ក្មេ.ងប្រុសម្នាក់លួ.ចបើកត្រាក់ទ័រ កិ.នអ្នកដើររើសកួរស្រូវហត់ជ្រកម្លប់ក្បែររ៉ឺម៉កយ៉ាងរន្ធ.ត់
- បន្ទាយមានជ័យ
ខេត្តបន្ទាយមានជ័យ ៖ បុរសម្នាក់បានរងរបួសធ្ងន់បាក់ត្រគាក ខណៈកំពុងជ្រកម្លប់ក្បែររ៉ឺម៉ក
ខេត្តបន្ទាយមានជ័យ ៖ បុរសម្នាក់បានរងរបួសធ្ងន់បាក់ត្រគាក ខណៈកំពុងជ្រកម្លប់ក្បែររ៉ឺម៉កត្រាក់ទ័រ ហើយមានក្មេងប្រុសម្នាក់អាយុ១៣ឆ្នាំបានលួ.ចឡើងបើកត្រាក់ទ័រ នៅពេលដែលម្ចាស់ចតទុករង់ចាំដឹកស្រូវមិនបានដកសោចេញ ។
ហេតុការណ៍គ្រោះថ្នាក់ចរាចរណ៍ខាងលើនេះបានកើតឡើងកាលពីវេលាម៉ោង៣និង៤០នាទីរសៀលថ្ងៃទី២៨ ខែវិច្ឆិកាឆ្នាំ២០២៣ ត្រង់ចំណុចកន្ទួតកោង ខាងត្បូងត្រពាំងវល្លិ៍ប្រេងខាងកើតដីសហគមន៍កូនខ្លែង ចំងាយប្រហែល៦គីឡូម៉ែត្រ ខាងជើងភូមិព្រះអណ្តូង ឃុំប៉ោយចារ ស្រុកភ្នំស្រុក ខេត្តបន្ទាយមានជ័យ ។
នគរបាលស្រុកភ្នំស្រុក បានឲ្យដឹងថា ក្មេងប្រុសជាជនបង្កឈ្មោះប្រេត ដូ អាយុ១៣ឆ្នាំ (មានសតិមិនប្រក្រតី) រស់នៅភូមិសាលាដែង ឃុំឬស្សីក្រោក ស្រុកមង្គលបូរី ខេត្តបន្ទាយមានជ័យ ចំណែកជនរងគ្រោះឈ្មោះ សឺន ធា ភេទប្រុស អាយុ៣១ឆ្នាំ រស់នៅភូមិកូនខ្លែង ឃុំប៉ោយចារ ស្រុកភ្នំស្រុក ខេត្តបន្ទាយមានជ័យ រីឯម្ចាស់ត្រាក់ទ័រឈ្មោះ វុត ឧត្តម ភេទប្រុស អាយុ៣០ឆ្នាំ នៅភូមិគោកសេះ ឃុំភ្នំដី ស្រុកភ្នំស្រុក ខេត្តបន្ទាយមានជ័យ ។
នគរបាលស្រុកភ្នំស្រុក បានឲ្យដឹងបន្តថា មុនពេលកើតហេតុ ម្ចាស់ត្រាក់ទ័រ បានបើកត្រាក់ទ័រដឹកម៉ាស៊ីនទៅច្រូតស្រូវនៅចំណុចកន្ទួតកោង ខាងត្បូងត្រពាំងវល្ល៍ប្រេងខាងជើងភូមិព្រះអណ្តូងចំងាយប្រហែល៦គីឡូម៉ែត្រ ស្ថិតក្នុងភូមិសាស្ត្រភូមិព្រះអណ្តូងឃុំប៉ោយចារស្រុកភ្នំស្រុក ។ ពេលនោះម្ចាស់បានដោះក្បាលត្រាក់ទ័រចេញពីរ៉ឺម៉កទៅជួយអូសត្រាក់ទ័រ០១គ្រឿងទៀតដែលជាប់ផុង ពេលជួយអូសត្រាក់ទ័រដែលជាប់ផុងនោះរួច ក៏បានបើកត្រាក់ទ័រនោះមកទុក ដោយមិនបានដកសោចេញនោះឡើយ ហើយក៏យកម៉ាស៊ីនច្រូតទៅច្រូតស្រូវ ។
នគរបាលស្រុកភ្នំស្រុកបានឱ្យដឹងបន្តទៀតថា មួយសន្ទុះក្រោយមកក៏ស្រាប់តែមានក្មេងប្រុសម្នាក់មានសតិមិនប្រក្រតីខាងលើ បានលួចឡើងបើកត្រាក់ទ័រយ៉ាងលឿនតាមវាលស្រែ លុះមកកន្លែងទុករ៉ឺម៉កបានកិនពីលើបុរសរងគ្រោះ និងគ្នីគ្នា៧ទៅ៨នាក់ផ្សេងទៀត ក្រោយពីពួកគាត់ដើររើសកួរស្រូវហត់ក៏បាននាំគ្នាទៅជ្រកម្លប់ក្បែររ៉ឺម៉កត្រាក់ទ័រ បណ្តាលឱ្យកិ.នបុរសរងគ្រោះត្រូវចំត្រគាក បណ្តាលឲ្យបាក់ត្រគាកត្រូវបានរថយន្តសង្គ្រោះរបស់មន្ទីពេទ្យបង្អែកស្រុកភ្នំស្រុកដឹកយកទៅមន្ទីរពេទ្យមិត្តភាពកម្ពុជា ជប៉ុនមង្គលបូរី។
នគរបាលបានបញ្ជាក់ថា ក្មេងប្រុសដែលជាជនបង្ក និងមានសតិមិនប្រក្រតីតែងតែដើរចោលផ្ទះ ។
ក្រោយកើតហេតុ ពេលសមត្ថកិច្ចសួរនាំ ក្មេងប្រុសរូបនោះឆ្លើយថា រូបគេឡើងបើកត្រាក់ទ័រទៅយកទឹកផឹក ៕
ចែករំលែកព័តមាននេះ