- ភ្នំពេញ
ព្រះរាជពិធីបុណ្យអុំទូក បណ្តែតប្រទីប និងសំពះព្រះខែ អកអំបុក នឹងប្រព្រឹត្តទៅចាប់ពីថ្ងៃទី ២៦ រហូតដល់ថ្ងៃទី២៨ ខែវិច្ឆិកា ឆ្នាំ២០២៣ នៅរាជធានីភ្នំពេញ។ ដូច្នេះ
ព្រះរាជពិធីបុណ្យអុំទូក បណ្តែតប្រទីប និងសំពះព្រះខែ អកអំបុក នឹងប្រព្រឹត្តទៅចាប់ពីថ្ងៃទី ២៦ រហូតដល់ថ្ងៃទី២៨ ខែវិច្ឆិកា ឆ្នាំ២០២៣ នៅរាជធានីភ្នំពេញ។ ដូច្នេះ សូមនាំគ្នាមកលេងសប្បាយរីករាយទាំងអស់គ្នា បន្ទាប់ពីខកខានរៀបចំពិធីនេះ តាំងតែពីការរីករាលដាលនៃមេរោគកូវីដ១៩ នៅឆ្នាំ២០២០មក ។ ប៉ុន្តែសូមរំលឹកបញ្ហា ៣ ត្រូវប្រុងប្រយ័ត្ន។
ព្រះរាជពិធីនេះ នឹងរៀបចំយ៉ាងឧឡារឹក ដោយសារតែវាគឺជាពិធីដែលរៀបចំជាថ្មីក្រោយពីខកខាន៣ឆ្នាំ ហើយក៏ជាព្រឹត្តិការណ៍ដែលនឹងសម្ភោធរាជរដ្ឋាភិបាលអាណត្តិថ្មី ដែលទើបតែបានឡើងកាន់តំណែងបាន៣ខែពេញ ដូច្នេះពិធីនេះមិនធម្មតានោះទេ ។
គណៈកម្មាធិការជាតិរៀបចំបុណ្យជាតិ-អន្តរជាតិ បានឱ្យដឹងថា ព្រះរាជពិធីបុណ្យអុំទូក បណ្តែតប្រទីប និងសំពះព្រះខែ អកអំបុក ឆ្នាំនេះនៅពេលថ្ងៃ មានទូកចូលរួមប្រណាំងសរុប ចំនួន៣៣៨ទូក ក្នុងនោះមានទូកអុំ ចំនួន១៥៨ទូក, ទូកចែវបុរស ចំនួន៤២ទូក, ទូកចែវនារី ១ទូក, ទូកខ្នាតអន្តរជាតិបុរស ចំនួន១៣៥ទូក នារី២ទូ ហើយក៏នៅមានចំណុះទូកសរុបទាំងអស់ចំនួន ២.០៤៤ នាក់ ដែលមកពីក្រសួង ស្ថាប័ន អង្គភាព និងរដ្ឋបាលរាជធានី-ខេត្ត សរុប ២៥។
ប្រភពដដែលបានបន្តថា ក្រៅពីនេះ នៅក្បាលព្រលប់នឹងមានពិធីបា.ញ់កាំជ្រួច ដោយមាន ប្រទីបដល់ទៅ៣០ ក្នុងនោះមកពីក្រសួង និងស្ថាប័នរដ្ឋចំនួន២៨ ព្រមទាំងប្រទីបវិស័យឯកជន ចំនួន២ ដែលនឹងធ្វើការបណ្តែតតាមដងទន្លេសាប មុខព្រះបរមរាជវាំង ។
ប្រភពដដែលបានបន្តថា ពិធីនេះ នឹងរៀបចំឡើងក្រោមព្រះរាជធិបតីភាពរបស់ព្រះករុណាជាអម្ចាស់ជីវិតលើត្បូង ព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជា និងថ្នាក់ដឹកនាំរាជរដ្ឋាភិបាល រដ្ឋសភា និងព្រឹទ្ធសភា ហើយក៏នឹងមានវេទិកាសម្រាប់ភ្ញៀវទេសចរអន្តរជាតិ ជាពិសេសផងដែរ។
ក្រៅពីព្រឹត្តិការណ៍រៀបរាប់ខាងលើ នៅមានព្រឹត្តិការណ៍តូចៗជាច្រើនទៀត ដែលមានការរៀបចំឡើងដោយក្រុមហ៊ុនឯកជន ដោយរួមមានតាំងពីការតាំងលម្អភ្លើង ការរៀបចំស្តង់លក់ ទំនិញបញ្ចុះតម្លៃ កន្លែងលក់ម្ហូបអាហារជាច្រើនកន្លែង កម្មវិធីប្រគំតន្ត្រីជាដើម។
និយាយឱ្យចំ ព្រឹត្តិការណ៍៣ថ្ងៃ ៣រាត្រីនេះ ដឹងតែសប្បាយរីករាយមិនខាន ប៉ុន្តែទន្ទឹមនឹងក្តីសប្បាយ ក៏កុំភ្លេចបញ្ហា៣សំខាន់ដែរ ពីព្រោះតែមើលស្រាលបញ្ហាទាំង៣នេះ។ មិនត្រឹមតែ គ្រោះថ្នាក់ចំពោះខ្លួនឯងនោះទេ គឺថែមទាំងអាចនាំទុក្ខដល់ក្រុមគ្រួសារទៀតផង ដែលបញ្ហាទាំង៣នោះ គឺគ្រឿងស្រវឹង គ្រឿ.ងញៀ.ន និងរោគសង្គម ជាពិសេសគឺជំងឺអេដស៍តែម្តង។
អុំទូក ជាបុណ្យសប្បាយ ប៉ុន្តែកុំផឹកគ្រឿងស្រវឹងជ្រុល ជាពិសេសគឺអ្នកដែលកាន់ចង្កូតយានយន្ត ពីព្រោះវាពិតជាហានិភ័យខ្ពស់ណាស់ដល់ខ្លួនឯង និងអ្នកដទៃ ។ ដោយឡែក គ្រឿ.ងញៀ.នវិញ សូមកុំប៉ះពាល់តែម្តង ។ នៅក្នុងព្រឹត្តិការណ៍នេះ តិចឬច្រើន ពេលដែលមកលេងជុំគ្នា ប្រហែលជានឹងមានអ្នកដែលធ្លាប់ប្រើប្រាស់អូសទាញ ដូច្នេះសូមកុំសាកល្បង ពីព្រោះថា ប្រសិនបើអ្នកសាក មានន័យថា អ្នកនឹងធ្លាក់ខ្លួនញៀ.ន ដែលមិនត្រឹមតែមានពិរុទ្ធជាប់ទោសច្រវាក់ប៉ុណ្ណោះទេ វាក៏បំផ្លាញដល់សុខភាពរបស់យើងផងដែរ។ ចំណុចដែលគួរតែប្រុងប្រយ័ត្នទី៣ នោះ គឺការរីករាលដាលនៃមេរោគអេដស៍ ពីព្រោះអ្នកជំនាញខាងសុខភាពបានព្រមា.នអំពីក្តីបារម្ភ នៃការកម្រើកអត្រាឆ្លងមេរោគនេះជាថ្មី ជាពិសេសក្រុមមនុស្សដែលប្រពឹត្តិសកម្មភាពទ្វេរភេ.ទ ដែលមានន័យថា ប្រុសក៏បាន ស្ត្រីក៏បាន ។
កុំលេងសើចឱ្យសោះនឹងបញ្ហាទាំង៣នេះ ពីព្រោះវាមិនមែនជាករណីរងគ្រោះ ហើយអាចនឹងងាយស្រួលស្តារឡើងវិញនោះទេ ។ នៅក្នុងករណីយើងស្រវឹងបើកបរបង្កគ្រោះថ្នាក់ របួសពិការ ឬក៏ប្រព្រឹត្តិកា.មគុណខ្វះសុវត្ថិភាពឆ្លងមេរោគអេដស៍ យើងនឹងត្រូវរស់នៅជាមួយនឹងបញ្ហានេះអស់មួយជីវិ.ត សូម្បីតែអ្នកដទៃនៅក្នុងក្រុមគ្រួសារ និងអ្នកដែលទទួលផលពីអ្វីដែលយើងប្រពឹត្តិក៏រងគ្រោះដោយគេមិនដឹងខ្លួនដែរ។ ដោយឡែកគ្រឿ.ងញៀ.ន យើងអាចស្តារឡើងវិញបាន ប៉ុន្តែវាមិនងាយស្រួលពេកនោះទេ ដូច្នេះយកល្អកុំប៉ះពាល់ ។
សរុបមកវិញ សូមមកចូលរួមសប្បាយនឹងព្រឹត្តិការណ៍នៅចុងសប្តាហ៍នេះ និងដើមសប្តាហ៍ក្រោយឱ្យពេញទំហឹង ពីព្រោះយើងខកខានសប្បាយ៣ឆ្នាំហើយ ប៉ុន្តែទោះបីជាយ៉ាងណាក៏ដោយ ក្តីសប្បាយក៏ត្រូវតែមានទំនួលខុសត្រូវ ហើយយកចិត្តទុកដាក់៣ចំណុចនេះផង ពីព្រោះ បើយើងសាក យើងរងទុក្ខ ។
អត្ថបទដោយ ៖ ហេង ចេស្តារ
ចែករំលែកព័តមាននេះ