រាជធានីភ្នំពេញ ៖ ការិយាល័យប្រឆាំងគ្រឿងញៀន សហការជាមួយសមត្ថកិច្ចខណ្ឌច្បារអំពៅ ស្រាវជ្រាវឃាត់ខ្លួនជនសង្ស័យជាមុខសញ្ញាជូញដូរគ្រឿងញៀន ប្រដាប់ដោយអាវុធ ក្នុងមូលដ្ឋានសង្កាត់ច្បារអំពៅទី២ ។ ការឃាត់ខ្លួននេះ បានធ្វើឡើងនៅវេលាម៉ោង១១និង២០នាទីយប់ថ្ងៃទី០៨…
រាជធានីភ្នំពេញ ៖ ការិយាល័យប្រឆាំងគ្រឿងញៀន សហការជាមួយសមត្ថកិច្ចខណ្ឌច្បារអំពៅ ស្រាវជ្រាវឃាត់ខ្លួនជនសង្ស័យជាមុខសញ្ញាជូញដូរគ្រឿងញៀន ប្រដាប់ដោយអាវុធ ក្នុងមូលដ្ឋានសង្កាត់ច្បារអំពៅទី២ ។
ការឃាត់ខ្លួននេះ បានធ្វើឡើងនៅវេលាម៉ោង១១និង២០នាទីយប់ថ្ងៃទី០៨ ខែឧសភា ឆ្នាំ ២០២៥ ដោយកម្លាំងការិយាល័យប្រឆាំងគ្រឿងញៀន សហការជាមួយអធិការនគរបាលបាលខណ្ឌច្បារអំពៅ បានធ្វើការបង្ក្រាបជាក់ស្ដែង នូវករណីជួញដូរ រក្សាទុក និងប្រើប្រាស់ដោយខុសច្បាប់នូវសារធាតុញៀន នៅចំណុចបន្ទប់ជួលគ្មានលេខ ផ្លូវបេតុង ភូមិដើមចាន់ (យឿត្រី) សង្កាត់ច្បារអំពៅ២ ខណ្ឌច្បារអំពៅ រាជធានីភ្នំពេញ ។
ជនសង្ស័យឈ្មោះ ប៉េង ដារ៉ា ហៅ អាង៉ោល ភេទប្រុស អាយុ៣៥ឆ្នាំនេះ កម្លាំងនគរបាលជំនាញ បានស្រាវជ្រាវស៊ើបអង្កេតកំណត់អត្តសញ្ញាណ ដោយជនសង្ស័យរូបនេះ ជួញដូរ រក្សាទុក និងប្រើប្រាស់ដោយខុសច្បាប់ នូវសារធាតុញៀន, កាន់កាប់អាវុធ (ដាវ) ដោយខុសច្បាប់គ្មានច្បាប់ ។
ជាក់ស្តែង នគរបាលបានដកហូត រួមមាន ៖ ក្រាមពណ៌សថ្លា សង្ស័យជាគ្រឿងញៀន ចំនួន៧កញ្ចប់, គ្រាប់អាវុធខ្លី ចំនួន៤៥គ្រាប់, ដាវដែក ចំនួន០១ដើម និងកាំបិត ចំនួន០១ ដើម, បំពង់កែវ សម្រាប់ប្រើប្រាស់គ្រឿងញៀន ចំនួន០២, ឧបករណ៍សម្រាប់ប្រើប្រាស់គ្រឿងញៀន ចំនួន០១ និងទូរសព្ទដៃ ចំនួន០២គ្រឿង ។
បច្ចុប្បន្ន ជនសង្ស័យខាងលើ រួមទាំងវត្ថុតាងទាំងអស់ ត្រូវបាននគរបាលខណ្ឌច្បារអំពៅ កសាងសំណុំរឿង ដើម្បីកសាងសំណុំរឿងបញ្ជូនទៅតុលាការ ៕
ចែករំលែកព័តមាននេះ