ខេត្តកំពត ៖ កង់មួយគូបានដាច់ចេញពីរថយន្តធំវែងមួយគ្រឿង ហើយក៏រមៀលកង់តាមផ្លូវយ៉ាងលឿនទៅបុករថយន្តគេមួយគ្រឿងទៀត ដែលកំពុងឈប់នៅផ្លូវថ្នល់បំបែក ស្ថិតក្នុងភូមិបឹងធំ ឃុំអង្គសុភីស្រុកកំពង់ត្រាច ខេត្តកំពត កាលពីវេលាម៉ោង០៧ព្រឹកថ្ងៃទី០៥ ធ្នូ…
ខេត្តកំពត ៖ កង់មួយគូបានដាច់ចេញពីរថយន្តធំវែងមួយគ្រឿង ហើយក៏រមៀលកង់តាមផ្លូវយ៉ាងលឿនទៅបុករថយន្តគេមួយគ្រឿងទៀត ដែលកំពុងឈប់នៅផ្លូវថ្នល់បំបែក ស្ថិតក្នុងភូមិបឹងធំ ឃុំអង្គសុភីស្រុកកំពង់ត្រាច ខេត្តកំពត កាលពីវេលាម៉ោង០៧ព្រឹកថ្ងៃទី០៥ ធ្នូ ២០២៣ ។
អ្វីដែលធ្វើឱ្យហួសចិត្ត ទោះបីជាដាច់កង់ឡានបង្កការភ្ញាក់ផ្អើលអ្នកលក់ដូរ និងអ្នកធ្វើដំណើរឈប់មើលព្រោងព្រាតក៏ដោយ ក៏រថយន្តដាច់កង់នោះមិនបានឈប់ដែរ នៅបន្តបើកទៅទិសខាងជើងតាមផ្លូវជាតិលេខ៣១ដដែល ។
លុះដល់ម៉ោង១០ព្រឹកទៅហើយ នៅតែរកម្ចាស់កង់រថយន្តមិនឃើញ តែម្ចាស់រថយន្តដែលរងការខូចខាតដោយសារកង់រថយន្តដាច់ហើយមកបុកនោះយកទៅទុកសិន រងចាំការដោះស្រាយគ្នា។
មនុស្សម្នាជាច្រើននិយាយថា វាសំណាងហើយដែលមិនបានធ្វើអោយអ្នកដំណើរណារងរបួស ព្រោះកង់ឡាននេះបន្ទាប់ពីវាបានដាច់រមៀលតាមដងផ្លូវរហូតទៅបុករថយន្ត ទើបរមៀលទើរនៅមុខតូបលក់បាយ ។
ចែករំលែកព័តមាននេះ