា ប៉ូលីសនឹងកោះហៅអ្នកទេសចរមកសួរចម្លើយ ដើម្បីដឹងពីមូលហេតុរបស់នាង។

តារានៅលើបណ្ដាញសង្គមចិន Douyin ដែលបានបង្ហោះឃ្លីប ដោយលើកឡើងថានារីៗធ្វើដំណើរតែម្នាក់ឯងនៅវិថី Soi Nana មិនមានសុវត្ថិភាពទេ។ ថែមទាំងរៀបរាប់នៅក្នុងឃ្លីបវីដេអូរបស់នាងថា ៩៩% នៃមនុស្សនៅវិថី Soi Nana “មិនល្អ”។

ចំពោះ​របាយការណ៍​អំពី​ករណី​នេះ​ ប៉ូលីសថៃបានកំណត់អត្តសញ្ញាណស្ត្រីជនជាតិចិននោះ នាងមានឈ្មោះ Ziyu Wang អាយុ ២៨ឆ្នាំ ដែលបានចូលប្រទេសថៃ កាលពីថ្ងៃទី០២ ខែវិច្ឆិកា។ ទិដ្ឋាការរបស់នាងនឹងផុតកំណត់នៅខែតុលាឆ្នាំក្រោយ។

យោងតាមរបាយការណ៍របស់ប៉ុស្តិ៍ប៉ូលីស ស្ត្រីរូបនេះបានបញ្ចប់ឃ្លីបរបស់នាងដោយនិយាយថា “99% នៃមនុស្សដែលដើរលើវិថីនេះច្បាស់ជាមិនមែនជាមនុស្សល្អទេ”។ ឃ្លីបនេះគឺជាឧទាហរណ៍មួយទៀតនៃការផ្សព្វផ្សាយអវិជ្ជមានដែលធ្វើឱ្យប៉ះពាល់ដល់ soft power របស់ប្រទេសថៃ នេះបើយោងតាមប្រតិបត្តិករទេសចរណ៍នៅក្នុងប្រទេស៕

អត្ថបទសរសេរ ដោយ

កែសម្រួលដោយ