ព្រះរាជពិធីបុណ្យអុំទូក បណ្តែតប្រទីប សំពះព្រះខែ និងអកអំបុក រយៈពេល៣ថ្ងៃ ចាប់ពីថ្ងៃទី២៦-២៨ ខែវិច្ឆិកា ឆ្នាំ២០២៣ នៅមុខព្រះបរមរាជវាំង ក្នុងរាជធានីភ្នំពេញ បានបញ្ចប់ដោយមានប្រជាពលរដ្ឋចូលរួមកម្សាន្តសប្បាយសរុបជិត៥លាននាក់ ។ ចំនួននេះច្រើនណាស់ បើគិតអំពី
ព្រះរាជពិធីបុណ្យអុំទូក បណ្តែតប្រទីប សំពះព្រះខែ និងអកអំបុក រយៈពេល៣ថ្ងៃ ចាប់ពីថ្ងៃទី២៦-២៨ ខែវិច្ឆិកា ឆ្នាំ២០២៣ នៅមុខព្រះបរមរាជវាំង ក្នុងរាជធានីភ្នំពេញ បានបញ្ចប់ដោយមានប្រជាពលរដ្ឋចូលរួមកម្សាន្តសប្បាយសរុបជិត៥លាននាក់ ។ ចំនួននេះច្រើនណាស់ បើគិតអំពីស្ថានភាពសេដ្ឋកិច្ចលំបាកដែលមនុស្សគ្រប់គ្នា មានបញ្ហាលុយកាក់។
របាយការណ៍របស់អគ្គស្នងការដ្ឋាននគរបាលជាតិ បានបង្ហាញថា នៅថ្ងៃទី០១ នៃព្រះរាជពិធីបុណ្យអុំទូក បណ្តែតប្រទីប សំពះព្រះខែ និងអកអំបុក ត្រូវនឹងថ្ងៃទី២៦ ខែវិច្ឆិកា ឆ្នាំ២០២៣ សភាពការណ៍សន្តិសុខ សណ្តាប់ធ្នាប់ មានភាពល្អប្រសើរ មានប្រជាពលរដ្ឋមកចូលរួមកម្សាន្តសប្បាយយ៉ាងច្រើនកុះករ ប្រមាណ១លាន២សែននាក់។ ចំណែកនៅថ្ងៃទី០២ ត្រូវនឹងថ្ងៃទី២៧ ខែវិច្ឆិកា ឆ្នាំ២០២៣ មានបងប្អូនប្រជាពលរដ្ឋមកកម្សាន្តសប្បាយ ប្រមាណ១.៧០០.០០០នាក់។ រីឯនៅថ្ងៃទី៣ ត្រូវនឹងថ្ងៃទី២៨ ខែវិច្ឆិកា ឆ្នាំ២០២៣ មានបងប្អូនប្រជាពលរដ្ឋមកកម្សាន្តសប្បាយ ក្នុងព្រះរាជពិធីបុណ្យអុំទូក បណ្តែតប្រទីប សំពះព្រះខែ និងអកអំបុក ប្រមាណ ២លាននាក់។
សម្លឹងចេញពីជ្រុងសេដ្ឋកិច្ច ពិធីបុណ្យអុំទូក បានជួយធ្វើអោយមានសកម្មភាពសេដ្ឋកិច្ចរស់រវើកក្នុងរយៈពេល៣ថ្ងៃ។ វាបានធ្វើអោយអ្នកមានលុយចាយលុយ ដើម្បីទទួលបានការកម្សាន្តសប្បាយ ខណៈអ្នកត្រូវការលុយបានប្រឹងប្រែងរកស៊ីតាមមុខរបរផ្សេងៗ ដើម្បីបម្រើការកម្សាន្តរបស់ប្រជាជនទូទៅ។
ដូច្នេះ យើងអាចចាត់ទុកថា ពិធីបុណ្យអុំទូក គឺជាផលិតផលទេសចរណ៍មួយ ដែលអាចធ្វើអោយមានសកម្មភាពកម្សាន្ត និងសកម្មភាពសេដ្ឋកិច្ចដោយអាចអោយប្រជាជនមានការកម្សាន្តសប្បាយ និងរកស៊ី ដើម្បីបានលុយកាក់ផងដែរ។ ដូច្នេះ អុំទូកបានជួយដល់សកម្មភាពសេដ្ឋកិច្ចកម្ពុជាយ៉ាងពិតប្រាកដ។
ដើម្បីជំរុញសេដ្ឋកិច្ចអោយមានសន្ទុះកាន់តែខ្លាំង ការរៀបចំព្រឹត្តិការណ៍ផ្សេងៗនឹងមិនត្រឹមតែបម្រើការកម្សាន្តរបស់ប្រជាជនទេ វាជួយដល់ទេសចរណ៍ និងធ្វើអោយមានសកម្មភាពសេដ្ឋកិច្ចដែលនឹងបង្កើតឱកាសសម្រាប់ការកម្សាន្ត និងការរកស៊ីផងដែរ។
អត្ថបទដោយ ៖ សា រ៉ាន់
ចែករំលែកព័តមាននេះ