មជ្ឈមណ្ឌលនុយក្លេអ៊ែរមួយកន្លែងកាន់កា.ប់ដោយរុស្ស៊ី រកកលចង់ផ្ទុះ
សង្គ្រាមអ៊ុយក្រែន ៖ កាលពីយប់ថ្ងៃទី១មកទី២ធ្នូ ហាក់ចង់ផ្ទុះឧប្បត្តិហេតុសំខាន់នៅមជ្ឈមណ្ឌល
សង្គ្រាមអ៊ុយក្រែន ៖ កាលពីយប់ថ្ងៃទី១មកទី២ធ្នូ ហាក់ចង់ផ្ទុះឧប្បត្តិហេតុសំខាន់នៅមជ្ឈមណ្ឌលនុយក្លេអ៊ែរហ្សាប៉ូរីសីុយ៉ា។ មជ្ឈមណ្ឌលនុយក្លេអ៊ែរនោះ ស្រាប់តែដាច់បណ្ដោះអាសន្នបណ្ដាញអគ្គិសនី ដែលអាចបង្កើតគ្រោះថ្នាក់នុយក្លេអ៊ែរមួយ។ នេះបើតាមប្រតិបត្តិករនុយក្លេអ៊ែរអ៊ុយក្រែនក្រុមហ៊ុនENERGOATOM ។ ទោះបីយ៉ាងណា រុស្ស៊ីដែលជាអ្នកកាន់កាប់មជ្ឈមណ្ឌលនុយក្លេអ៊ែរនោះអះអាងថា សន្តិសុខនៅទីនោះត្រូវបានធានា។
តាមតេឡេក្រាមENERGOATOM សរសេរថា កាលពីយប់មិញមានការដាច់អគ្គិសនីទាំងស្រុងនៅមជ្ឈមណ្ឌលនុយក្លេអ៊ែរហ្សាប៉ូរីស៊ីយ៉ា ហើយបណ្ដាអាគុយត្រូវបានប្រើ។ ចរន្ធអគ្គិសនីត្រូវបានស្ដារឡើងវិញ នាវេលាម៉ោង៧ព្រឹកថ្ងៃទី២ធ្នូ។ អ្នកគ្រប់គ្រងរុស្ស៊ីលើមជ្ឈមណ្ឌលនុយក្លេអ៊ែរធំជាងគេនៅអឺរ៉ុបនោះ ទទួលស្គាល់ថា មានការរអាក់រអួលក្នុងការផ្ដល់អគ្គិសនីទៅខាងក្រៅចេញពីមជ្ឈមណ្ឌលនេះតែអះអាងថា ពុំមានការរំលោ.ភបំពានណាមួយលើបណ្ដាលក្ខខណ្ឌធ្វើអាជីវកម្ម ត្រូវបានកត់សម្គាល់ឃើញឡើយ។
តាមក្រុមហ៊ុនENERGOATOMថា ខ្សែអគ្គិសនីតង់ស្យុងខ្ពស់មួយ ត្រូវបានដាច់ពេលមានការវាយប្រហារតាមអាកាសមួយ នាំឲ្យដាច់អគ្គិសនីក្នុងមជ្ឈមណ្ឌលនុយក្លេអ៊ែរនេះ។ បណ្ដាអ្នកបច្ចេកទេសអ៊ុយក្រែនទីបំផុតអាចស្ដារអគ្គិសនីវិញមកពីបណ្ដាញខាងក្រៅ៕
ចែករំលែកព័តមាននេះ