លោក ស៊ូ សាវ៉ន ប្រធានការិយាល័យសួនច្បារ និងរុក្ខជាតិនៃមន្ទីរសាធារណការ និងដឹកជញ្ជូនរាជធានីភ្នំពេញ បានប្រាប់ឱ្យកោះសន្តិភាពដឹងថា ក្រោយពីព្រះរាជពិធីបុណ្យអុំទូកថ្ងៃទី២ បានបព្ចាប់ កាលពីយប់មិញ
រាជធានីភ្នំពេញ ៖ លោក ស៊ូ សាវ៉ន ប្រធានការិយាល័យសួនច្បារ និងរុក្ខជាតិនៃមន្ទីរសាធារណការ និងដឹកជញ្ជូនរាជធានីភ្នំពេញ បានប្រាប់ឱ្យកោះសន្តិភាពដឹងថា ក្រោយពីព្រះរាជពិធីបុណ្យអុំទូកថ្ងៃទី២ បានបព្ចាប់ កាលពីយប់មិញថ្ងៃទី២៧ ខែវិច្ឆិកាកន្លងមកនេះ បានពិនិត្យឃើញតាមទីតាំងសប្បាយភាពនានា មានគំនរសំរាមយ៉ាងច្រើនសន្ធឹកសន្ធាប់នៅលើសួនច្បារ គឺច្រើនលើស២០% បើប្រៀបធៀបថ្ងៃទី១ នៃព្រះរាជពិធីបុណ្យអុំទូកនេះ។
លោកបន្តថា សម្រាប់ព្រះរាជពិធីបុណ្យអុំទូកឆ្នាំនេះ កម្លាំងដែលប្រចាំការសម្រាប់ការងារបោសសំអាត និងអនាម័យ មានចំនួន៣០៨នាក់ ក្នុងនោះក៏មានមន្ត្រីជាប់កិច្ចសន្យាផងដែរ ។
លោក ស៊ូ សាវ៉ន បានបញ្ជាក់ថា កម្លាំងរបស់លោកបានពង្រាយធ្វើការបោសសំអាត ចាប់តាំងពីម៉ោង១២យប់ ថ្ងៃទី២៧ ខែវិច្ឆិកា និងបញ្ចប់នៅម៉ោង៧ព្រឹក ថ្ងៃទី២៨ ខែវិច្ឆិកា ឆ្នាំ២០២៣ ទើបស្អាតរួចរាល់ ដោយមានកិច្ចសហការល្អជាមួយអាជ្ញាធរខណ្ឌដូនពេញ ក្រុមហ៊ុនប្រមូលសំរាម ដែលធ្វើឱ្យការប្រមូលសំរាមបានលឿន ។
លោកបន្តថា សម្រាប់ថ្ងៃទី២ នៃព្រះរាជពិធីបុណ្យអុំទូកឆ្នាំនេះ បងប្អូនប្រជាពលរដ្ឋយើងមានការយល់ដឹងខ្ពស់ក្នុងការទុកដាក់សម្រាមបានល្អប្រសើរ៕
ចែករំលែកព័តមាននេះ