រឿងនគរបាលដកបណ្ណបើកបរកើតមានញឹកញាប់ហើយ ពេលខ្លះក៏មានការជជែកតឹងសរសៃកដាក់គ្នាផងដែរ ។ ដូច្នេះ អ្នកបើកបរត្រូវដឹងច្បាស់ថា តើពេលណានគរបាលមានសិទ្ធិ និងពេលណាមិនមានសិទ្ធធ្វើរឿងនេះ ។ ក្រសួងសាធារណការ និងដឹកជញ្ជូននៅថ្ងៃនេះ…
រឿងនគរបាលដកបណ្ណបើកបរកើតមានញឹកញាប់ហើយ ពេលខ្លះក៏មានការជជែកតឹងសរសៃកដាក់គ្នាផងដែរ ។ ដូច្នេះ អ្នកបើកបរត្រូវដឹងច្បាស់ថា តើពេលណានគរបាលមានសិទ្ធិ និងពេលណាមិនមានសិទ្ធធ្វើរឿងនេះ ។
ក្រសួងសាធារណការ និងដឹកជញ្ជូននៅថ្ងៃនេះ បានអោយដឹងតាមហ្វេសប៊ុកថា យោងតាមច្បាប់ស្តីពីចរាចរណ៍ផ្លូវគោកមាត្រា៦២នោះ មន្ត្រីនគរបាលចរាចរណ៍ផ្លូវគោក មានសិទ្ធិដកបណ្ណបើកបរព្យួរទុក ក្នុងរយៈពេលមិនលើសពី៧ (ប្រាំពីរ)ថ្ងៃ និងដកពិន្ទុ ដូចមានចែងក្នុងមាត្រា៤៣ នៃច្បាប់នេះ ចំពោះបទល្មើសណាមួយដូចខាងក្រោម ៖
១- បើកបរខុសទិសចរាចរណ៍ ឬបើកបរតាមទិសចរាចរណ៍ដែលមានដាក់សញ្ញាហាមឃាត់ ។
២-បើកបរដោយល្បឿនលើសចាប់ពី៤០ (សែសិប) គីឡូម៉ែត្រក្នុងមួយម៉ោងឡើងទៅពីល្បឿន ដែលបានកំណត់ក្នុងច្បាប់នេះ ។
៣-មិនគោរពសិទ្ធិអាទិភាព ។
៤- មិនគោរពផ្លាកសញ្ញាឈប់ ឬភ្លើងសញ្ញាចរាចរណ៍ពណ៌ក្រហម ឬពណ៌ក្រហមភ្លឹបភ្លែតៗ ។
៥- បើកបរយានដែលមានកង់ច្រវាក់ដែកផ្ទាល់នៅលើផ្លូវថ្នល់ក្រាលកៅស៊ូ ។
មន្ត្រីនគរបាលចរាចរណ៍ មិនត្រូវដកហូតបណ្ណបើកបរ និងឯកសារផ្សេងៗរបស់យានយន្ត ក្នុងករណីពុំមានចែងក្នុងច្បាប់នេះ ៕
ចែករំលែកព័តមាននេះ