- ភ្នំពេញ
ស្ត្រីកម្ពុជា កំពុងតែបង្កើនឥទ្ធិពលនៅក្នុងការសម្រេចចិត្តផ្នែកនយោបាយ ដឹកនាំស្ថាប័ន និងចូលរួមចំណែកយ៉ាងសំខាន់ក្នុងកិច្ចការប្រទេស និងកម្រិតអន្តរជាតិ។ គួរអោយកត់សម្គាល់នោះ
ស្ត្រីកម្ពុជា កំពុងតែបង្កើនឥទ្ធិពលនៅក្នុងការសម្រេចចិត្តផ្នែកនយោបាយ ដឹកនាំស្ថាប័ន និងចូលរួមចំណែកយ៉ាងសំខាន់ក្នុងកិច្ចការប្រទេស និងកម្រិតអន្តរជាតិ។ គួរអោយកត់សម្គាល់នោះ
ស្ត្រីកម្ពុជា កំពុងតែបង្កើនឥទ្ធិពលនៅក្នុងការសម្រេចចិត្តផ្នែកនយោបាយ ដឹកនាំស្ថាប័ន និងចូលរួមចំណែកយ៉ាងសំខាន់ក្នុងកិច្ចការប្រទេស និងកម្រិតអន្តរជាតិ។ គួរអោយកត់សម្គាល់នោះ ស្ត្រីខ្លាំង៨រូប កំពុងតែដឹកនាំស្ថាប័នរដ្ឋសភា ដឹកនាំក្រសួង និងដឹកនាំខេត្ត។
ក្នុងចំណោមស្ត្រីខ្លាំងទាំង៨រូបនោះ គឺមានស្ត្រី៦រូប ដែលដឹកនាំក្រសួងស្ថាប័ន និងជារដ្ឋមន្ត្រី។ គេអាចដឹងថា មានលោកស្រី ឃួន សុដារី ដែលជាប្រធានរដ្ឋសភា, លោកស្រី ជា សិរី ទេសាភិបាលធនាគារជាតិនៃកម្ពុជា, លោកស្រី សោម គឹមសួគ៌ អគ្គសវនករ នៃអាជ្ញាធរសវនកម្មជាតិ។
ចំណែកស្ត្រីជារដ្ឋមន្ត្រីទាំង៣រូប មាន ៖ លោកស្រី អ៊ឹង កន្ថាផាវី, រដ្ឋមន្ត្រីក្រសួងកិច្ចការនារី, លោកស្រី ភឿង សកុណា រដ្ឋមន្ត្រីក្រសួងវប្បធម៌ និងវិចិត្រសិល្បៈ និងលោកស្រី ចម និម្មល រដ្ឋមន្ត្រីក្រសួងពាណិជ្ជកម្ម ។
បច្ចុប្បន្ន ស្ត្រីជាអភិបាលខេត្តមាន ២រូប ដោយមួយរូបជាអភិបាលខេត្តប៉ៃលិន គឺលោកស្រី បាន ស្រីមុំ និងម្នាក់ទៀតជាអភិបាលខេត្តកោះកុង គឺលោកស្រី មិថុនា ភូថង។
ទាំងនេះ ជារបាយការណ៍ដែលបានបង្ហាញនៅក្នុងសិក្ខាសាលាមួយស្តីពី «ស្ត្រីក្នុងភាពជាអ្នកដឹកនាំ និងអភិបាលកិច្ច» ក្រោមប្រធានបទ «ស្ត្រីក្នុងថា្នក់ធ្វើសេចក្តីសម្រេចក្នុងវិស័យ នយោបាយ និងសាធារណៈ» ដែលរៀបចំឡើងដោយក្រសួងកិច្ចការនារី កាលពីថ្ងៃទី២០ ខែវិច្ឆិកា ឆ្នាំ២០២៣ នៅសណ្ឋាគារសុខាភ្នំពេញ។
តាមរបាយការណ៍ដដែលនោះ បានបង្ហាញថា ក្នុងជួរមន្ត្រីរាជការវិញ មានស្ត្រីមាន ៤២% និង២៧% ដែលជាស្ត្រីមន្ត្រីរាជការមានតួនាទីនៅក្នុងថ្នាក់ ធ្វើសេចក្តីសម្រេចចិត្ត ស្ត្រីជាអភិបាលខេត្ត២រូប ស្ត្រីជាអភិបាលក្រុង ស្រុង ខណ្ឌ៦រូប ហើយស្ត្រីជាមេឃុំ ចៅសង្កាត់ ១៧៦រូប។
ក្រៅពីស្ត្រីជាអ្នកដឹកនាំស្ថាប័នសំខាន់ៗខាងលើ របាយការណ៍បានឱ្យដឹងផងដែរថា កម្ពុជា មានស្ត្រីជាអ្នកដោះមីននាំមុខគេ ហើយស្ត្រីជាអ្នកធ្វើជំនួញ ក៏ស្ថិតនៅក្នុងអត្រាខ្ពស់ជាងគេ ដែរនៅក្នុងប្រទេសអាស៊ាននោះ។
របាយការណ៍ពីសិក្ខាសាលាដដែល បានឱ្យដឹងថា យោងតាមវេទិកាសេដ្ឋកិច្ចពិភពលោក ឆ្នាំ២០២២ កម្ពុជាស្ថិតនៅលំដាប់លេខ៤១ ក្នុងចំណោម១៤៦ប្រទេស នៅតាមសហគ្រាស ធុនតូច និងធម្យម (SMEs) មានស្ត្រីជាម្ចាស់កម្មសិទ្ធិ ឬគ្រប់គ្រងដោយស្ត្រី ដែលជាអត្រាខ្ពស់ក្នុងតំបន់។ ស្ត្រីកម្ពុជា ផ្តល់តម្លៃ និងទទួលស្គាល់នៅសហគមន៍អន្តរជាតិ សម្រាប់ការចូលរួមថែរក្សា សុវត្ថិភាព និងសន្តិភាព។ កម្ពុជាជាប់ចំណាត់ថ្នាក់លេខ១ ក្នុងចំណោមប្រទេសអាស៊ាន និងទី១៣ ក្នុងចំណោម១២០ប្រទេស ដែលបានបញ្ជួនទាហានស្ត្រីក្នុងការប្រតិបត្តិការរក្សាសន្តិភាពរបស់អង្គការសហប្រជាជាតិ។
លោកស្រី អ៊ឹង កន្ថាផាវី រដ្ឋមន្ត្រីក្រសួងកិច្ចការនារី បានបញ្ជាក់ថា កម្ពុជាស្ថិតនៅក្នុងចំណោម ប្រទេស១០ក្នុងពិភពលោក ដែលសម្រេចគោលដៅអភិវឌ្ឍសហស្សរ៍លើសុខភាពមាតា ដែល ក្នុងនោះអត្រាមរណភាពមាតាបានធ្លាក់ចុះពី៤៧២ ក្នុងឆ្នាំ២០០៥ ដល់១៥៤ នៅក្នុងចំណោម ១សែនកំណើត រស់នៅឆ្នាំ២០២២៕
ចែករំលែកព័តមាននេះ