នាវាអាមេរិកបា.ញ់ទម្លាក់ដ្រូន៣គ្រឿង ក្រោយការវា.យប្រហារបណ្ដានាវាក្នុងសមុទ្រក្រហម
សង្គ្រាមអ៊ីស្រាអែលនិងហាម៉ាស់ ៖ ក្នុងសេចក្ដីប្រកាសមួយទីបញ្ជាការដ្ឋានយោធាអាមេរិកនៅមជ្ឈឹម
សង្គ្រាមអ៊ីស្រាអែលនិងហាម៉ាស់ ៖ ក្នុងសេចក្ដីប្រកាសមួយទីបញ្ជាការដ្ឋានយោធាអាមេរិកនៅមជ្ឈឹម
សង្គ្រាមអ៊ីស្រាអែលនិងហាម៉ាស់ ៖ ក្នុងសេចក្ដីប្រកាសមួយទីបញ្ជាការដ្ឋានយោធាអាមេរិកនៅមជ្ឈឹមបូព៌ាថ្លែងថា នាវាពិឃា.តអាមេរិកមួយគ្រឿងបានបា.ញ់ទម្លាក់កាល ពីថ្ងៃទី៣ ធ្នូ ដ្រូន៣គ្រឿងជាការជួយការពារ ដល់បណ្ដានាវាពាណិជ្ជកម្មក្នុងសមុទ្រក្រហម ដែលរងការវា.យប្រហារចេញពីយេម៉ែន។
នាវាពិឃាតUSS CARNEY បានឆ្លើយតបតាមការអំពាវរកជំនួយពីបណ្ដានាវា ហើយបានជួយដោយបាញ់ទម្លាក់ដ្រូន៣គ្រឿងដែលហោះសំដៅទៅរកនាវាចម្បាំង។ នាវាពិឃាតUSS CARNEYបានចាប់ឃើញមីស៊ីល១គ្រាប់ បាញ់ចេញពីតំបន់មួយត្រួតត្រាដោយពួកឧទ្ទាមហ៊ូធីគាំទ្រដោយអ៊ីរ៉ង់។ មីស៊ីលនោះបានហោះមកដល់ជិតនាវាកាហ្គោឈ្មោះSUNITY EXPLORER ដោតទង់ជាតិបាហាម៉ាស់។ នាវាកាហ្គោនោះបន្ទាប់មករាយការណ៍ពីការខូចខាតស្រាល ដោយសារមីស៊ីល១គ្រាប់ទៀត ហោះមកពីតំបន់កាន់កាប់ដោយពួកឧទ្ទាមហ៊ូធី។
ចំណែកនាវាឈ្មោះNUMBER 9 ដោតទង់ជាតិប៉ាណាម៉ារាយការណ៍ពីការខូចខាតដោយសារមីស៊ីល១គ្រាប់ហោះមកពីយេម៉ែន តែមិនបណ្ដាលឲ្យមានជនរងគ្រោះឡើយ។ រីឯនាវាឈ្មោះSOPHIE II ដែលដោតទង់ជាតិប៉ាណាម៉ាដែរ ក៏ត្រូវវាយប្រហារតែមិនរងការខូចខាតធំដុំឡើយ។
មុននេះពួកហ៊ូធីធ្លាប់បានប្រកាសតាមបណ្ដាញសង្គមថា បានធ្វើប្រតិបត្តិការប្រឆាំងនាវាអ៊ីស្រាអែល២គ្រឿង ក្នុងច្រកសមុទ្រBAB EL MANDEB ជាច្រកសមុទ្រយុទ្ធសាស្ត្រមួយ ភ្ជាប់សមុទ្រក្រហមទៅឈូងសមុទ្រអាដេន ដោយនាវាទី១រងការវាយប្រហារដោយមីស៊ីល១គ្រាប់ ហើយនាវាទី២រងការវាយប្រហារដោយដ្រូនមួយ។
ពួកឧទ្ទាមហ៊ូធីអះអាងថាពួកគេនឹងបន្តវាយប្រហារបណ្ដានាវាអ៊ីស្រាអែល រហូតដល់ការបញ្ឈប់ការឈ្លានពានរបស់អ៊ីស្រាអែលប្រឆាំងបងប្អូនយើងនៅជ្រោយហ្គាហ្សា៕
ចែករំលែកព័តមាននេះ