កូរ៉េខាងត្បូងនឹងទិញយន្តហោះបំបាំងកាយច្រើនទៀតពីអាមេរិក
ប្រទេសកូរ៉េខាងត្បូង ៖ តាមទីភ្នាក់ងារព័ត៌មានកូរ៉េខាងត្បូង YONHAP ថា ក្រុងសេអ៊ូលសម្រេច
ប្រទេសកូរ៉េខាងត្បូង ៖ តាមទីភ្នាក់ងារព័ត៌មានកូរ៉េខាងត្បូង YONHAP ថា ក្រុងសេអ៊ូលសម្រេចទិញយន្តហោះប្រដេញបំបាំងកាយធុនF-35A ២០គ្រឿងទៀតពីក្រុមហ៊ុនយក្សអាមេរិកLOCKHEED MARTIN ក្នុងក្របខណ្ឌនៃដំណាក់កាលទី២នៃគម្រោងដែលសំដៅយកយន្តហោះទាំងនោះ មកជំនួសបណ្ដាយន្តហោះប្រដេញចាស់ៗ របស់កងទ័ពអាកាសកូរ៉េខាងត្បូង។
គណៈកម្មាធិការជម្រុញគម្រោងការពារ បានអនុម័តរួចហើយនូវគម្រោងនោះដែលមានទឹកប្រាក់៤២៦០ពាន់លានវ៉ុន ប្រមាណជា៣,២២ពាន់លានដុល្លាររហូតដល់ឆ្នាំ២០២៨។ យន្តហោះប្រដេញបំបាំងកាយទាំងនេះនឹងជាផ្នែកមួយ ដែលនឹងរួមចំណែកក្នុងកិច្ចការពារប្រឆាំងការគំរាមកំហែងរបស់កូរ៉េខាងជើង។ សម្រាប់គម្រោងមួយទៀតកូរ៉េខាងត្បូងនឹងទិញបណ្ដាយន្តហោះដឹកជញ្ចូនយោធាធុនធំC390 ផលិតដោយក្រុមហ៊ុនប្រេស៊ីលEMBRAERក្នុងទំហំទឹកប្រាក់៧១០ពាន់លានវ៉ុន៕
ចែករំលែកព័តមាននេះ