បុណ្យអុំទូក៣ថ្ងៃ! ភ្ញៀវទេសចរសរុបជាង២៦ម៉ឺននាក់មកកម្សាន្តខេត្តព្រះសីហនុ
- ព្រះសីហនុ
ខេត្តព្រះសីហនុ ៖ លោក តាំង សុចិត្តគ្រឹស្នា ប្រធានមន្ទីរទេសចរណ៍ខេត្តព្រះសីហនុ បានឲ្យដឹងកាលពី
ខេត្តព្រះសីហនុ ៖ លោក តាំង សុចិត្តគ្រឹស្នា ប្រធានមន្ទីរទេសចរណ៍ខេត្តព្រះសីហនុ បានឲ្យដឹងកាលពីរសៀលថ្ងៃទី២៨ ខែវិច្ឆិកា ឆ្នាំ ២០២៣ កន្លងមកថ្មីៗនេះថា ស្ថានភាពភ្ញៀវទេសចរដែលបានធ្វើដំណើរចូលមកកម្សាន្ដនៅខេត្តព្រះសីហនុ ក្នុងព្រះរាជពិធីបុណ្យអុំទូក បណ្ដែតប្រទីប អកអំបុកសំពះព្រះខែ រយៈពេល០៣ថ្ងៃ ចាប់ពីថ្ងៃទី២៦ ដល់ ២៨ ខែវិច្ឆិកា ឆ្នាំ២០២៣ បើប្រៀបធៀបទៅនឹងឆ្នាំ ២០២២ រួមមាន ៖ ភ្ញៀវទេសចរផ្ទៃក្នុង សរុបចំនួន២៦២.៤១១នាក់ ថយចុះ២៣,៤២% ក្នុងនោះ ភ្ញៀវជាតិ ២៥៥.២៣៣នាក់ ថយចុះ២៥,១៩% និងភ្ញៀវបរទេស ៧,១៧៨នាក់ កើនឡើង១៣,៧៣%។
លោកប្រធានមន្ទីរទេសចរណ៍ បានឱ្យដឹងបន្ថែមដែរថា មានភ្ញៀវចូលតាមព្រលានយន្តហោះអន្តរជាតិកងកេង៦ជើង ស្មើនឹងភ្ញៀវសរុប២៦៦នាក់, កើនឡើង៦,៨២% ក្នុងនោះ មានភ្ញៀវជាតិចំនួន៩នាក់, ថយចុះ៤៣,៧៥% និងភ្ញៀវអន្តរជាតិ ២៥៧នាក់, កើនឡើង១០,៣០% ។
ចំពោះភ្ញៀវទេសចរ ទៅកម្សាន្តតាមបណ្តារកោះនានា សរុប២.៤៣១នាក់ ថយចុះ១២,៥៥% ក្នុងនោះ ភ្ញៀវជាតិ ១.០៦២នាក់ ថយចុះ៤៥,៤៨% និងភ្ញៀវបរទេស ១.៣៦៩នាក់, កើនឡើង៦៤,៣៤% ។
ភ្ញៀវទេសចរណ៍ទៅកម្សាន្តតាមបណ្តាឆ្នេរ និងរមណីយដ្ឋាននានាសរុប ២៥៩.៧១៤នាក់ ថយចុះ២៣,៥៣% ក្នុងនោះ ភ្ញៀវជាតិ២៥៤,១៦២នាក់, ថយចុះ២៣,៩៨% និងភ្ញៀវបរទេស៥,៥៥២នាក់, កើនឡើង៥,៨៣%។
លោកប្រធានមន្ទីរទេសចរណ៍ បានបញ្ជាក់ថា អំពីបញ្ហាសន្តិសុខ សុវត្ថិភាព នៅតាមតំបន់កំសាន្តនានានៅក្នុងខេត្តព្រះសីហនុមានភាពល្អប្រសើរ ក្នុងរយៈពេល 0៣ថ្ងៃនៃពិធីបុណ្យអុំទូក បណ្តែតប្រទីប អកអំបុកនិងសំពះព្រះខែ ឆ្នាំនេះ៕
ចែករំលែកព័តមាននេះ