កូរ៉េខាងត្បូងបិទសាលារៀនជាង៤ពាន់កន្លែង ចំពេលមានវិប.ត្តិអត្រាកំណើត
ទីក្រុងសេអ៊ូល ៖ ទិន្នន័យកាលពីពេលថ្មីៗ បានបង្ហាញថា សាលាបឋមសិក្សា មធ្យមសិក្សា ព្រមទាំងវិទ្យាល័យជាង ៤ ០០០ កន្លែងនៅទូទាំងប្រទេសកូរ៉េខាងត្បូង…
ទីក្រុងសេអ៊ូល ៖ ទិន្នន័យកាលពីពេលថ្មីៗ បានបង្ហាញថា សាលាបឋមសិក្សា មធ្យមសិក្សា ព្រមទាំងវិទ្យាល័យជាង ៤ ០០០ កន្លែងនៅទូទាំងប្រទេសកូរ៉េខាងត្បូង ត្រូវបានបិទទ្វារ ខណៈដែលចំនួនសិស្សរបស់ប្រទេសនៅអាស៊ីបូព៌ាមួយនេះ កំពុងតែថយចុះ។ នេះបើតាមប្រភពពី Korea Times និង South China Morning Post ចេញផ្សាយ។
យោងតាមតួលេខចុងក្រោយរបស់ក្រសួងអប់រំកូរ៉េខាងត្បូង កាលពីពេលថ្មីៗនេះ ដោយលោកស្រី Jin Sun-mee តំណាងមកពីគណបក្សប្រជាធិបតេយ្យកូរ៉េ (DPK) ដែលកំពុងកាន់អំណាច បានបង្ហាញថា សាលាចំនួន ៤ ០០៨ កន្លែង ក្រោមការិយាល័យអប់រំតំបន់ចំនួន ១៧ ទូទាំងប្រទេសកូរ៉េខាងត្បូង បានបិទទ្វាររហូតមកដល់ពេលនេះ ខណៈដែលចំនួនសិស្សនៅតែបន្តធ្លាក់ចុះ។
សាលាបឋមសិក្សាមានចំនួនភាគច្រើននៃការបិទទ្វារ ដោយ ៣ ៦៧៤ កន្លែងបានបិទជាអចិន្ត្រៃយ៍ បើធៀបនឹងសាលាមធ្យមសិក្សាចំនួន ២៦៤ កន្លែង និងវិទ្យាល័យចំនួន ៧០ កន្លែង។ នៅក្នុងរយៈពេល ៥ ឆ្នាំកន្លងមកនេះ សាលាចំនួន ១៥៨ កន្លែងបានបិទទ្វារ ហើយសាលាបន្ថែមចំនួន ១០៧ កន្លែងទៀត ត្រូវបានរំពឹងថានឹងបិទទ្វារក្នុងរយៈពេល ៥ ឆ្នាំខាងមុខ។
អត្រាកំណើតប្រទេសកូរ៉េខាងត្បូង ស្ថិតនៅកម្រិតទាបបំផុតនៅលើពិភពលោក។ យោងតាមស្ថិតិកូរ៉េខាងត្បូង (KOSTAT) ដែលជាទីភ្នាក់ងារស្ថិតិផ្លូវការរបស់ប្រទេសនេះ អត្រាមានកូនសរុបរបស់កូរ៉េខាងត្បូងសម្រាប់ឆ្នាំ ២០២៤ គឺ ០,៧៤៨ ដែលទាបជាង ២,១ ដែលត្រូវការចាំបាច់។
ល្បឿននៃការបិទសាលារៀនក៏បង្ហាញផងដែរថា ការថយចុះនៃចំនួនសិស្សចូលរៀនត្រូវបានរំពឹងថានឹងកើនឡើងនៅក្នុងតំបន់ខេត្តជាជាងនៅតំបន់ទីក្រុង។ ចំនួនសាលាបិទទ្វារច្រើនជាងគេស្ថិតនៅក្នុងខេត្តចុលឡាភាគខាងជើង (North Jeolla) ចំនួន ១៦ សាលា។ បន្ទាប់មកខេត្តចុលឡាភាគខាងត្បូង (South Jeolla) ចំនួន ១៥ សាលា, ខេត្តក្យុងគី (Gyeonggi) ចំនួន ១២ សាលា និងខេត្តឈុងឆុងភាគខាងត្បូង (South Chungcheong) ចំនួន ១១ សាលា។
បើតាមទស្សនវិស័យប្រជាសាស្ត្ររបស់ប្រទេសកូរ៉េខាងត្បូងបានបង្ហាញថា ការធ្លាក់ចុះនេះ នឹងកាន់តែធ្ងន់ធ្ងរក្នុងរយៈពេលប៉ុន្មានឆ្នាំខាងមុខ៕
ចែករំលែកព័តមាននេះ