អភិបាលក្រុងព្រះសីហនុ៖ ដាក់តុ កៅអី ទុកចោលលើឆ្នេរដើម្បីកក់កន្លែង នឹងត្រូវដកសិទ្ធិលក់ដូរ
- ព្រះសីហនុ
ខេត្តព្រះសីហនុ ៖ លោក សរ កក្កដា អភិបាលនៃគណៈអភិបាលក្រុងព្រះសីហនុ បានបញ្ចេញសារព្រមានធ្ងន់ៗ នាព្រឹកថ្ងៃទី០៤ ខែមករា ឆ្នាំ២០២៦នេះ…
ខេត្តព្រះសីហនុ ៖ លោក សរ កក្កដា អភិបាលនៃគណៈអភិបាលក្រុងព្រះសីហនុ បានបញ្ចេញសារព្រមានធ្ងន់ៗ នាព្រឹកថ្ងៃទី០៤ ខែមករា ឆ្នាំ២០២៦នេះ ចំពោះអាជីវករទាំងឡាយណា ដែលយកសម្ភារលក់ដូរទៅដាក់រាយប៉ាយលើឆ្នេរសាធារណៈ ។
ជាក់ស្តែង លោកសរ កក្កដា អភិបាលក្រុងព្រះសីហនុ បានបង្ហោះសារនៅលើបណ្តាញសង្គមនាព្រឹកថ្ងៃទី០៤ ខែមករា ឆ្នាំ២០២៦នេះថា ៖ អ្នកលក់ដូរតាមឆ្នេរសាធារណៈដែលដាក់តុ កៅអី កន្ទេល អង្រឹង ឬសម្ភារផ្សេងៗទុកចោលនៅលើឆ្នេរ ធ្វើឲ្យប៉ះពាល់ដល់ភាពជាសាធារណៈនៃឆ្នេរ និងភ្ញៀវទេសចរនឹងត្រូវបញ្ឈប់មិនឲ្យលក់ដូរនៅទីតាំងនោះបន្តទៀតឡើយ ។
លោកសរ កក្កដា បានបញ្ជាក់ថា បងប្អូនជាអ្នកទេសចរណ៍អាចធ្វើការណែនាំឲ្យយកចេញនូវ តុ កៅអី កន្ទេល អង្រឹង ដែលទុកចោល ដើម្បីឲ្យបងប្អូនអាចប្រើប្រាស់ទីតាំងនោះបានជាសាធារណៈ ។ ក្នុងករណីមានការរារាំង ឬទារថ្លៃឈ្នួលទីតាំង សូមទំនាក់ទំនងលេខទូរស័ព្ទ 066 877 877, 016 576 373 ៕
ចែករំលែកព័តមាននេះ