ADផ្ទាំងផ្សព្វផ្សាយពាណិជ្ជកម្ម

Picture

២ថ្ងៃនៃព្រះរាជពិធីបុណ្យអុំទូក មាន​ទូក ង ១១គ្រឿង បានលិច ត្រូវបានសង្គ្រោះដោយ​សុវត្ថិភាព

2 ខែ មុន
  • ភ្នំពេញ

​រាជធានីភ្នំពេញ៖ រយៈពេល ២ថ្ងៃ នៃព្រះរាជពិធីបុណ្យអុំទូក បណ្តែតប្រទីប សំពះព្រះខែ និងអកអំបុក មានទូក​ង ១១គ្រឿង បានលិច…

​រាជធានីភ្នំពេញ៖ រយៈពេល ២ថ្ងៃ នៃព្រះរាជពិធីបុណ្យអុំទូក បណ្តែតប្រទីប សំពះព្រះខែ និងអកអំបុក មានទូក​ង ១១គ្រឿង បានលិច ហើយត្រូវបានកម្លាំងការិយាល័យនគរបាល​ចរាចរណ៍​ផ្លូវទឹក​នៃស្នងការនគរបាល រាជធានី​ភ្នំពេញ ចុះអន្តរាគន៍ ជួយសង្រោះ បានទាន់ពេល ពុំបណ្តាលអោយ​កីឡាករទូកងណា ម្នាក់ បានរងគ្រោះថ្នាក់ឡើយ​។ នេះបើតាមរបាយការណ៍ របស់ការិយាល័យនគរបាលចរាចរណ៍ផ្លូវទឹក។

ស្នងការនគរបាល រាជធានីភ្នំពេញ បានអោយដឹងថា ដោយអនុវត្តតាមការណែនាំរបស់ឯកឧត្តម ឧត្តមសេនីយ៍ឯក ជួន ណារិន្ទ អគ្គស្នងការរង និងជាស្នងការនគរបាលរាជធានីភ្នំពេញ នៅថ្ងៃទី២៧ ខែវិច្ឆិកា ឆ្នាំ២០២៣ កម្លាំងការិយាល័យនគរបាលចរាចរណ៍ផ្លូវទឹក នៃស្នងការដ្ឋាននគរបាល រាជធានីភ្នំពេញ ក្នុងរយៈពេល ០២ថ្ងៃនេះ បានចេញអនុវត្ត ជួយសង្គ្រោះកីឡាករអុំទូក មកដល់វេលានេះ មានចំនួន ១១ទូក កម្លាំងបានជួយសង្គ្រោះ​ឱ្យមានសុវត្ថិភាពពីការលិចទូក។

គួរបញ្ជាក់ថា នៅក្នុងព្រះរាជពិធីបុណ្យអុំទូក បណ្តែតប្រទីប សំពះព្រះខែ និងអកអំបុក ឆ្នាំនេះ មានទូកង ចូលរួមចំនួន ៣៣៧ទូក ក្នុងនោះ មានទូកអុំបុរស ចំនួន ១៥៨ទូក ,ទូកចែវ ចំនួន ៥២ទូក ក្នុងនោះ មានទូកចែវនារី ១ទូក ។ទូកខ្នាតអន្តរជាតិ មានចំនួន ១៣៤ទូក ក្នុងនោះ មានទូកនារី ២ទូក​។ ចំណែកកីឡាករអុំទូកសរុបចំនួន ២០៤១៧នាក់។ ក្នុងនោះ មានកីឡាករបម្រុង ចំនួន ៣៧៦៥នាក់៕ ម៉េង ធា

អត្ថបទសរសេរ ដោយ

កែសម្រួលដោយ