រាជធានីភ្នំពេញ ៖ រថយន្តឡិចស៊ីស RX300 មួយគ្រឿង ពណ៌ព្រីងទុំ បើកទៅបុកម៉ូតូកង់៣ បណ្តាលឱ្យមនុស្ស៤នាក់ រងរបួសធ្ងន់ និង៤នាក់ទៀតរបួសស្រាល ហើយជ្រុលចង្កូតទៅបុកស្តង់លក់ផ្កាមួយទៀត ទើបទៅមុខលែងរួច បណ្តាលឱ្យបែកបាក់ និងក្រពឹត ចំណែកអ្នករបួសត្រូវបញ្ជូនទៅកាន់មន្ទីរពេទ្យភ្លាមៗ ។ ហេតុការណ៍នេះកើតឡើង
រាជធានីភ្នំពេញ ៖ រថយន្តឡិចស៊ីស RX300 មួយគ្រឿង ពណ៌ព្រីងទុំ បើកទៅបុកម៉ូតូកង់៣ បណ្តាលឱ្យមនុស្ស៤នាក់ រងរបួសធ្ងន់ និង៤នាក់ទៀតរបួសស្រាល ហើយជ្រុលចង្កូតទៅបុកស្តង់លក់ផ្កាមួយទៀត ទើបទៅមុខលែងរួច បណ្តាលឱ្យបែកបាក់ និងក្រពឹត ចំណែកអ្នករបួសត្រូវបញ្ជូនទៅកាន់មន្ទីរពេទ្យភ្លាមៗ ។ ហេតុការណ៍នេះកើតឡើងកាលពីវេលាម៉ោង១១និង១៥នាទីយប់ ថ្ងៃទី២២ ឧសភា ២០១១ នៅលើផ្លូវលេខ១៩៨៦ សង្កាត់ភ្នំពេញថ្មី ខណ្ឌសែនសុខ ជិតមន្ទីរពេទ្យសាកលវិទ្យាល័យអន្តរជាតិសែនសុខ ។
បើយោងតាមសម្តីរបស់នាយរងប៉ុស្តិ៍ភ្នំពេញថ្មី បានឱ្យដឹងថា មុនពេលកើតហេតុមានម៉ូតូកង់៣មួយគ្រឿងគ្មានស្លាកលេខ ជិះគ្នា៨នាក់ សុទ្ធតែយាយចាស់ និងតាចាស់ៗ កំពុងបើកបរ ស្រាប់តែមានរថយន្តម៉ាកឡិចស៊ីស RX300 មួយគ្រឿងពណ៌ព្រីងទុំ ពាក់ស្លាកលេខភ្នំពេញ 2H-7235 ជិះគ្នា២ទៅ៣នាក់ អ្នកបើកបរជាស្រីក្នុងល្បឿនលឿនបានបើកបុកម៉ូតូកង់៣ពីក្រោយពេញទំហឹង បណ្តាលឱ្យម៉ូតូកង់៣នោះ ក្រឡាប់ផ្ញារជើងចំហៀង មនុស្ស៤នាក់រងរបួសស្រាល និង៤នាក់ទៀតរងរបួសធ្ងន់ ត្រូវបញ្ជូនទៅសង្គ្រោះនៅមន្ទីរពេទ្យ ។ ភ្លាមនោះរថយន្តក៏ជ្រុលចង្កូតទៅបុកស្តង់លក់ផ្កាអ៊ូចរិយាក្បែរនោះមួយកន្លែងទៀតទៅមុខលែងរួច ។ អ្នករងរបួសរួមមាន ១-ឈ្មោះអាង ហាយ អាយុ៣១ឆ្នាំ ស្នាក់នៅក្នុងសហគមន៍ សង្កាត់សំរោងខណ្ឌសែនសុខ ជាអ្នកបើកបរម៉ូតូកង់៣។ ២-ឈ្មោះវុល ភី អាយុ៤៤ឆ្នាំ ស្រុកពញាឮ ខេត្តកណ្តាល ៣-ឈ្មោះបិណ្ឌ មូលី អាយុ១៩ឆ្នាំ នៅសង្កាត់សំរោង ខណ្ឌសែនសុខ ៤-ឈ្មោះជុស ធឿង អាយុ៤៥ឆ្នាំ សង្កាត់សំរោង ខណ្ឌសែនសុខ។ ៤នាក់នេះជាអ្នករបួសធ្ងន់ត្រូវបញ្ជូនទៅមន្ទីរពេទ្យ។ ៥-ឈ្មោះធី យ៉ង់ អាយុ៨៧ឆ្នាំ ភេទស្រី នៅភូមិកំពង់ហ្លួង ស្រុកពញាឮ ខេត្តកណ្តាល ៦-ឈ្មោះអឹម យី អាយុ៦០ឆ្នាំ ភូមិឫស្សីកែវ សង្កាត់ជ្រោយចង្វារ ៧-ឈ្មោះយា មុំ អាយុ៥៥ឆ្នាំ ស្រុកពញាឮ ខេត្តកណ្តាល ៣នាក់នេះរបួសស្រាល និងម្នាក់ទៀតមិនទាន់ស្គាល់ឈ្មោះ។
យោងតាមសំដីអ្នករងគ្រោះ បានប្រាប់ថា ពួកគាត់ទាំង៨នាក់ បានទៅធ្វើបុណ្យបច្ច័យ៤របស់បងប្អូននៅឯសង្កាត់ជើងឯក ខណ្ឌដង្កោ ពេលត្រឡប់មកវិញគាត់ក៏ហៅម៉ូតូកង់៣ជិះដើម្បីត្រឡប់ទៅផ្ទះ ពេលជិះមកដល់ផ្លូវលេខ១៩៨៦ ក្បែរមន្ទីរពេទ្យសាកលវិទ្យាល័យអន្តរជាតិសែនសុខ ស្រាប់តែមានរថយន្ត១គ្រឿង ម៉ាកឡិចស៊ីស RX300 មកបុកពួកគាត់ពីក្រោយពេញទំហឹង បណ្តាលឱ្យម៉ូតូកង់បីក្រឡាប់ រងរបួសធ្ងន់៤នាក់ ស្រាល៤នាក់ ពេលនោះគាត់ក៏ឃើញរថយន្តនោះជ្រុលចង្កូតទៅបុកស្តង់លក់ផ្កានៅក្បែរនោះទៀត បណ្តាលឱ្យជាប់រថយន្តមិនអាចទៅមុខរួច ។ រថយន្ត និងម៉ូតូកង់៣ត្រូវបានសមត្ថកិច្ចយកទៅរក្សាទុកនៅអធិការដ្ឋានរង់ចាំធ្វើការដោះស្រាយ ៕
ចែករំលែកព័តមាននេះ