ខេត្តក្រចេះ ៖ ថវិកាចំនួន១៧លានរៀលពីសមាគមមិត្តនគរបាលជាតិកម្ពុជា ត្រូវបានប្រគល់ជូនគ្រួសារជនរងគ្រោះជាសមាជិកសមាគមដែលភរិយាទទួលមរណភាព និងសមាជិកសមាគមដែលរងគ្រោះដោយភ្លើងឆេះផ្ទះ។ ថវិកាទាំងអស់នេះត្រូវបានធ្វើការប្រគល់ដោយផ្ទាល់ដៃពីសំណាក់លោកឧត្តមសេនីយ៍ត្រី ជួង ស៊ាងហាក់
ខេត្តក្រចេះ ៖ ថវិកាចំនួន១៧លានរៀលពីសមាគមមិត្តនគរបាលជាតិកម្ពុជា ត្រូវបានប្រគល់ជូនគ្រួសារជនរងគ្រោះជាសមាជិកសមាគមដែលភរិយាទទួលមរណភាព និងសមាជិកសមាគមដែលរងគ្រោះដោយភ្លើងឆេះផ្ទះ។ ថវិកាទាំងអស់នេះត្រូវបានធ្វើការប្រគល់ដោយផ្ទាល់ដៃពីសំណាក់លោកឧត្តមសេនីយ៍ត្រី ជួង ស៊ាងហាក់ ស្នងការនគរបាលខេត្ត និងជាប្រធានគណៈកម្មាធិការមូលដ្ឋានកាលពីរសៀលថ្ងៃទី១៨ ឧសភា នៅសាលប្រជុំនៃស្នងការដ្ឋាននគរបាលខេត្ត។
លោកវរសេនីយ៍ទោ ហន ប៉ូច នាយការិយាល័យបុគ្គលិក និងជាលេខាធិការនៃស្នងការដ្ឋាននគរបាលខេត្តមានប្រសាសន៍ថា គ្រួសារជនរងគ្រោះដែលទទួលបានថវិកាពីសមាគមមិត្តនគរបាលជាតិនាថ្ងៃនេះមានចំនួន៨គ្រួសារ ក្នុងនោះមានគ្រួសារសមាជិកសមាគមដែលទទួលមរណភាពចំនួន៣គ្រួសារ ក្នុង១គ្រួសារៗទទួលបានថវិកាចំនួន៤លានរៀល សមាជិកសមាគមមិត្តនគរបាលដែលភរិយាទទួលមរណភាពមានចំនួន២គ្រួសារ ក្នុង១គ្រួសារៗទទួលបានថវិកាចំនួន១លានរៀល និងសមាជិកមិត្តនគរបាលភ្លើងឆេះផ្ទះចំនួន៣គ្រួសារ ក្នុង១គ្រួសារៗទទួលបាន១លានរៀល។
ថ្លែងទៅកាន់គ្រួសាររងគ្រោះរបស់សមាគមមិត្តនគរបាលនាពេលនោះ លោកឧត្តមសេនីយ៍ត្រី ជួង ស៊ាងហាក់ ស្នងការនគរបាលខេត្តមានប្រសាសន៍ថា ថវិកាដែលនាំយកមកប្រគល់ជូនដល់បងប្អូនរងគ្រោះទាំងនេះ ជាគោលនយោបាយរបស់លោកឧបនាយករដ្ឋមន្រ្តី រដ្ឋមន្ត្រីក្រសួងមហាផ្ទៃ និងលោកអគ្គស្នងការនគរបាលជាតិ ជាការបញ្ជាក់ពីការយកចិត្តទុកដាក់ និងការចូលរួមរំលែកទុក្ខពីសំណាក់ថ្នាក់ដឹកនាំចំពោះបងប្អូនទាំងអស់គ្នា។ ទោះបីជាថវិកានេះមានចំនួនតិចតួចក្តីតែវាក៏អាចជួយសម្រួលដោះស្រាយជីវភាពខ្វះខាតណាមួយបានមួយរយៈពេលខ្លីដែរ៕
ចែករំលែកព័តមាននេះ