ADផ្ទាំងផ្សព្វផ្សាយពាណិជ្ជកម្ម

Picture

ក្រុម​ហា​ម៉ាស់​ថា​ត្រៀម​ពន្យារពេល​បទ​ឈប់​បា.ញ់

1 ឆ្នាំ មុន

សង្គ្រាម​អ៊ី​​ស្រា​អែ​ល​និង​ហា​ម៉ាស់ ៖ ប្រភព​ជិតដិត​ក្រុម​ហា​ម៉ាស់​មួយ​រាយការណ៍​ប្រាប់​AFP នា​ថ្ងៃ​ទី​៣០​

សង្គ្រាម​អ៊ី​​ស្រា​អែ​ល​និង​ហា​ម៉ាស់ ៖ ប្រភព​ជិតដិត​ក្រុម​ហា​ម៉ាស់​មួយ​រាយការណ៍​ប្រាប់​AFP នា​ថ្ងៃ​ទី​៣០​វិច្ឆិកា​ថា ក្រុម​ហា​ម៉ាស់​ត្រៀម​ពន្យារពេល​បទ​ឈប់​បាញ់​គ្នា​ដែល​មាន​ជា​ធរមាន​ចាប់តាំងពី​ថ្ងៃ​ទី​២៤​វិច្ឆិកា​មក ហើយ​ត្រូវ​ផុតកំណត់​នា​ថ្ងៃ​ទី​១​ ធ្នូ​ វេលា​ម៉ោង​៦​ព្រឹក​ម៉ោង​នៅ​ក្រុងប៉ារីស​។

ប្រភព​មិន​បង្ហាញ​អត្តសញ្ញាណ​នោះ​ថ្លែង​ថា បណ្ដា​អាជ្ញាកណ្ដាល​បាន​ធ្វើការ​ខិតខំ​ប្រឹងប្រែង​យ៉ាង​ខ្លាំង ហើយ​បច្ចុប្បន្ន​កំពុង​បន្ត​ដើម្បី​ឲ្យ​ទទួល​បាន​នា​ថ្ងៃ​ណាមួយ បទ​ឈប់​បាញ់​គ្នា​បន្ថែម​ទៀត​ហើយនឹង​ធ្វើការ​បន្ត​ទៀត​ពង្រីក​បទ​ឈប់​បាញ់​គ្នា​ឲ្យ​បាន​ច្រើន​ថ្ងៃ​ថែម​ទៀត​។

មួយវិញទៀត​ក្រុម​ហា​ម៉ាស់​អះអាង​ថា ខ្លួន​ជា​អ្នក​វាយប្រហារ​បង្ហូរឈាម​មួយ​នៅ​ក្រុង​ហ្សេ​រុយ​សា​ឡឹម​កាលពី​ថ្ងៃ​ទី​៣០​វិច្ឆិកា បណ្ដាល​ឲ្យ​ជនជាតិ​អ៊ី​ស្រា​អែ​ល​ស្លាប់​៣​នាក់ ក្នុង​នោះ​មាន​នារី​២​នាក់​។ ការ​វាយប្រហារ​នេះ​កើត​មាន​ត្រង់​កន្លែង​រថយន្ត​បឺស​ឈប់​មួយ​នៅ​ក្រុង​ហ្សេ​រុយ​សា​ឡឹម​ខាងលិច ហើយ​ធ្វើ​ឡើង​ដោយ​ជន​ប៉ា​ឡេ​ស្ទី​ន​២​នាក់​ដែល​ត្រូវ​បាញ់​សម្លាប់​។

ទន្ទឹម​នឹង​នេះ​ដែរ ​ទាហាន​អ៊ី​ស្រា​អែ​ល​២​នាក់ រង​របួសស្រាល​ក្នុង​ការ​វាយប្រហារ​ដោយ​ប្រើ​រថយន្ត​មួយ​បើក​បំ​បុក ត្រង់​ប៉ុស្តិ៍​យាម​មួយ​នៅ​តំបន់​ស៊ីស​ហ្ស៊​ក​ដា​នី ស្ថិត​ក្រោម​ការ​ត្រួតត្រា​របស់​អ៊ី​ស្រា​អែ​ល​៕

អត្ថបទសរសេរ ដោយ

កែសម្រួលដោយ