រថក្រោះអ៊ីស្រាអែលលុកចូលដល់ភាគខាងត្បូងហ្គាហ្សា
សង្គ្រាមអ៊ីស្រាអែលនិងហាម៉ាស់ ៖ មិនត្រឹមតែភាគខាងជើងជ្រោយហ្គាហ្សាដែលទាក់ទិននឹងការ
សង្គ្រាមអ៊ីស្រាអែលនិងហាម៉ាស់ ៖ មិនត្រឹមតែភាគខាងជើងជ្រោយហ្គាហ្សាដែលទាក់ទិននឹងការ
សង្គ្រាមអ៊ីស្រាអែលនិងហាម៉ាស់ ៖ មិនត្រឹមតែភាគខាងជើងជ្រោយហ្គាហ្សាដែលទាក់ទិននឹងការវាយលុកតាមជើងគោករបស់អ៊ីស្រាអែលទេ តែរថក្រោះនិងប៊ុលដូហ្ស័រច្រើនគ្រឿងពេលនេះលុកចូលដល់ភាគខាងត្បូងដែលដីប៉ាឡេស្ទីននោះកាលពីយប់ថ្ងៃទី៤ធ្នូ។
កងទ័ពអីុស្រាអែលពង្រីកប្រតិបត្តិការយោធារបស់ខ្លួនក្នុងដែនដីហ្គាហ្សាទាំងមូល ជិត២ខែក្រោយចាប់ផ្ដើមសង្គ្រាមពីថ្ងៃទី៧តុលាមក។ កងទ័ពអីុស្រាអែលអះអាងថា កងរថក្រោះខ្លួនបានលុកចូលក្នុងទីក្រុងខាន់យូណេស ជាទីក្រុងធំមួយនៅភាគខាងត្បូងហ្គាហ្សា កន្លែងដែលមានអ្នកភៀសខ្លួនដ៏ច្រើនមកពីភាគខាងជើងជ្រោយហ្គាហ្សា។
តាំងពីបន្តឡើងវិញការប្រយុទ្ធពីថ្ងៃទី១ធ្នូមក កងទ័ពអីុស្រាអែលបានបាញ់ផ្លោងនិងទម្លាក់គ្រាប់បែកយ៉ាងខ្លាំងក្លា លើភាគខាងត្បូងហ្គាហ្សាបណ្ដាលឲ្យមនុស្សស្លាប់និងរបួសច្រើនបំផុត ក្នុងចំណោមប្រជាជនតំបន់នោះនិងប្រជាជនដែលរត់ភៀសខ្លួនពីភាគខាងជើងដែនដីនោះដែលអីុស្រាអែលកម្ទេចយ៉ាងធ្ងន់ធ្ងររួចហើយនិងកំពុងបន្តទៀត។ បណ្ដារថក្រោះអីុស្រាអែលពេលនេះកំពុងបើកបរលើផ្លូវសាឡាហីុឌីនដែលភ្ជាប់រវាងភាគខាងជើងនិងភាគខាងត្បូងហ្គាហ្សាហើយកាត់ផ្ដាច់ផ្លូវនោះដោយការបាញ់រះនិងការបាញ់ផ្លោង៕
ចែករំលែកព័តមាននេះ