ម្ចាស់ពានរង្វាន់ណូបែលសន្តិភាព និងជាអ្នកការទូតដ៏ល្បី១រូប បានទទួលមរណភាពហើយ
សហរដ្ឋអាមេរិក ៖ លោកហេនរី គីស៊ីងហ្គ័រ អ្នកការទូតមានឈ្មោះល្បីអាមេរិក១រូប ដែលជារដ្ឋមន្ត្រីការ
សហរដ្ឋអាមេរិក ៖ លោកហេនរី គីស៊ីងហ្គ័រ អ្នកការទូតមានឈ្មោះល្បីអាមេរិក១រូប ដែលជារដ្ឋមន្ត្រីការបរទេស ក្រោមប្រធានាធិបតីលោករីឆាត នីកសុន និងលោកហ្សេរ៉ាល់ហ្វ័ត បានទទួលមរណភាពហើយ កាលពីថ្ងៃទី២៩ វិច្ឆិកា ក្នុងជន្មាយុ១០០ឆ្នាំ។ នេះជាការជូនដំណឹងរបស់អង្គការលោក។
លោកហេនរី គីស៊ីងហ្គ័រ ជាតួអង្គការទូតសំខាន់បំផុតមួយរូបកាលក្នុងសម័យសង្គ្រាមត្រជាក់ និងជាម្ចាស់ជ័យលាភីពានរង្វាន់ណូបែលសន្តិភាព បានទទួលមរណភាពនៅផ្ទះលោកឯរដ្ឋខេននេកធីខេត។ នេះជាការគូសបញ្ជាក់កាលពីថ្ងៃទី២៩ វិច្ឆិកា របស់ខុន្ទកាល័យក្រុមប្រឹក្សាKISSINGER ASSOCIATE តាមរយៈសេចក្ដីប្រកាសមួយ ដែលមិនបញ្ជាក់ពីមូលហេតុនៃការស្លា.ប់នេះឡើយ។
លោកគីស៊ីងហ្គ័រ ជាអ្នកផ្ដួចផ្ដើមធ្វើឲ្យមានការខិតចូលជិតគ្នារបស់អាមេរិកជាមួយរុស្ស៊ី និងចិន កាលពីទសវត្សឆ្នាំ១៩៧០។ ប៉ុន្តែមុខមាត់លោកប្រែធ្លាក់ចុះស្រអាប់ ដោយសារទំព័រខ្មៅបំផុតក្នុងប្រវត្តិសាស្ត្រអាមេរិក ដូចជាជួយទ្រទ្រង់រដ្ឋប្រហារឆ្នាំ១៩៧៣នៅស៊ីលី ឬការលុកលុយចូលទីម័រខាងកើតក្នុងឆ្នាំ១៩៧៥ ហើយប្រាកដណាស់ទៅទៀតគឺសង្គ្រាមនៅវៀតណាម៕
ចែករំលែកព័តមាននេះ