វា.យប្រហារខ្លាំងក្លាលើហ្គាហ្សា ស្លា.ប់ជនប៉ាឡេស្ទីន២៤០នាក់
សង្គ្រាមអ៊ីស្រាអែលនឹងហាម៉ាស់ ៖ កងទ័ពអ៊ីស្រាអែលកាលពីថ្ងៃទី២ ធ្នូ បានវាយប្រហារខ្លាំងក្លាលើ
សង្គ្រាមអ៊ីស្រាអែលនឹងហាម៉ាស់ ៖ កងទ័ពអ៊ីស្រាអែលកាលពីថ្ងៃទី២ ធ្នូ បានវាយប្រហារខ្លាំងក្លាលើជ្រោយហ្គាហ្សា ដែលនៅទីនោះ ចំនួនជនរងគ្រោះកើនយ៉ាងខ្ពស់ ខណៈរដ្ឋាភិបាលអ៊ីស្រាអែលលើកឡើងពីភាពទ័លច្រក ក្នុងការចរចាជាមួយក្រុមហាម៉ាស់ ក្រោយផុតកំណត់បទឈប់បាញ់គ្នា ជាមួយចលនាប៉ាឡេស្ទីននោះមក។
សាខាប្រដាប់អាវុធក្រុមហាម៉ាស់និងក្រុមជីហាដអ៊ិស្លាម ប្រកាសនាថ្ងៃទី២ធ្នូថា បានបាញ់ស្រោចគ្រាប់រ៉ុក្កែតលើទីក្រុងអ៊ីស្រាអែលជាច្រើន ពិសេសក្រុងតែលអាវីវតែមិនបណ្ដាលឲ្យមានជនរងគ្រោះឡើយ។ ចំណែកកងទ័ពអ៊ីស្រាអែលវិញអះអាងថា បានវាយប្រហារលើគោលដៅជាង៤០០ ក្នុងដែនដីប៉ាឡេស្ទីនដ៏តូចនេះ ចាប់តាំងពីបើកការប្រហារជាថ្មីឡើងវិញមក។
តាមក្រសួងសុខាបាលក្រុមហាម៉ាស់ថា ចាប់តាំងពីការវាយប្រហារឡើងវិញរបស់អ៊ីស្រាអែលមក ជនជាតិប៉ាឡេស្ទីនជាង២៤០នាក់បានត្រូវស្លាប់និងជាង៦៥០នាក់ទៀតរងរបួស៕
ចែករំលែកព័តមាននេះ