ខេត្តស្វាយរៀង៖មានក្រុមហ៊ុននាំចូលវត្ថុធាតុដើមស្ពាន់ (COPPER CONTENT RAW MATERIAL) រាប់សិបតោន ឆ្លងដែនពីប្រទេសវៀតណាម ចូលមកតាមច្រករបៀងសំយ៉ោង នៅពេលយប់បង្កឲ្យមហាជនដាក់ការសង្ស័យថា ជាទំនិញគេចពន្ធ…
ខេត្តស្វាយរៀង៖មានក្រុមហ៊ុននាំចូលវត្ថុធាតុដើមស្ពាន់ (COPPER CONTENT RAW MATERIAL) រាប់សិបតោន ឆ្លងដែនពីប្រទេសវៀតណាម ចូលមកតាមច្រករបៀងសំយ៉ោង នៅពេលយប់បង្កឲ្យមហាជនដាក់ការសង្ស័យថា ជាទំនិញគេចពន្ធ ចំណែកមន្ត្រីសមត្ថកិច្ចឈជើងនៅច្រករបៀងសំយ៉ោងហាក់មានការសាចទឹកដាក់គ្នា ដោយចោទថា ទាហ៊ានបើកបារាស រីឯទាហ៊ានចោទថាប៉ូលិសអ្នកបើកបារាស់។ តើរ៉ែស្ពាន់នេះមានច្បាប់អនុញ្ញាតិនាំចូលឬក៏អត់?
ករណីដ៏ចម្រូងចម្រាស់នេះបានកើតឡើងរយៈពេល៤ថ្ងៃមកហើយគឺចាប់ពីម៉ោង១០និង៣០នាទីយប់ថ្ងៃទី១១កក្កដា២០២៥មកដល់ថ្ងៃទី១៥កក្កដា២០២៥នេះនៅច្រករបៀងសំយ៉ោង ស្ថិតនៅភូមិសំយ៉ោងឃុំសំយ៉ោងស្រុកកំពង់រោទ៌។បើតាមមន្ត្រីយោធាម្នាក់ដែលឈជើងនៅប៉ុស្ត៍ច្រករបៀងសំយ៉ោង បានប្រាប់អ្នកសារព័ត៌មានយើងនារសៀលថ្ងៃទី១៥កក្កដា២០២៥នេះថា កាលពីវេលាម៉ោង១០និង៣០នាទីយប់ថ្ងៃទី១១កក្កដា២០២៥ មានឈ្មួញវៀតណាមបាននាំទំនិញ ដឹកតាមរថយន្តចំនួន០៣គ្រឿងឆ្លងដែនពីប្រទេសវៀតណាមចូលមកតាមច្រករបៀងសំយ៉ោង ដោយពុំមានលិខិតអនុញ្ញាតិបញ្ជាក់មុខទំនិញឬជាវត្ថុអ្វីនោះទេ ដោយអ្នករត់ការប្រាប់ថា ធ្យូងថ្ម ផលិតស្ពាន់ ។
ប្រភពបន្តថា ខាងយោធាមិនហ៊ានអនុញ្ញាតិឲ្យចូលទេ ក៏ប៉ុន្តែ ខាងប៉ូលិស ជាអ្នកអះអាងឲ្យនាំចូល ក៏មានប៉ះសំដីគ្នា បន្ទាប់មកនៅវេលាក្រុមឈ្មួញវៀតណាមបានហៅរថយន្តស្ទូចមកស្ទួចកញ្ចប់ទំនិញចេញពីរថយន្តវៀតណាមផ្ទេរដាក់លើរថយន្តខ្មែរ លុះដល់ម៉ោង១០យប់ថ្ងៃទី១២កក្កដា ឈ្មួញបានបើករថយន្តទាំង០៣គ្រឿងចូលទៅក្រុងស្វាយរៀងឆ្ពោះទៅខេត្តកំពង់ស្ពឺ។ហើយបានរយៈពេល២ថ្ងៃទើបលោកវរៈសេនិយ៍ត្រី រស់ភឿន នាយប៉ុស្ត៍នគបាលច្រកទ្វាព្រំដែនសំយ៉ោងយកលិខិតសុំអនុញ្ញាតិថតចម្លងរបស់ក្រុមហ៊ុនស៊ីណានហ័រស៊ីន មកឲ្យ។ហើយនៅយប់ថ្ងៃទី១៣កក្កដា២០២៥វេលាម៉ោង១០យប់ស្រាប់តែមានរថយន្តវៀតណាមប្រភេទវ៉េអងចំនួន០៥គ្រឿងបានដឹកទំនិញចូលមកទៀតដោយមកចតកន្លែងផ្ទេរទំនិញ១កន្លែងហើយបានហៅរថយន្តស្ទូចមកស្ទូចកញ្ចប់ទំនិញផ្ទេរដាក់លើរថយន្តខ្មែរត្រៀមដឹកចេញទៅខេត្តកំពង់ស្ពឺ។
ទាក់ទិនករណីនេះដែរលោកវរសេនិយ៍ត្រីរស់ភឿន នាយប៉ុស្ត៍វរៈការពារត៍ព្រំដែនសំយ៉ោង(ច្រករបៀងសំយ៉ោង) បានប្រាប់អ្នកសារព័ត៌មានយើងថា ខាងនគបាលមិនមែនជាអ្នកបើកបារាស់ទេ ខាងទាហ៊ាននៅខាងមុខ ហើយក្រុមហ៊ុនគេមានច្បាប់ (ស.ជ.ណ) នាំវត្ថុធាតុដើម សំណ ទង់ដែង ពីវៀត ណាមទៅក្រុមហ៊ុននៅខេត្តកំពង់ស្ពឺនិងខេត្តព្រះសីហនុ ដោយមានការបង់ពន្ធគយត្រឹមត្រូវ ដូច្នេះលោកមិនហ៊ានឃាត់ទេ។
បន្ទាប់មកលោក៏បានបង្ហាញ ស.ជ.ណ របស់រាជរដ្ឋាភិបាល និងលិខិតក្រុមហ៊ុនស៊ីណានហ័រស៊ីនឲ្យអ្នកសារព័ត៌មានមើល។រីឯលិខិតរបស់ក្រុមហ៊ុនស៊ីណានហ័រស៊ីន សុំ នាំចូល COPPER CONTENT RAW MATERIAL (វត្ថុធាតុដើមស្ពាន់)ចំនួន១០៧,៦២០គីឡូក្រាម តម្លៃ$៧,៥២៥.០០ដុល្លារ ចូលតាមប៉ុស្ត៍ច្រកទ្វាព្រំដែនអន្តរជាតិព្រៃវល្ល៍ ក៏ប៉ុន្តែបែជាដឹកតាមច្រករបៀងសំយ៉ោងទៅវិញ ហើយរថយន្ត០៣គ្រឿងដឹកទំនិញទៅបាត់០៣ថ្ងៃក្រោយទើបយកលិខិតស្នើសុំដែលគ្មានឃើញការអនុញ្ញាតិមកឲ្យមើល។ហើយក៏មានរថយន្តវៀតណាមប្រភេទវ៉េអង ០៥គ្រឿងមកថ្មីទៀត អត់មានលិខិតនាំចូលដ៏ដែលទើបមានការទាស់សំដីគ្នារវាងសមត្ថកិច្ចនិងសមត្ថកិច្ចបង្កឲ្យមហាជនដាក់ការសង្ស័យ។
ទាក់ទិនករណីនេះដែរ អ្នករត់ការដឹកទំនិញរ៉ែស្ពាន់ ម្នាក់បានប្រាប់អ្នកសារព័ត៌មានយើងថា ក្រុមហ៊ុនស៊ីណានហ័រស៊ីន បានចុះកិច្ចព្រមព្រៀងជាមួយរាជរដ្ឋាភិបាលសុំធ្វើវិនិយោគ នាំវត្ថុធាតុដើម COPPER CONTENT RAW MATERIAL (រ៉ែស្ពាន់) ពីប្រទេសវៀតណាម តាមច្រទ្វាព្រំដែន ចូលមកកម្ពុជា ដើម្បីផលិតសម្ភារៈ សំណ ស្ពាន់ នៅខេត្តកំពង់ស្ពឺនិងខេត្តព្រះសីហនុ ។ហើយនាំចូលតាមច្រករបៀងសំយ៉ោងគឺទើបតែ ០៨គ្រឿង ផ្ទេរដាក់រថយន្តខ្មែរ០៩គ្រឿង ហើយ០៦គ្រឿងដែលចូលពីថ្ងៃទី១៣កក្កដានិងដឹកចេញនៅល្ងាចថ្ងៃទី១៥កក្កដា២០២៥នេះក្រោយមន្ត្រីគយពិនិត្យរៀបចំឯកសាររួច។
ទាក់ទិនករណីនេះដែរមិនអាចរកការបំភ្លឺពីមន្ត្រីគយប្រចាំការនៅច្រកទ្វាព្រំដែនអន្តរជាតិព្រៃវល្ល័បានទេរហូតមកដល់ល្ងាចថ្ងៃទី១៥កក្កដានេះ ។
ព័ត៌មានលម្អិតនឹងមានផ្សាយនៅលើទំព័រកាសែតកោះសន្តិភាព ៕
ចែករំលែកព័តមាននេះ