តុលាការធម្មនុញ្ញប៉េរូ បញ្ជាឱ្យដោះលែងអតីតប្រធានាធិបតី លោកហ្វូជីម៉ូរី
ប្រទេសប៉េរូ ៖ តុលាការធម្មនុញ្ញប៉េរូកាលពីថ្ងៃទី៥ ធ្នូ បានចេញបញ្ជាឲ្យដោះលែងជាបន្ទាន់អតីត
ប្រទេសប៉េរូ ៖ តុលាការធម្មនុញ្ញប៉េរូកាលពីថ្ងៃទី៥ ធ្នូ បានចេញបញ្ជាឲ្យដោះលែងជាបន្ទាន់អតីតប្រធានាធិបតីប៉េរូ លោកអាល់ប៊ែរតូហ្វូជីម៉ូរី អាយុ៨៥ឆ្នាំ ដែលទទួលការកាត់ទោស កាលពីឆ្នាំ២០០៩ ដាក់ពន្ធនាគារ២៥ឆ្នាំពីបទឧក្រិ.ដ្ឋប្រឆាំងមនុស្សជាតិ។
តាមបទបញ្ជាមួយតុលាការធម្មនុញ្ញតម្រូវឲ្យដោះលែងជាបន្ទាន់ អតីតប្រធានាធិបតីរូបនោះដែលកាន់អំណាចពីឆ្នាំ១៩៩០ដល់ឆ្នាំ២០០០។ លោកទទួលការចោទប្រកាន់ពីបទសម្លាប់មនុស្ស២៥នាក់ ក្នុងការសម្លាប់រង្គាល២ ដោយកងកុំម៉ង់ដូមួយរបស់កងទ័ព ក្នុងក្របខណ្ឌដែលគេហៅថាសង្គ្រាមប្រឆាំងភេរវកម្ម។
កាលពីខែមីនាឆ្នាំ២០២២ តុលាការធម្មនុញ្ញធ្លាប់បានបញ្ជាឲ្យដោះលែងលោកហ្វូជីម៉ូរី ដែលមានបញ្ហាសុខភាពជាច្រើន តែប៉ុន្មានសប្ដាហ៍ក្រោយមក តុលាការអន្តរងអាមេរិកខាងសិទ្ធិមនុស្ស មានមូលដ្ឋាននៅកូស្តារីតា បានចេញបញ្ជាឲ្យប៉េរូផ្អាកការអនុវត្តសេចក្ដីសម្រេចចិត្តនោះ៕
ចែករំលែកព័តមាននេះ