ADផ្ទាំងផ្សព្វផ្សាយពាណិជ្ជកម្ម

Picture

ប៉ា​រី​ស ២០២៤ ៖ សហព័ន្ធ​អូ​ឡាំ​ពិ​ក​ស្នើ IOC អនុ​ញ្ញាត​​ឱ្យ​អត្ត​ព​លិ​ក​រុ​ស្ស៊ី​-​បេឡា​រុស​ប្រកួត​ក្នុង​នាម​អព្យា​ក្រឹត

2 ខែ មុន

ស្វី​ស ៖ សហព័ន្ធ​កីឡា​អូ​ឡាំ​ពិ​កបាន​ស្នើ​ឱ្យ​គណៈកម្មាធិការ​អូ​ឡាំ​ពិ​ក​អន្តរជាតិ ដែល​ហៅ​កាត់​ថា IOC

ស្វី​ស ៖ សហព័ន្ធ​កីឡា​អូ​ឡាំ​ពិ​កបាន​ស្នើ​ឱ្យ​គណៈកម្មាធិការ​អូ​ឡាំ​ពិ​ក​អន្តរជាតិ ដែល​ហៅ​កាត់​ថា IOC ដើម្បី​អនុញ្ញាត​ឱ្យ​អត្ត​ព​លិ​ក​រុ​ស្ស៊ី និង​បេឡា​រុស​ចូលរួម​ប្រកួតប្រជែង​ក្នុង​នាម​អព្យាក្រឹត​នៅ​ព្រឹត្តិ​ការណ៍​កីឡា​អូ​ឡាំ​ពិ​ក និង​ប៉ា​រ៉ា​ឡាំ​ពិ​ក​រដូវក្តៅ ទី​ក្រុងប៉ារីស ប្រទេស​បារាំង ឆ្នាំ​២០២៤​។

ប្រទេស​រុ​ស្ស៊ី និង​បេឡា​រុស ត្រូវ​បាន​ដាក់​ទណ្ឌកម្ម ប៉ុន្តែ​មិន​ត្រូវ​បាន​ហាមឃាត់​ដោយ IOC បន្ទាប់​ពី​ការ​លុកលុយ​របស់​រុ​ស្ស៊ី​លើ​អ៊ុយ​ក្រែ​ន កាលពី​ខែកុម្ភៈ ឆ្នាំ ២០២២ កន្លង​មក​។ កាលពី​ខែមីនា​កន្លង​ទៅ IOC បាន​ផ្តល់​អនុសាសន៍​ឱ្យ​អត្ត​ព​លិ​ក​ប្រទេស​ទាំង​ពីរ អាច​ប្រកួតប្រជែង​បាន​តែ​ក្នុង​នាម​អព្យាក្រឹត ប៉ុន្តែ​មិន​ទាន់​ទទួល​បានការ​សម្រេចចិត្ត​ពី​សំណាក់​អ្នក​រៀបចំ​ព្រឹត្តិការណ៍​ទី​ក្រុងប៉ារីស​នៅឡើយ​ទេ​។

សហព័ន្ធ​កីឡា​អូ​ឡាំ​ពិ​ក​ចង់ឱ្យ​ការ​សម្រេចចិត្ត​ច្បាស់លាស់ ចំពោះ​ព្រឹត្តិការណ៍​ជម្រុះ​ជាតិ​សាសន៍​មួយ​នេះ ដោយ​ពួក​គេ​បាន​បន្ថែម​ថា អត្ត​ព​លិ​កបាន​ប្រកួតប្រជែង​នៅ​ក្នុង​លក្ខណៈ​អ​ព្យា​ក្រិ​ត្យ​នៅ​ក្នុង​ព្រឹត្តិការណ៍​នោះ ដោយ​អះអាង​ថា ពួក​គេ​ទទួល​បានការ​គាំទ្រ​ពី​សំណាក់ IOC​។

លោក Thomas Bach ប្រធាន IOC កាលពី​ស​ប្តា​ហ៍​មុន​បាន​ថ្លែង​ថា ការ​សម្រេចចិត្ត​ចុង​ក្រោយ​ស្តី​ពី​ការ​ចូលរួម​របស់​រុ​ស្សី និង​បេឡា​រុស នឹង​ដាក់​នៅ​លើ​តុ​ប្រជុំ​ក្រុមប្រឹក្សា​ប្រតិបត្តិ​របស់ IOC នៅ​ខែមីនា​ឆ្នាំ​ក្រោយ ខណៈ​ដែល​សំណើ​នេះ ត្រូវ​បាន​ធ្វើ​ឡើង​ក្នុង​សេចក្តីថ្លែងការណ៍​របស់ IOC ដែល​បាន​ចេញផ្សាយ​បន្ទាប់​ពី​កិច្ចប្រជុំ​កំពូល​អូ​ឡាំ​ពិ​ក​នៅ​ទីក្រុង​ឡូ​សាន (Lausanne) ប្រទេស​ស្វី​ស​។

IOC បាន​ប្រាប់​កិច្ចប្រជុំ​កំពូល​ថា ប្រសិនបើ​អត្ត​ព​លិ​ក​ម្នាក់​ៗ​របស់​ប្រទេស​ទាំង​ពីរ ត្រូវ​បាន​អនុញ្ញាត​ឱ្យ​ចូលរួម​ប្រកួត នោះ​នឹង​ស្ថិត​ក្រោម​លក្ខខណ្ឌ​ដ៏​តឹងរ៉ឹង​នៃ​អព្យាក្រឹតភាព ដែល​មាន​ន័យ​ថា ទង់​ជាតិ ភ្លេងជាតិ ឬ​និមិត្តសញ្ញា​ជាតិ​ផ្សេង​ទៀត​មិន​ត្រូវ​ប្រើប្រាស់​ឡើយ​។ ក្រុមប្រឹក្សា​ប្រតិបត្តិ IOC ធ្លាប់​បាន​ប្រាប់​សហព័ន្ធ​អន្តរជាតិ និង​អ្នក​រៀបចំ​ព្រឹត្តិការណ៍​ថា អត្ត​ព​លិ​ក និង​បុគ្គលិក​ដែល​គាំទ្រ​យ៉ាង​សកម្ម​ក្នុង​សង្គ្រាម​ឈ្លា​ពាន​នៅ​អ៊ុយ​ក្រែ​ន ឬ​ជាប់​ជា​កាតព្វកិច្ច​យោធា មិន​គួរ​ត្រូវ​បាន​អនុញ្ញាត​ឱ្យ​ចូលរួម​ប្រកួតប្រជែង​នោះ​ទេ ហើយ​ក្រោយ​ការ​ថ្លែង​នេះ​។

IOC រង​ការ​រិះគន់​យ៉ាង​ចាស់ដៃ និង​ការ​ចោទប្រកាន់​ថា កំពុង​តែ​ស្វែងរក​ផ្លូវ​សម្រាប់​ជនជាតិ​រុ​ស្ស៊ី និង​បេឡា​រុស​ក្នុង​ការ​ប្រកួតប្រជែង ខណៈ​ដែល​ចក្រភព​អង់គ្លេស​ស្ថិត​ក្នុង​ចំណោម​ប្រទេស​ជាង ៣០ ដែល​បាន​សន្យា​គាំទ្រ​ចំពោះ​ការ​ហាមប្រាម​ជា​បន្តបន្ទាប់ ដោយ​លេខាធិការ​វប្បធម៌​ចក្រភព​អង់គ្លេស លោកស្រី Lucy Frazer បាន​និយាយ​ថា ផែនការ​របស់ IOC មិន​គួរ​ឱ្យ​ជឿ​ទុកចិត្ត​។

គួរ​បញ្ជាក់​ថា ព្រឹត្តិការណ៍​កីឡា​អូ​ឡាំ​ពិ​ក​ទី​ក្រុងប៉ារីស​ឆ្នាំ ២០២៤ នឹង​ដំណើរការ​ចាប់ពី​ថ្ងៃ​ទី​២៦ ខែកក្កដា រហូត​ដល់​ថ្ងៃ​ទី​១១ ខែសីហា មុន​ពេល​ដែល​ព្រឹត្តិការណ៍​កីឡា​ប៉ា​រ៉ា​ឡាំ​ពិ​ក​ចូល​មក​ដល់ ដែល​នឹង​ដំណើរការ​ចាប់ពី​ថ្ងៃ​ទី​២៨ ខែសីហា រហូត​ដល់​ថ្ងៃ​ទី​៨ ខែកញ្ញា​៕ (​ប្រភព ៖ BBC)

អត្ថបទសរសេរ ដោយ

កែសម្រួលដោយ