ADផ្ទាំងផ្សព្វផ្សាយពាណិជ្ជកម្ម

Picture

សេដ្ឋី​ និង​អ្នកនយោបាយ ​ប្រជែង​តំណែង​ប្រធាន​សមាគម​បាល់ទាត់​ថៃ

2 ខែ មុន

ប្រទេស​ថៃ ៖ សេដ្ឋិនី Nualphan Lamsam ដែល​គេ​ស្គាល់​ច្បាស់​ថា Madam Pang នឹង​ឈរឈ្មោះ​សម្រាប់​

ប្រទេស​ថៃ ៖ សេដ្ឋិនី Nualphan Lamsam ដែល​គេ​ស្គាល់​ច្បាស់​ថា Madam Pang នឹង​ឈរឈ្មោះ​សម្រាប់​ការ​បោះ​ឆ្នោត​ជ្រើសរើស​ប្រធាន​សមាគម​កីឡាបាល់ទាត់​ថៃ ហៅ​កាត់​ថា FAT នៅ​ក្នុង​ការ​ប្រកួតប្រជែង​ជាមួយ​លោកស្រី Pauline Ngarmpring ដែល​ជា​អ្នកនយោបាយ​ល្បីឈ្មោះ​ម្នាក់​នៅ​ប្រទេស​ថៃ​។

Madam Pang

យោង​តាម​ប្រភព​ពី​សារព័ត៌មាន Siam Sport បាន​រាយការណ៍​ថា Madam Pang និង​លោកស្រី Ngarmpring នឹង​ក្លាយជា​បេក្ខភាព​២​រូប​ដ៏​មាន​ប្រជាប្រិយភាព សម្រាប់​ការ​បោះ​ឆ្នោត​ជ្រើសរើស​ប្រធាន​សមាគម​បាល់ទាត់​ថៃ ដែល​នឹង​ប្រព្រឹត្ត​ទៅ​នៅ​ថ្ងៃ​ទី​៨ ខែកុម្ភៈ ឆ្នាំ​២០២៤ ខណៈ​ដែល FAT កំពុង​ទទួល​ពាក្យសុំ​ចាប់ពី​ថ្ងៃ​ទី​១១ ខែវិច្ឆិកា រហូត​ដល់​ថ្ងៃ​ទី​១២ ខែធ្នូ បន្ទាប់​ពី​លោក Somyot Poompanmoung បាន​សម្រេចចិត្ត​មិន​បន្ត​អាណត្តិ​របស់​គាត់ ដែល​នឹង​បញ្ចប់​នៅ​ខែកុម្ភៈ ឆ្នាំ ២០២៤​។

​លោកស្រី Pauline Ngarmpring

បច្ចុប្បន្ន​មាន​បេក្ខភាព​ខ្លាំង ៤ រូប​ដែល​រូ​ម​មាន Madam Pang, លោកស្រី Pauline Ngarmpring, លោក Worawong Vitthawan អតីត​អ្នកនាំពាក្យ​លី​គ​បាល់ទាត់​ថៃ (Thai League) និង​លោក Thanasak Surprarasert ដែល​ជា​អ្នកនយោបាយ​១​រូប​ផង​ដែរ​។ ទាំង Madam Pang និង Ngarmpring បាន​ប្រកាស​ក្រុមគាំទ្រ​រៀងខ្លួន​នៅ​ក្នុង​ការ​ឈរឈ្មោះ​ជា​ប្រធាន FAT ។

លោក Somyot Poompanmoung

Madam Pang បាន​លើក​ឡើង​ថា លោកស្រី​ត្រូវ​បាន​គាំទ្រ​ដោយ​បណ្តា​ក្លិប​បាល់ទាត់​ថៃ​ជា​បន្តបន្ទាប់ រួម​ទាំង​ក្លិប​យក្ស​នៅ​លី​គ​កំពូល​ថៃ Buriram United, BG Pathum United, Muang Thong United, Chonburi និង Chiang Rai United ផង​ដែរ​។

សូម​ជម្រាប​ថា Madam Pang អាយុ​៥៧​ឆ្នាំ គឺជា​ពាណិជ្ជករ អ្នកនយោបាយ​ដ៏​ល្បីឈ្មោះ​ម្នាក់​នៅ​ប្រទេស​ថៃ ហើយ​លោកស្រី​គឺជា​ត្រកូល Lamsam ជំនាន់​ទី​៥ ដែល​ជា​គ្រួសារ​អ្នកមាន​បំផុត​មួយ​របស់​ប្រទេស​ថៃ​។ នៅ​ក្នុង​ឆ្នាំ ២០២១ លោកស្រី​បាន​ក្លាយជា​ចាត់ការ​ទូទៅ​ក្រុមបាល់ទាត់​ជម្រើសជាតិ​បុរស​ថៃ និង​ក្រុម​អាយុ​ក្រោម​២៣​ឆ្នាំ​។

ដោយឡែក លោកស្រី Pauline Ngarmpring អាយុ​៥៩​ឆ្នាំ​ក៏​មាន​ប្រជាប្រិយភាព​ខ្លាំង​មិនធម្មតា​ផង​ដែរ ដែល​ជា​អ្នកនយោបាយ​ល្បីឈ្មោះ​ម្នាក់ ដែល​មក​ពី​គណបក្ស Mahachon ។ នៅ​ក្នុង​ឆ្នាំ ២០១៩ គាត់​បាន​​ក្លាយ​អ្នក​កែ​ភេទ (Transgender) ដំបូង​គេ​បំផុត​នៅ​ប្រទេស​ថៃ ដែល​ឈរឈ្មោះ​ប្រជែង​តំណែង​នាយក​រដ្ឋមន្ត្រី​៕ (​ប្រភព ៖ VnExpress)

អត្ថបទសរសេរ ដោយ

កែសម្រួលដោយ