ជនសង្ស័យចំនួន៦នាក់ ដែលក្នុងនោះមាន៥នាក់បានក្លែងបន្លំធ្វើជាព្រះសង្ឃដើរបិណ្ឌបាត និងម្នាក់ទៀតធ្វើជាម្ចាស់ម៉ូតូកង់បី និងជាអ្នកដឹកព្រះសង្ឃក្លែងក្លាយ ហើយធ្វើឲ្យប៉ះពាល់ដល់វិស័យព្រះពុទ្ធសាសនោះ ពេលនេះត្រូវ
ខេត្តព្រះសីហនុ ៖ ជនសង្ស័យចំនួន៦នាក់ ដែលក្នុងនោះមាន៥នាក់បានក្លែងបន្លំធ្វើជាព្រះសង្ឃដើរបិណ្ឌបាត និងម្នាក់ទៀតធ្វើជាម្ចាស់ម៉ូតូកង់បី និងជាអ្នកដឹកព្រះសង្ឃក្លែងក្លាយ ហើយធ្វើឲ្យប៉ះពាល់ដល់វិស័យព្រះពុទ្ធសាសនោះ ពេលនេះត្រូវបានកម្លាំងកងរាជអាវុធហត្ថក្រុងព្រះសីហនុ ឃាត់ខ្លួនបានហើយ កាលពីរសៀលថ្ងៃទី៣ ខែធ្នូ ឆ្នាំ២០២៣ កន្លងទៅ ។
ជុំវិញការឃាត់ខ្លួនជនសង្ស័យខាងលើនេះ លោកវរសេនីយ៍ត្រី អ៊ុក ពិសិទ្ធ មេបញ្ជាការមូលដ្ឋានកង
រាជអាវុធហត្ថក្រុងព្រះសីហនុ បានឱ្យដឹងជាបឋមថា ដោយមានការចង្អុលបង្ហាញពីលោកឧត្ដមសេ
នីយ៍ត្រី ហេង ប៊ុនទី មេបញ្ជាកងរាជអាវុធហត្ថខេត្ត និងសម្របសម្រួលនីតិវិធីដោយលោក ពេញ ពិសិដ្ឋ ព្រះរាជអាជ្ញារងអមសាលាដំបូងខេត្ត កម្លាំងមូលដ្ឋានកងរាជអាវុធហត្ថក្រុងព្រះសីហនុ និងស្រុកព្រែនប់ ដឹកនាំដោយរូបលោកផ្ទាល់ បានចុះស្រាវជ្រាវ និងឃាត់ខ្លួនជនសង្ស័យទាំង៦នាក់ ។ ក្រុមជននេះ ពាក់ព័ន្ធនឹងករណីក្លែងបន្លំខ្លួនជាសង្ឃ ដើរប្រមូលបច្ច័យពីប្រជាពុទ្ធបរិស័ទក្នុងក្រុងព្រះសីហនុ បង្កឱ្យប៉ះពាល់ដល់វិស័យព្រះពុទ្ធសាសនា ដែលជាសាសនារបស់រដ្ឋ ។
ក្រោយពេលឃាត់ខ្លួន ជនសង្ស័យទាំង៦នាក់ ត្រូវបានសមត្ថកិច្ចធ្វើការសាកសួរ និងអនុវត្តតាមនីតិវិធីនៃច្បាប់ ។ ទោះជាយ៉ាងណា ចំពោះអត្តសញ្ញាណជនសង្ស័យទាំង៦នាក់នោះ ពុំទាន់ត្រូវបានសមត្ថកិច្ចបង្ហាញជាសាធារណៈឡើយ ព្រោះស្ថិតក្នុងពេលអនុវត្តនីតិវិធី ។
គួរបញ្ចាក់ថា ជនសង្ស័យចំនួន៦នាក់ ដែលត្រូវបានឃាត់ខ្លួនខាងលើនេះ គឺមាន៥នាក់ជាអ្នកក្លែងបន្លំជាព្រះសង្ឃ និងម្នាក់ទៀតជាអ្នករត់ម៉ូតូកង់៣បើកដឹកបក្សពួករបស់ខ្លួនដើរដាក់តាមចំណុចនានាឱ្យដើរបិណ្ឌបាត ៕
ចែករំលែកព័តមាននេះ