រាជធានីភ្នំពេញ ៖ សម្តេចធិបតី នាយករដ្ឋមន្ត្រីកម្ពុជា បានគូសបញ្ជាក់ថា យើងមិនទាន់អាចកាត់បន្ថយ នៃភាពក្រីក្រ ទៅដល់ចំណុចសូន្យភាគរយនោះទេ ហើយក៏មិនអាចធានបានពិភពលោក នឹងមិនមែនមានអ្វីប្រែប្រួល…
រាជធានីភ្នំពេញ ៖ សម្តេចធិបតី នាយករដ្ឋមន្ត្រីកម្ពុជា បានគូសបញ្ជាក់ថា យើងមិនទាន់អាចកាត់បន្ថយ នៃភាពក្រីក្រ ទៅដល់ចំណុចសូន្យភាគរយនោះទេ ហើយក៏មិនអាចធានបានពិភពលោក នឹងមិនមែនមានអ្វីប្រែប្រួល ធ្វើឲ្យប៉ះពាល់ដល់ជីវភាពសង្គមបានដែរ ។
ថ្លែងក្នុងក្នុងពិធីប្រកាសដាក់ឱ្យអនុវត្តជាផ្លូវការ «គោលការណ៍ណែនាំ ស្តីពីក្របខណ្ឌកម្មវិធីជាតិជំនួយសង្គមក្នុងកញ្ចប់គ្រួសារ និង គោលការណ៍ណែនាំ ស្តីពីក្របខណ្ឌកិច្ច គាំពារសង្គមឆ្លើយតបនឹងគ្រោះអាសន្ន» នាព្រឹកថ្ងៃទី៥ ខែវិច្ឆិកា ឆ្នាំ២០២៣ នៅសណ្ឋាគាសុខាភ្នំពេញ សម្តេចធិបតី នាយករដ្ឋមន្ត្រី បានលើកឡើងយ៉ាងដូច្នេះថា ៖ យើងត្រូវតែទទួលស្គាល់ថា ប្រជាពលរដ្ឋក្រីក្រនៅតែមាន។ ពិសេសនោះ បើសិនគ្មានស្ថានភាពសេដ្ឋកិច្ចសកល មិនអាចនៅស្ថិតស្ថេរនោះទេ ជាក់ស្តែងក្នុងរយៈពេល៤ឆ្នាំមកនេះ ពិភពលោកបាន ជួបប្រទះ នូវបញ្ហាផ្ទួនៗ ក្នុងនោះមាន ៖ វិបត្តិនូវជំងឺកូវីដ-១៩ បញ្ហាសង្គ្រាមនៅអឺរ៉ុប ក៏ដូចជានៅមជ្ឈឹមបូព៌ា និងនៅកន្លែងផ្សេងទៀត ។
សម្តេចធិបតី បានបន្តថា វិបត្តិដែលកើតឡើងនោះ សូម្បីតែក្នុងប្រទេសអាស៊ានក៏មានដែរ។ ហើយក្រៅពីនោះ វិបត្តិដែលជួបប្រឈមនោះ គឺអតិផរណា នៃសេដ្ឋកិច្ចពិភពលោក ក៏បានប៉ះពាល់ដល់កម្ពុជាផងដែរ ដោយសារតែសេដ្ឋកិច្ចកម្ពុជា មិនស្ថិតក្នុងជាសេដ្ឋកិច្ចឯកកោនោះទេ គឺកម្ពុជាបានភ្ជាប់ការធ្វើសមហរណ៍កម្មសេដ្ឋកិច្ចជាមួយពិភពលោក ។
សម្តេចធិបតី នាយករដ្ឋមន្ត្រី បានគូសបញ្ជាក់ថា ៖ «អ៊ីចឹងអ្វីដែលប៉ះពាល់ផ្ទះដល់យើងម្តងនេះ គឺជាទាមទារឲ្យរាជរដ្ឋាភិបាល យកចិត្តទុកដាក់..។ រាជរដ្ឋាភិបាលស្ថិតក្នុងស្មារតី មុនទុកឲ្យអ្នកណាម្នាក់ចោលដោយមិនបានយកចិត្តទុកដាក់នោះទេ ហើយរាជរដ្ឋាភិបាលយើង មិនមែនធ្វើសកម្មភាពតែពេលល្អទេ ហើយពេលលំបាកទុកប្រជាជនចោលនោះ តែរាជរដ្ឋាភិបាលមួយបុរេសកម្ម» ។
សម្តេចនាយករដ្ឋមន្ត្រី បានលើកឡើងថា រាជរដ្ឋាភិបាលតែងតែធ្វើការឆ្លើយតបជួយសង្គ្រោះប្រជាពលរដ្ឋរងគ្រោះ ពិសេសនោះការវាយលុបរាត្បាតជំងឺកូវីដ-១៩ បញ្ហាគ្រោះទឹកជំនន់ បញ្ហាអតិផរណា នៃសេដ្ឋកិច្ចនិងបញ្ហាផ្សេងៗទៀត ដែលកើតមាន ។
ជាមួយគ្នានោះដែរ សម្តេចធិបតី បានលើកឡើងក្នុងអាណត្តិទី៧ នៃរដ្ឋសភានេះ រាជរដ្ឋាភិបាលនឹងបន្តធ្វើការគាំពារសង្គម ដែលត្រូវផ្តល់ជូនប្រជាពលរដ្ឋនៅតែបន្ត ដើម្បីធ្វើយ៉ាងណាធានាឲ្យមានប្រសិទ្ធភាព និងសុគង្កត់ភាព និងដោះស្រាយជូនប្រជាពលរដ្ឋឲ្យបាន ទាន់ពេល។ជាពិសេសនោះ ប្រជាពលរដ្ឋ ដែលត្រូវការជំនួយសង្គម ។
ក្នុងឱកាសនោះដែរ សម្តេចធិបតី បានគូសបញ្ជាក់ថា ៖ «យើងមិនទាន់អាចកាត់បន្ថយ នៃភាពក្រីក្រទៅចំណុចសូន្យភាគរយនោះទេ។ ហើយក៏មិនអាចធានបានពិភពលោក និងមិនមែនមានអ្វីប្រែប្រួលធ្វើឲ្យប៉ះពាល់ដល់ជីវភាពសង្គមនោះទេ។ មិនមានអ្នកណាធ្វើបានទេ ហើយបើសិនពិភពលោកអាចធានាបានថា មិនមែនទឹកជំនន់ មិនមែនវិបត្តិសង្គ្រាម និងបញ្ហាផ្សេងៗប៉ះពាល់ដល់ជីវភាពសង្គមបាន នោះយើងអាចធ្វើផែនការបាន ប៉ុន្តែយ៉ាងណា យើងនៅតែគិតពីអភិក្រមដើម្បីជួយប្រជាពលរដ្ឋឲ្យទាន់ពេល»៕
ចែករំលែកព័តមាននេះ