ចំណាប់ខ្មាំងអ៊ីស្រាអែល១០នាក់ទៀតដោះលែងជាថ្នូរនឹងអ្នកទោសប៉ាឡេស្ទីន៣០នាក់
សង្គ្រាមអ៊ីស្រាអែលនិងហាម៉ាស់ ៖ ប៉ុន្មានម៉ោងមុនផុតកំណត់បទឈប់បា.ញ់គ្នា ក្នុងសង្គ្រាមរវាង
សង្គ្រាមអ៊ីស្រាអែលនិងហាម៉ាស់ ៖ ប៉ុន្មានម៉ោងមុនផុតកំណត់បទឈប់បាញ់គ្នា ក្នុងសង្គ្រាមរវាងអ៊ីស្រាអែលនិងក្រុមហាម៉ាស់ ប្រភពជិតដិតនឹងក្រុមហាម៉ាស់គូសបញ្ជាក់នាថ្ងៃទី២៩ វិច្ឆិកា ប្រាប់ដល់AFPថា ចលនាប៉ាឡេស្ទីននោះបានប្រគល់ចំណាប់ខ្មាំងអ៊ីស្រាអែលក្រុមទី៦ ដែលមានគ្នា១០នាក់ ដល់កាកបាទក្រហមអន្តរជាតិ ជាថ្នូរនឹងការដោះលែងអ្នកទោសប៉ាឡេស្ទីន៣០នាក់ ក្នុងនោះមានសកម្មជនវ័យក្មេងប៉ាឡេស្ទីនម្នាក់នាងអាហ៊ីដតាមីមីអាយុ២២ឆ្នាំ។
កាតាជាអាជ្ញាកណ្ដាលប្រកាសនាល្ងាចថ្ងៃទី២៩ វិច្ឆិកាថា ក្នុងចំណោមចំណាប់ខ្មាំងអ៊ីស្រាអែលទាំង១០នាក់ ដែលទទួលបានការដោះលែងថ្មីនេះ មានអ្នកមានសញ្ជាតិ២ចំនួន៥នាក់។ ជនជាតិរុស្ស៊ី២នាក់និងជនជាតិថៃ៤នាក់ក៏ទទួលបានការដោះលែងដែរ តែខាងក្រៅកិច្ចព្រមព្រៀង។
ចំណែកទូរទស្សន៍អេហ្ស៊ីបប្រកាសថា ចំណាប់ខ្មាំងទាំងនោះពិតជាបានមកដល់ដែនដី់អេហ្ស៊ីបហើយ។ ជាថ្នូរនឹងការដោះលែងថ្មីនេះអ្នកទោសប៉ាឡេស្ទីន៣០នាក់ ក្នុងនោះមានអនីតិជន១៦នាក់និងនារី១៤នាក់ ត្រូវបានអ៊ីស្រាអែលដោះលែង។ រៀងរាល់ល្ងាចចាប់តាំងពីថ្ងៃទី២៤វិច្ឆិកាមក ចំណាប់ខ្មាំងអ៊ីស្រាអែល១០នាក់ សុទ្ធតែជានារីនិងកុមារត្រូវបានដោះលែង ជាថ្នូរនឹងការដោះលែងអ្នកទោសប៉ាស្ទីនដែលជានារីនិងយុវជនអាយុក្រោម១៩ឆ្នាំ៣ដងច្រើនជាងនេះ ចេញពីបណ្ដាពន្ធនាគារអ៊ីស្រាអែលដែរ។
ចូលជាធរមានចាប់តាំងពីថ្ងៃទី២៤វិច្ឆិកាមក ដែលដំបូងមានរយៈពេល៤ថ្ងៃ បទឈប់បាញ់គ្នានោះត្រូវបានពន្យារពេល រហូតដល់ថ្ងៃទី៣០វិច្ឆិកា វេលាម៉ោង៥ម៉ោងសកល។ ប្រភពមួយស្និទ្ធក្រុមហាម៉ាស់និយាយនាថ្ងៃទី២៩វិច្ឆិកាថា ក្រុមហាម៉ាស់យល់ស្របចំពោះការពន្យារពេល៤ថ្ងៃថែមទៀតកិច្ចព្រមព្រៀងឈប់បាញ់គ្នា និងដោះលែងចំណាប់ខ្មាំងអ៊ីស្រាអែលថ្មីៗទៀត។
កិច្ចព្រមព្រៀងឈប់បាញ់គ្នា អាចនាំទៅដល់ការដោះលែងចំណាប់ខ្មាំងអីុស្រាអែលសរុបយ៉ាងតិច៦០នាក់ ដែលសុទ្ធតែជាជនស៊ីវិល និងការដោះលែងអ្នកទោសប៉ាឡេស្ទីន១៨០នាក់រួចហើយ។ ម្យ៉ាងវិញទៀតចំណាប់ខ្មាំង២៣នាក់ភាគច្រើនជាជនជាតិថៃរស់នៅអ៊ីស្រាអែល ត្រូវបានដោះលែងខាងក្រៅកិច្ចព្រមព្រៀងនេះ។ ក្រុមហាម៉ាស់ត្រៀមដោះដូរឈ្លើយសឹកជាទាហានអ៊ីស្រាអែលទាំងអស់ ជាថ្នូរនឹងការដោះលែងអ្នកទោសប៉ាឡេស្ទីនទាំងអស់ដែរ៕
ចែករំលែកព័តមាននេះ