- ភ្នំពេញ
នៅកម្ពុជា មានធនាគារពាណិជ្ជសរុបចំនួន ៥៩ ស្ថាប័ន ធនាគារឯកទេស៩ និងស្ថាប័នមីក្រូហិរញ្ញវត្ថុដែលអាចទទួលប្រាក់បញ្ញើដូចជាធនាគារពាណិជ្ជមាន៥
នៅកម្ពុជា មានធនាគារពាណិជ្ជសរុបចំនួន ៥៩ ស្ថាប័ន ធនាគារឯកទេស៩ និងស្ថាប័នមីក្រូហិរញ្ញវត្ថុដែលអាចទទួលប្រាក់បញ្ញើដូចជាធនាគារពាណិជ្ជមាន៥
នៅកម្ពុជា មានធនាគារពាណិជ្ជសរុបចំនួន ៥៩ ស្ថាប័ន ធនាគារឯកទេស៩ និងស្ថាប័នមីក្រូហិរញ្ញវត្ថុដែលអាចទទួលប្រាក់បញ្ញើដូចជាធនាគារពាណិជ្ជមាន៥ ។
ដូច្នេះសេវាកម្មហិរញ្ញវត្ថុ មានជម្រើសច្រើនសម្រាប់យើង ប៉ុន្តែដើម្បីធានាឲ្យអាជីវកម្ម យើងអាចដំណើរការទៅដោយរលូន តើយើងគួរជ្រើសរើសសេវាកម្មទាំងនោះដូចម្តេច? ហើយផ្អែក នៅលើកត្តាអ្វីខ្លះ?
ពាក់ព័ន្ធនឹងការសម្រេចចិត្តនៅក្នុងការជ្រើសរើស តើធនាគារណាមួយសាកសម? ដូច្នេះយើងត្រូវពិនិត្យនៅលើកត្តាដូចខាងក្រោម ៖
១- ការចុះបញ្ជីរបស់ធនាគារ ៖
ធនាគារដែលយើងគួរជ្រើសរើសជាដៃគូរនៅក្នុងការធ្វើអាជីវកម្ម និងប្រត្តិបត្តករហិរញ្ញវត្ថុរបស់យើង គឺជាធនាគារ ឬក៏ស្ថាប័នមីក្រូហិរញ្ញវត្ថុ ដែលមានការចុះបញ្ជីត្រឹមត្រូវនៅធនាគារជាតិនៃកម្ពុជា ដែលយើងអាចស្វែងរកនៅតាមគេហទំព័រផ្លូវការរបស់ធនាគារជាតិ ។ ដោយឡែកស្ថាប័នធនាគារ ឬមីក្រូហិរញ្ញវត្ថុណាដែលគ្មាននៅក្នុងបញ្ជីផ្លូវការ សូមបំភ្លេចចោល ពីព្រោះវាពិតជាមានហានិភ័យខ្ពស់ណាស់ ប្រសិនបើយើងជ្រើសរើសជាដៃគូរ។
២- ពិនិត្យទៅលើថ្លៃសេវាកម្មនានា ៖
នេះក៏ជាចំណុចមួយដែលយើងគួរតែយកចិត្តទុកដាក់ផងដែរ ពីព្រោះតម្លៃកាក់សេននៃសេវាកម្មនានា វាពិតជាមានអត្ថប្រយោជន៍ខ្លាំងណាស់សម្រាប់ប្រតិបត្តិការអាជីវកម្មរបស់យើង។ នៅលើចំណុចនេះ អ្នកគួរតែស្វែងរកនូវសេវានៅធនាគារណាមួយដែលអាចទូរទាត់ប្រាក់ ឬផ្ទេរសាច់ប្រាក់ដោយមិនគិតថ្លៃសេវា ឬគិតតិចបំផុត។ ការត្រួតពិនិត្យមើលថ្លៃសេវាកម្មទាំងនេះ វានឹងអាចជួយយើងឲ្យសន្សំសំចៃ និងមានភាពឆ្លាតវ័យតាមការប្រើប្រាស់សេវាកម្មរបស់ធនាគារ។
៣- ភាពងាយស្រួលនៃការដាក់ប្រាក់ និងដកប្រាក់ ៖
នេះក៏ជាចំណុចខ្លាំងមួយដែរ នៅក្នុងការសម្រេចចិត្ត ពីព្រោះលក្ខខណ្ឌនៃការដាក់ និងដកប្រាក់នៅធនាគារ ឬស្ថាប័នមីក្រូហិរញ្ញវត្ថុនីមួយៗតែងតែមានខុសៗគ្នា ដូច្នេះសូមផ្ទៀតផ្ទាត់ ហើយប្រៀបធៀប។ ការត្រួតពិនិត្យនៅលើចំណុចនេះ ក៏គួរតែពិនិត្យតាំងពីសេវាកម្ម និងកម្រៃផ្សេងៗ។ ក្រៅពីការដាក់ និងដកប្រាក់ នៅតាមបញ្ជរនានានៅការិយាល័យផ្ទាល់ ហើយក៏គួរតែជ្រើសរើសនូវធនាគារ ឬស្ថាប័នមីក្រូហិរញ្ញវត្ថុណា ដែលមានម៉ាស៊ីនដកដាក់ប្រាក់ ក៏ដូចជាសេវាកម្មដក និងដាក់ប្រាក់កាន់តែច្រើន និងទូលំទូលាយផងដែរ ។
៤- ថ្លៃកាត ATM ៖
ប្រសិនបើអ្នកប្រើកាត ATM របស់អ្នកញឹកញាប់ សូមពិចារណាលើថ្លៃសេវាដែលធនាគាររបស់អ្នកបានកំណត់ ឬមិនគិតថ្លៃសម្រាប់ការប្រើប្រាស់ ATM ។ ធនាគារមួយចំនួនផ្តល់ជូនដោយឥតគិតថ្លៃលើសេវា ATM តែធនាគារខ្លះគិតថ្លៃសេវា ATM ជាប្រចាំឆ្នាំ និងធនាគារខ្លះទៀត ធ្វើការទូទាត់ជាក់លាក់តាមចំនួនប្រើប្រាស់រៀងរាល់ខែ ដូច្នេះសូមថ្លឹងថ្លែងចំណុចនេះ អោយបានដិតដល់។
៥- អត្រាការប្រាក់ ៖
ដើម្បីអាចចំណេញនៅពេលប្រើប្រាស់សេវាកម្មរបស់ធនាគារក្នុងស្រុកណាមួយ អ្នកគួរ ពិនិត្យមើលលើអត្រាការប្រាក់របស់ប្រាក់បញ្ញើ ក៏ដូចជាអត្រាការប្រាក់នៃប្រាក់កម្ចីរបស់ធនាគារនានា។
៦- ការទូរទាត់តាមអ៊ីនធើរណេត ៖
ប្រសិនបើអ្នកចូលចិត្តសេវាកម្មទាន់ចិត្តតាមរយៈការទម្លាក់លេខ ទម្លាក់ទីតាំងនោះ អ្នកគួរពិចារណាលើធនាគារ ឬគណនីណាមួយដែលមានលក្ខណៈពិសេសនៃធនាគារតាមអ៊ីនធើរណេត។ នៅពេលដែលអ្នកទូរទាត់ប្រតិបត្តិការរបស់អ្នកនោះ ស្ថាប័នណាគិតកម្រៃកាន់តែតិចកាន់តែប្រសើរ ។
៧-ស្ថាប័នដែលសាខាគ្រប់កន្លែង ៖
ធនាគារដែលអាចងាយស្រួលសម្រាប់យើង គឺជាស្ថាប័នធនាគារណាមួយដែលមានសាខាច្រើនកន្លែង។ សាខាច្រើនកន្លែងនេះ គឺជួយយើងច្រើន ពីព្រោះវាអាចនៅកៀកនឹងកន្លែងដែល យើងត្រូវការ ហើយមិនធ្វើឲ្យប្រតិបត្តិការមានការកកស្ទះ ។
៨- សេវាកម្មល្អ និងងាយស្រួល ៖
សេវាកម្ម និងភាពងាយស្រួល គឺជាចំណុចសំខាន់មួយយដែលមូលដ្ឋាននៅក្នុងការធ្វើសេចក្តីសម្រេចចិត្តថា យើងត្រូវប្រើស្ថាប័នណាមួយ ។ ធនាគារនីមួយៗតែងមានកម្រិតសេវាកម្ម និងភាពងាយស្រួលខុសៗគ្នា ដូច្នេះគួរតែជ្រើសរើសនូវសេវាកម្មណាដែលអ្នកគិតថា សមស្រប និងងាយស្រួលសម្រាប់អ្នក ។
អត្ថបទដោយ ៖ ហេង ចេស្តា
ចែករំលែកព័តមាននេះ