រាជធានីភ្នំពេញ ៖ ក្រសួងការងារ និងបណ្តុះបណ្តាលវិជ្ជាជីវៈ បានត្រៀមរួចស្រេចនូវប្រទីបរបស់ខ្លួន ដែលបានតុបតែងក្បូរក្បាច់រចនាដ៏ស្រស់ស្អាតសម្រាប់បណ្តែតក្នុងព្រះរាជពិធីបុណ្យអុំទូក បណ្តែតប្រទីប និងសំពះព្រះខែ អកអំបុក ដែលនឹងប្រព្រឹត្តទៅចាប់ពីថ្ងៃទី ២៦ ដល់ ២៨ ខែវិច្ឆិកា ឆ្នាំ ២០២៣ ខាងមុខ ។
![](https://kohsantepheapdaily.com.kh/wp-content/uploads/2023/11/b726903af6a6daacb00aa3958e5eeec4.jpg)
សម្រាប់ប្រទីបរបស់ក្រសួងការងារ និងបណ្តុះបណ្តាលវិជ្ជាជីវៈ បានតុបតែងរចនាផ្តោតអំពីអត្ថន័យសំខាន់ៗក្នុងវិស័យការងារ សន្តិសុខសង្គម និងបណ្តុះបណ្តាលវិជ្ជាជីវៈដោយបំពាក់ភ្លើងពណ៌យ៉ាងស្រស់ស្អាតដើម្បីជាផ្ទាំងទស្សនីយភាពជូនបងប្អូនប្រជាពលរដ្ឋ និងភ្ញៀវទេសចរអន្តរជាតិទស្សនា នាឱកាសដ៏មហស្ចារ្យខាងមុខនេះ ។
![](https://kohsantepheapdaily.com.kh/wp-content/uploads/2023/11/cce88f0c2d737d2f6c0f214e3823b29f.jpg)
គួរជម្រាបផងដែរថាក្នុងពិធីបុណ្យអុំទូក បណ្តែតប្រទីប និងសំពះព្រះខែ អកអំបុកនាឆ្នាំ២០២៣នេះ មានប្រទីបប្រមាណ៣០ ដែលបានត្រៀមចូលរួមបណ្តែត ៕ អត្ថបទសហការ
![](https://kohsantepheapdaily.com.kh/wp-content/uploads/2023/11/407fce38aee70d9725566d15d9c7a3bc.jpg)
ចែករំលែកព័តមាននេះ