ខេត្តបន្ទាយមានជ័យ ៖ បុរស២នាក់ដែលជាឪពុកក្មេកនិងកូនប្រសា បានមកប្តឹងសមត្ថកិច្ចប៉េអឹមមូលដ្ឋានស្រុកអូរជ្រៅ ក្នុងស្ថានភាពរងរបួសយ៉ាងធ្ងន់ធ្ងរ ព្រោះតែរឿងជម្លោះដីស្រែ។ អំពើហិ.ង្សានេះបានកើតឡើងកាលពីថ្ងៃទី២០ ឧសភា នៅចំណុចភូមិសូភីត្បូង ឃុំសូភី ស្រុកអូរជ្រៅ
ខេត្តបន្ទាយមានជ័យ ៖ បុរស២នាក់ដែលជាឪពុកក្មេកនិងកូនប្រសា បានមកប្តឹងសមត្ថកិច្ចប៉េអឹមមូលដ្ឋានស្រុកអូរជ្រៅ ក្នុងស្ថានភាពរងរបួសយ៉ាងធ្ងន់ធ្ងរ ព្រោះតែរឿងជម្លោះដីស្រែ។ អំពើហិង្សានេះបានកើតឡើងកាលពីថ្ងៃទី២០ ឧសភា នៅចំណុចភូមិសូភីត្បូង ឃុំសូភី ស្រុកអូរជ្រៅ ។
លោកអនុសេនីយ៍ឯកជា ពិសី មេបញ្ជាការប៉េអឹមមូលដ្ឋានស្រុកអូរជ្រៅបានឱ្យដឹងថា ក្រោយពីទទួលបណ្តឹងពីជនរងគ្រោះទាំង២នាក់ ដែលម្នាក់ឈ្មោះចាន់ ភេទប្រុស អាយុ៤៨ឆ្នាំ ជាឪពុកក្មេក និងម្នាក់ទៀតឈ្មោះស៊ឹម បូរី ភេទប្រុស អាយុ២១ឆ្នាំ ជាកូនប្រសានោះ លោកបានដឹកនាំកម្លាំងចុះទៅចាប់ឃាត់ខ្លួនជនដៃដល់ឈ្មោះសាំង ញ៉ុះ ភេទប្រុស អាយុ៤៧ឆ្នាំ មកសាកសួរនៅវេលាម៉ោង៧យប់ថ្ងៃដដែលនោះដែរ រួមទាំងវត្ថុតាង គឺកូនកាំបិតចិតបន្លែ១ដងដែកដែលចាក់ទៅលើអ្នកទាំង២នាក់ ។
លោកមេបញ្ជាការប៉េអឹមមូលដ្ឋានស្រុកអូរជ្រៅបានឱ្យដឹងទៀតថា ក្រោយពីឃាត់ខ្លួននិងសួរនាំ ជនដៃដល់សារភាពថា ខ្លួនពិតជាបានប្រើកាំបិតចាក់ជនរងគ្រោះ២នាក់នោះមែន ដោយសារឪពុកក្មេក និងកូនប្រសាទាំង២នាក់នោះបានទៅបោះបង្គោលរំលោភលើដីស្រែរបស់ខ្លួន ។ ក្រោយពីខ្លួនទៅដកបង្គោលរបងនោះចេញ មកដល់រសៀលថ្ងៃទី២០ ឧសភា ក៏បានឈ្លោះប្រកែកគ្នារហូតដល់ខ្លួនទ្រាំមិនបាន ក៏យកកាំបិតចុងស្រួចចាក់ឪពុក និងកូននេះទៅ ។
លោកអនុសេនីយ៍ឯកជា ពិសី បានបញ្ជាក់ថា ក្នុងអំពើហិង្សាបង្ករបួសស្នាមដោយចេតនា នេះជនដៃដល់បានចាក់ទៅលើឈ្មោះចាន់ ជាឪពុកក្មេកត្រូវត្រង់ក្បាលដេរជាច្រើនថ្នេរ និងត្រូវគ្រាប់ភ្នែកខាងឆ្វេងបណ្តាលឱ្យពិការ ហើយត្រូវបានដឹកយកទៅព្យាបាលនៅភ្នំពេញ ចំណែកម្នាក់ទៀតជាកូនប្រសាឈ្មោះស៊ឹម បូរី ហៅខុន របួសភ្លៅខាងស្តាំ និងឆ្អឹងជំនីរខាងស្តាំ កំពុងព្យាបាល ។ ដោយឡែកជនដៃដល់ឈ្មោះសាំង ញ៉ុះ និងវត្ថុតាងត្រូវបានកសាងសំណុំរឿងបញ្ជូនទៅសាលាដំបូងខេត្តចាត់ការតាមច្បាប់ ៕
ចែករំលែកព័តមាននេះ