ផ្ទុះប្រតិកម្មរឿងកីឡាករល្បីឈ្មោះ១រូប ត្រូវប្រពន្ធចោទថា មានស្រី ចោលប្រពន្ធកូនតូច
- ភ្នំពេញ
រាជធានីភ្នំពេញ ៖ តើរឿងនិងទៅជាយ៉ាងណា បន្ទាប់ពីនារីម្នាក់ឈ្មោះលាង ចិន្ដា បានចេញមុខ
រាជធានីភ្នំពេញ ៖ តើរឿងនិងទៅជាយ៉ាងណា បន្ទាប់ពីនារីម្នាក់ឈ្មោះលាង ចិន្ដា បានចេញមុខបង្ហោះសារបញ្ជាក់យ៉ាងច្បាស់ៗថា កីឡាករប្រដាល់គុនខ្មែរដ៏ល្បីឈ្មោះមួយរូបគឺលោក រតន: សុធី ដែលជាស្វាមី បានលួចក្បត់ប្រពន្ធនិងកូន ទៅលួចមានអ្នកថ្មី ខណៈភាគីនារីបានឆ្លើយតបមកវិញយ៉ាងចាក់ដោតថា បើនាងដឹងលោក រតន: សុធី មានប្រពន្ធកូន នាងក៏មិនទាក់ទងដែរ ។
ជាការពិតណាស់នាថ្ងៃទី០៥ ខែធ្នូ ឆ្នាំ ២០២៣ នេះ មហាជនអ្នកគាំទ្រក៏ដូចជាអ្នកស្នេហាវិស័យប្រដាល់គុនខ្មែរ បាននិងកំពុងផ្ទុះការចាប់អារម្មណ៍ និងមានការភ្ញាក់ផ្អើលខ្លាំងមែនទែន បន្ទាប់ពីបានប្រទះឃើញ អ្នកនាងលាង ចិន្ដា ដែលត្រូវជាប្រពន្ធរបស់កីឡារប្រដាល់គុនខ្មែរ លោក រតន: សុធី បានចេញមុខបង្ហោះរូបភាពជាច្រើនសន្លឹករូចភ្ជាប់ជាមួយសារថាលោក រតនៈ សុធី បានក្បត់គ្រួសារ លួចទាក់ទងនារីដ៏ទៃ ។
យ៉ាងណាមិញ បើយោងតាមគណនីហ្វេសប៊ុកឈ្មោះ លាង ចិន្ដា បានបង្ហោះសារបញ្ជាក់យ៉ាងច្បាស់ដូច្នេះថា៖ អូននៅក្មេងតែអូនក្លាហានណាស់ហ៊ានយកប្ដីបង ដឹងហើយលឺហើយថាគេមានប្រពន្ធកូន ។ ខ្ញុំមិនស្ដាយទេមនុស្សបែបលង់នឹងខ្លួនឯងបែបនេះ ខ្ញុំចិញ្ចឹមកូនម្នាក់ឯងរ៉ាប់រងគ្រប់សព្វបែបយ៉ាង លុយវៃបានទុកខ្លួនឯងមិនដែលទុកអោយចិញ្ចឹមទុកមួយរៀល ធ្វើអ្វីដើម្បីតែខ្លួនឯងល្អធ្វើបាបផ្លូវចិត្តខ្ញុំដល់ថ្នាក់កើតជម្ងឺបាក់ទឹកចិត្តដំណាក់កាលទី3ក៏ខ្ញុំមិននិយាយទុកកិត្តិយសអោយបង ។
យោងតាមគណនីហ្វេសប៊ុកខាងលើបានបន្តថា កូនឈឺរលាក់ទងសួតនៅពេទ្យ7ថ្ងៃអស់500ដុល្លារ បងមិនជួយចេញ ខលមកថាអោយខ្ញុំថែមទៀត ខ្ញុំកើតកូនបើកស្បូនបាន5កាំ ក្រឡាភ្លើងត្រូវការវះភ្លាមៗ ពេទ្យហៅម្ដាយនឹងប្ដីទៅផ្ដិតមេដៃធានាតែកូន មិនធានាម្ដាយ តែសំណាងសង្គ្រោះបានទាំងម្ដាយទាំង វះបាន1ខែខ្ញុំចូលធ្វើការវិញអង្គុយមុខកុំព្យូទ័រ12ម៉ោង ហើយថែមមុខរបបខំលក់អនឡាញមើលថែកូនផងកុំអោយកូនខ្វះភាពកក់ក្ដៅ ខ្ញុំខំណាស់គ្មានពេលសម្រាកទេ បងប្រឌិតរឿងនិយាយអាក្រក់ពីខ្ញុំដើម្បីអោយគេអាណិតឧបត្ថម្ភលុយអោយបងខ្ញុំខូចចិត្តដេកយំម្នាក់ឯងទ្រាំខូចឈ្មោះមិននិយាយអីទុកកិតិយសអោយប្ដី បងឆ្កួតស្រាឆ្កួតល្បែងខ្ញុំទ្រាំបាន តែឆ្កួតរឿងស្រីខ្ញុំទទួលមិនបានទេ ។
យោងតាមគណនីហ្វេសប៊ុកខាងលើបានបន្តទៀតថា ចុះមកផ្ដិតមេដៃអោយខ្ញុំអោយឆាប់កុំអោយរឿងបែកធ្លាយលើសនេះ ប្រយ័ត្នអស់ផ្លូវដើរព្រោះបងក្រៅពីប្រដាល់គ្នាជំនាញអីទេ មានអីល្អតើវៃហើយនាំស្រីចូល KTV ចឹងបានវៃ10ឆ្នាំគ្មានសល់អីសោះ ។
ដោយឡែក ក្រោយឃើញការបង្ហោះរបស់អ្នកនាង លាង ចិន្ដា ដែលត្រូវជាប្រពន្ធរបស់ លោក រតន: សុធី ស្រាប់តែភាគីខាងនារី ដែលត្រូវបានចោទប្រកាន់ថាខ្លួនយកប្ដីគេនោះ បានចេញមុខចូលខមិនឆ្លើយតបទៅវិញយ៉ាងដូច្នោះថា៖ បើនាងដឹងលោក រតន: សុធី មានប្រពន្ធកូន នាងក៏មិនទាក់ទងដែរ ។
គួរបញ្ជាក់ផងដែរថា ក្រុមការងារសារព័ត៌មានកោះសន្តិភាពក៏បានព្យាយាមទាក់ទងទៅកាន់លោក រតន: សុធី តាមរយៈហ្វេសប៊ុកផេកផ្លូវការដែលមានឈ្មោះថា មនុស្សយន្ត រតនៈ សុធី ដើម្បីសុំការបំភ្លឺផងដែរ ប៉ុន្តែពុំទាន់មានការឆ្លើយតបត្រឡប់មកវិញឡើយ គិតត្រឹមល្ងាចថ្ងៃទី០៥ ខែធ្នូ ឆ្នាំ២០២៣ នេះ ៕ (អត្ថបទដោយ៖ រៀម រ៉ាន់)
ចែករំលែកព័តមាននេះ