នាយករដ្ឋមន្ត្រីអ៊ីស្រាអែលថាសង្គ្រាមនឹងបន្តរហូតសម្រេចទិសដៅ
សង្គ្រាមអ៊ីស្រាអែលនិងហាម៉ាស់ ៖ នាយករដ្ឋមន្ត្រីអ៊ីស្រាអែល លោកបេនចាមីន នេតាន់យ៉ាហ៊ូ
សង្គ្រាមអ៊ីស្រាអែលនិងហាម៉ាស់ ៖ នាយករដ្ឋមន្ត្រីអ៊ីស្រាអែល លោកបេនចាមីន នេតាន់យ៉ាហ៊ូ អះអាងកាលពីថ្ងៃទី២ ធ្នូ ថា សង្គ្រាមដែលអ៊ីស្រាអែលបានធ្វើប្រឆាំងក្រុមហាម៉ាស់ប៉ាឡេស្ទីននៅជ្រោយហ្គាហ្សានឹងបន្ត ទាល់តែសម្រេចបានរាល់ទិសដៅ។
ក្នុងសន្និសីទសារព័ត៌មានដំបូងរបស់លោក ចាប់តាំងពីបញ្ចប់បទឈប់បាញ់គ្នារយៈពេល៧ថ្ងៃ រវាងអ៊ីស្រាអែលនិងក្រុមហាម៉ាស់និងការចាប់ផ្ដើមឡើងវិញប្រតិបត្តិការយោធាអ៊ីស្រាអែលនៅជ្រោយហ្គាហ្សា លោកនេតាន់យ៉ាហ៊ូថែ្លងថា យើងមិនអាចសម្រេចបានបណ្ដាទិសដៅ ដោយមិនបន្តប្រតិបត្តិការនៅលើដីឡើយ។
ចំណែករដ្ឋមន្ត្រីការពារប្រទេសអាមេរិកលោកឡយអូស្ទីន អំពាវនាវដល់អ៊ីស្រាអែល ឲ្យការពារអាយុជីវិតបណ្ដាជនស៊ីវិលប៉ាឡេស្ទីន ដែលតាមលោកថា នោះជាលក្ខខណ្ឌនៃជ័យជម្នះមួយនៅលើទីលានប្រឆាំងក្រុមហាម៉ាស់។ លោកបន្តថា មេរៀនដែលធានាដល់ជ័យជម្នះក្នុងសង្គ្រាមក្នុងក្រុង គឺទាល់តែការពារអាយុជិវិតជនស៊ីវិល៕
ចែករំលែកព័តមាននេះ